ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಪಂದ್ಯದ ಅಂತಿಮ ಹಂತದಲ್ಲಿ ಪಾಕಿಸ್ತಾನದ ವೇಗಿ ಶಾಹೀನ್ ಅಫ್ರಿದಿ ದಾಳಿಗೆ ಇಳಿಯುತ್ತಿದ್ದಂತೆ ಮೈದಾನದಲ್ಲಿ ರನ್ ಮಳೆ ಸುರಿಯಿತು. ಓವರ್ನ ಮೊದಲ ಎಸೆತವನ್ನೇ ಎದುರಿಸಿದ ಶಿವಂ ದುಬೆ, ಸ್ಟ್ರೈಟ್ ಡ್ರೈವ್ ಮೂಲಕ ಮನಮೋಹಕ ಬೌಂಡರಿ ಬಾರಿಸಿ ಶುಭಾರಂಭ ಮಾಡಿದರು.
ಬಳಿಕ ಸ್ಟ್ರೈಕ್ ಪಡೆದ ಚಾಣಾಕ್ಷ ಬ್ಯಾಟರ್ ರಿಂಕು ಸಿಂಗ್, ಅಫ್ರಿದಿ ಎಸೆದ ಮೂರನೇ ಎಸೆತವನ್ನು ಪಾಯಿಂಟ್ ದಿಕ್ಕಿನಲ್ಲಿ ಭರ್ಜರಿಯಾಗಿ ‘ಸ್ಲ್ಯಾಶ್’ ಮಾಡಿ ನಾಲ್ಕು ರನ್ ಗಳಿಸಿದರು. ಮರುಕ್ಷಣವೇ ಅಬ್ಬರಿಸಿದ ರಿಂಕು, ಮುಂದಿನ ಎಸೆತವನ್ನು ಮಿಡ್-ವಿಕೆಟ್ ಮೇಲೆ ಸಿಕ್ಸರ್ಗೆ ಅಟ್ಟುವ ಮೂಲಕ ತಾವು ಯಾಕೆ ಅತ್ಯುತ್ತಮ ‘ಫಿನಿಶರ್’ ಎಂಬುದನ್ನು ಮತ್ತೊಮ್ಮೆ ಸಾಬೀತುಪಡಿಸಿದರು.
ಆದರೆ, ಸ್ಫೋಟಕ ಬ್ಯಾಟಿಂಗ್ ನಡುವೆಯೂ ಭಾರತಕ್ಕೆ ಅಂತಿಮ ಎಸೆತಗಳಲ್ಲಿ ಹಿನ್ನಡೆಯಾಯಿತು. ಐದನೇ ಎಸೆತದಲ್ಲಿ ರನ್ ಕದಿಯುವ ಆತುರದಲ್ಲಿ ಶಿವಂ ದುಬೆ ರನ್ ಔಟ್ ಆಗಿ ಪೆವಿಲಿಯನ್ ಸೇರಿದರು. ಓವರ್ನ ಕೊನೆಯ ಎಸೆತದಲ್ಲಿ ದೊಡ್ಡ ಹೊಡೆತಕ್ಕೆ ಕೈಹಾಕಿದ ಅಕ್ಷರ್ ಪಟೇಲ್ ಕ್ಯಾಚ್ ನೀಡಿ ನಿರ್ಗಮಿಸಿದರು.
ಅಂತಿಮವಾಗಿ ಭಾರತ ನಿಗದಿತ 20 ಓವರ್ಗಳಲ್ಲಿ 7 ವಿಕೆಟ್ ನಷ್ಟಕ್ಕೆ 175 ರನ್ಗಳ ಸವಾಲಿನ ಮೊತ್ತವನ್ನು ಪೇರಿಸಿದೆ.
