ಹೆಲ್ತ್ಗೂ ಟೇಸ್ಟ್ಗೂ ಬೆಸ್ಟ್ ಆಗಿ ಸಿಗೋ ಡಿಶ್ ಅಂದ್ರೆ ನವಣೆ ಚಿತ್ರಾನ್ನ. ಸಾಮಾನ್ಯ ಅಕ್ಕಿ ಚಿತ್ರಾನ್ನಕ್ಕೆ ಬದಲಾಗಿ ನವಣೆಯಿಂದ ಮಾಡಿದ್ರೆ ಅದು ಇನ್ನೂ ಲೈಟ್ ಆಗಿರುತ್ತೆ. ಬೆಳಗಿನ ತಿಂಡಿಗೆ, ಟಿಫಿನ್ ಬಾಕ್ಸ್ಗೆ ಅಥವಾ ಸಾಯಂಕಾಲ ಸ್ನ್ಯಾಕ್ ಆಗಿ ಈ ರೆಸಿಪಿ ತುಂಬ ಸೂಕ್ತ.
ಬೇಕಾಗುವ ಸಾಮಗ್ರಿಗಳು:
ನವಣೆ – 1 ಕಪ್
ಈರುಳ್ಳಿ – 1
ಹಸಿಮೆಣಸು – 2
ಕರಿಬೇವು – ಸ್ವಲ್ಪ
ಶೇಂಗಾ – 2 ಚಮಚ
ಸಾಸಿವೆ – 1/2 ಚಮಚ
ಉದ್ದಿನಬೇಳೆ – 1 ಚಮಚ
ಅರಿಶಿಣ – ಚಿಟಿಕೆ
ನಿಂಬೆರಸ – 2 ಚಮಚ
ಎಣ್ಣೆ – 2 ಚಮಚ
ಉಪ್ಪು – ರುಚಿಗೆ ತಕ್ಕಷ್ಟು
ಕೊತ್ತಂಬರಿ ಸೊಪ್ಪು – ಅಲಂಕಾರಕ್ಕೆ
ಮಾಡುವ ವಿಧಾನ:
ಮೊದಲು ನವಣೆಯನ್ನು ಚೆನ್ನಾಗಿ ತೊಳೆದು 15 ನಿಮಿಷ ನೆನೆಸಿಡಿ. ನಂತರ 2 ಕಪ್ ನೀರು ಹಾಕಿ ಬೇಯಿಸಿ. ಬೇಯಿಸಿದ ನಂತರ ಅದನ್ನು ತಣ್ಣಗಾಗಲು ಬಿಡಿ.
ಈಗ ಒಂದು ಬಾಣಲೆಯಲ್ಲಿ ಎಣ್ಣೆ ಹಾಕಿ ಬಿಸಿ ಆದ ಮೇಲೆ ಸಾಸಿವೆ, ಉದ್ದಿನಬೇಳೆ, ಶೇಂಗಾ ಹಾಕಿ ಕರಿಯಿರಿ. ನಂತರ ಕರಿಬೇವು, ಹಸಿಮೆಣಸು, ಈರುಳ್ಳಿ ಹಾಕಿ ಸ್ವಲ್ಪ ಬಾಡಿಸಿ. ಇದಕ್ಕೆ ಅರಿಶಿಣ ಮತ್ತು ಉಪ್ಪು ಸೇರಿಸಿ ಕಲಸಿ.
ಈ ಬೇಯಿಸಿದ ನವಣೆಯನ್ನು ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿ. ಕೊನೆಯಲ್ಲಿ ನಿಂಬೆರಸ ಹಾಕಿ ನಿಧಾನಕ್ಕೆ ಕಲಸಿ. ಮೇಲಿಂದ ಕೊತ್ತಂಬರಿ ಸೊಪ್ಪು ಹಾಕಿದರೆ ರುಚಿಯಾದ ನವಣೆ ಚಿತ್ರಾನ್ನ ಸಿದ್ಧ.
