ತ್ವರಿತ ಜೀವನಶೈಲಿಯಲ್ಲಿ ಆಹಾರವು ರುಚಿಕರವಾಗಿರುವುದರ ಜೊತೆಗೆ ತಕ್ಷಣ ತಯಾರಾಗುವಂತಿರಬೇಕೆಂಬ ಆಸೆ ಎಲ್ಲರಿಗು ಇದೆ. ಅಂಥ ಸಂದರ್ಭದಲ್ಲೇ ಬ್ರೆಡ್ ಪುಲಾವ್ ಒಂದು ಬೆಸ್ಟ್ ಆಯ್ಕೆ. ಮನೆಯಲ್ಲೇ ಇರುವ ಸರಳ ಸಾಮಗ್ರಿಗಳನ್ನು ಬಳಸಿಕೊಂಡು ಈ ರುಚಿಕರವಾದ ಅಡುಗೆ ಮಾಡಬಹುದು.
ಬೇಕಾಗುವ ಪದಾರ್ಥಗಳು
3 ಬ್ರೆಡ್ ಸ್ಲೈಸ್‌ಗಳು
2 ಚಮಚ ಎಣ್ಣೆ
1 ಚಮಚ ತುಪ್ಪ
1 ಬೇ ಎಲೆ
1 ಇಂಚಿನ ದಾಲ್ಚಿನ್ನಿ
3 ಏಲಕ್ಕಿ ಬೀಜಗಳು
6 ಲವಂಗ
1 ಟೀಸ್ಪೂನ್ ಜೀರಿಗೆ
½ ಟೀಸ್ಪೂನ್ ಸೋಂಪು
1 ಈರುಳ್ಳಿ , ಕತ್ತರಿಸಿದ್ದು
1 ಟೀಸ್ಪೂನ್ ಶುಂಠಿ ಬೆಳ್ಳುಳ್ಳಿ ಪೇಸ್ಟ್
1 ಕ್ಯಾರೆಟ್ , ಕತ್ತರಿಸಿದ್ದು
1 ಆಲೂಗಡ್ಡೆ , ಕತ್ತರಿಸಿದ್ದು
2 ಚಮಚ ಬಟಾಣಿ
½ ಟೀಸ್ಪೂನ್ ಅರಿಶಿನ
1 ಟೀಸ್ಪೂನ್ ಮೆಣಸಿನ ಪುಡಿ
½ ಟೀಸ್ಪೂನ್ ಜೀರಿಗೆ ಪುಡಿ
¾ ಟೀಸ್ಪೂನ್ ಕೊತ್ತಂಬರಿ ಪುಡಿ
½ ಟೀಸ್ಪೂನ್ ಗರಂ ಮಸಾಲ
1 ಟೀಸ್ಪೂನ್ ಉಪ್ಪು
½ ಕಪ್ ಮೊಸರು
3 ಟೇಬಲ್ಸ್ಪೂನ್ ಪುದೀನ , ಕತ್ತರಿಸಿದ್ದು
1½ ಕಪ್ ಬಾಸ್ಮತಿ ಅಕ್ಕಿ , ನೆನೆಸಿದ್ದು
3 ಕಪ್ ಬಿಸಿ ನೀರು
2 ಚಮಚ ಕೊತ್ತಂಬರಿ ಸೊಪ್ಪು , ಕತ್ತರಿಸಿದ್ದು
2 ಚಮಚ ಹುರಿದ ಗೋಡಂಬಿ
ಮಾಡುವ ವಿಧಾನ
ಮೊದಲು ಬ್ರೆಡ್‌ನ ಬದಿಗಳನ್ನು ಕತ್ತರಿಸಿ ನಂತರ ಮಾಧ್ಯಮ ಗಾತ್ರದ ತುಂಡುಗಳಾಗಿ ಕತ್ತರಿಸಿ ಬಿಸಿ ಎಣ್ಣೆಯಲ್ಲಿ ಮಧ್ಯಮ ಉರಿಯಲ್ಲಿ ಕಂದು ಬಣ್ಣಕ್ಕೆ ಬರುವವರೆಗೆ ಡೀಪ್ ಫ್ರೈ ಮಾಡಿ.
ಒಂದು ದೊಡ್ಡ ಕಡಾಯಿಯಲ್ಲಿ 2 ಟೇಬಲ್ ಸ್ಪೂನ್ ಎಣ್ಣೆ ಮತ್ತು 1 ಟೀ ಸ್ಪೂನ್ ತುಪ್ಪ ಬಿಸಿ ಮಾಡಿ. ಅದಕ್ಕೆ 1 ಬೇ ಎಲೆ, 1 ಇಂಚು ದಾಲ್ಚಿನ್ನಿ, 3 ಏಲಕ್ಕಿ, 6 ಲವಂಗ, 1 ಟೀ ಸ್ಪೂನ್ ಜೀರಿಗೆ ಮತ್ತು ½ ಟೀ ಸ್ಪೂನ್ ಸೋಂಪು ಸೇರಿಸಿ ಕಡಿಮೆ ಉರಿಯಲ್ಲಿ ಹುರಿಯಿರಿ.
ಈಗ 1 ಚಿಕ್ಕದಾಗಿ ಕತ್ತರಿಸಿದ ಈರುಳ್ಳಿ ಮತ್ತು 1 ಟೀ ಸ್ಪೂನ್ ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ ಸೇರಿಸಿ ಚೆನ್ನಾಗಿ ಹುರಿಯಿರಿ. ಬಳಿಕ 1 ಕತ್ತರಿಸಿದ ಕ್ಯಾರೆಟ್, 1 ಚಿಕ್ಕ ಆಲೂಗಡ್ಡೆ ಮತ್ತು 2 ಟೇಬಲ್ ಸ್ಪೂನ್ ಬಟಾಣಿ ಸೇರಿಸಿ. ತರಕಾರಿಗಳು ಸ್ವಲ್ಪ ಗರಿಗರಿಯಾಗುವವರೆಗೆ ಹುರಿಯಿರಿ.
ಈಗ ½ ಟೀ ಸ್ಪೂನ್ ಅರಿಶಿನ ಪುಡಿ, 1 ಟೀ ಸ್ಪೂನ್ ಮೆಣಸಿನ ಪುಡಿ, ½ ಟೀ ಸ್ಪೂನ್ ಜೀರಿಗೆ ಪುಡಿ, ¾ ಟೀ ಸ್ಪೂನ್ ಕೊತ್ತಂಬರಿ ಪುಡಿ, ½ ಟೀ ಸ್ಪೂನ್ ಗರಂ ಮಸಾಲ ಪುಡಿ ಮತ್ತು ಸ್ವಲ್ಪ ಉಪ್ಪು ಸೇರಿಸಿ. ಮಸಾಲೆಗಳ ಸುವಾಸನೆ ಹರಡುವವರೆಗೆ ಹುರಿಯಿರಿ.
ಈಗ ½ ಕಪ್ ಮೊಸರು ಮತ್ತು 3 ಟೇಬಲ್ ಸ್ಪೂನ್ ಪುದೀನ ಸೊಪ್ಪು ಸೇರಿಸಿ ಎಣ್ಣೆ ಬೇರ್ಪಡುವವರೆಗೆ ಬಾಡಿಸಿ. ನಂತರ 1½ ಕಪ್ ಬಾಸ್ಮತಿ ಅಕ್ಕಿ (20 ನಿಮಿಷ ಮುನ್ನ ನೆನೆಸಿದದ್ದನ್ನು) ಸೇರಿಸಿ, 1 ನಿಮಿಷ ಹುರಿಯಿರಿ.
3 ಕಪ್ ಬಿಸಿ ನೀರು ಸೇರಿಸಿ ಚೆನ್ನಾಗಿ ಮಿಕ್ಸ್ ಮಾಡಿ. ನೀರು ಕುದಿಯಲು ಶುರುವಾದಾಗ ಮುಚ್ಚಿ 10 ನಿಮಿಷ ಅಥವಾ ಅಕ್ಕಿ ಅರ್ಧ ಬೇಯುವವರೆಗೆ ಬೇಯಿಸಿ. ಈಗ ಹುರಿದ ಬ್ರೆಡ್ ತುಂಡುಗಳು, ಹುರಿದ ಗೋಡಂಬಿ ಮತ್ತು ಕೊತ್ತಂಬರಿ ಸೊಪ್ಪು ಸೇರಿಸಿ. ಎಲ್ಲವೂ ಚೆನ್ನಾಗಿ ಮಿಕ್ಸ್ ಮಾಡಿ. ಮತ್ತೆ ಪಾತ್ರೆಯನ್ನು ಮುಚ್ಚಿ ಮತ್ತೆ 10 ನಿಮಿಷ ಅಥವಾ ಅಕ್ಕಿ ಸಂಪೂರ್ಣವಾಗಿ ಬೇಯುವವರೆಗೆ ಬೇಯಿಸಿದರೆ. ಬ್ರೆಡ್ ಪುಲಾವ್ ಸಿದ್ಧ.
