ಮಳೆಗಾಲದ ತಂಪಾದ ಸಂಜೆಯ ಹೊತ್ತಿಗೆ ಬಿಸಿ ಬಿಸಿ ಸೂಪ್ ಒಂದು ವಿಶೇಷವಾದ ಅನುಭವ. ಕೇವಲ ರುಚಿಗೇ ಅಲ್ಲ, ಸೂಪ್‌ಗಳು ಶರೀರಕ್ಕೆ ಪೌಷ್ಟಿಕಾಂಶ, ಶಾಖ ಮತ್ತು ಶಕ್ತಿಯನ್ನು ನೀಡುವ ಆರಾಮ ಆಹಾರಗಳಲ್ಲೊಂದು. ಇತ್ತೀಚೆಗೆ ಪೌಷ್ಟಿಕ ತಜ್ಞರು ಹೆಸರು ಕಾಳು ಹಾಗೂ ತೆಂಗಿನಕಾಯಿ ಬಳಸಿ ತಯಾರಿಸುವ ಸೂಪ್ ಒಂದು ಆರೋಗ್ಯಕರ ಆಯ್ಕೆಯಾಗಿದೆ ಎಂದು ಸಲಹೆ ನೀಡಿದ್ದಾರೆ. ಈ ಸೂಪ್ ರೋಗನಿರೋಧಕ ಶಕ್ತಿ ಹೆಚ್ಚಿಸುವುದರ ಜೊತೆಗೆ ಜೀರ್ಣಕ್ರಿಯೆ ಸುಧಾರಣೆಗೂ ಸಹಾಯಕವಾಗುತ್ತದೆ.
ಬೇಕಾಗುವ ಸಾಮಗ್ರಿಗಳು:
1 ಕಪ್ ಹೆಸರು ಕಾಳು
ಉಪ್ಪು
2 ಸಿಪ್ಪೆ ಸುಲಿದ ಕಿವಿ ಹಣ್ಣು
1/2 ಕಪ್ ತೆಂಗಿನಕಾಯಿ ಗಟ್ಟಿ ಹಾಲು
1 ಚಮಚ ಎಣ್ಣೆ
2 ಪಲಾವ್ ಎಲೆ
1/2 ಟೀಸ್ಪೂನ್ ಜೀರಿಗೆ ಬೀಜಗಳು
1 ಟೀಸ್ಪೂನ್ ಕೊತ್ತಂಬರಿ ಬೀಜಗಳು
1 ಟೀಸ್ಪೂನ್ ಕರಿಮೆಣಸು
8 ಬೆಳ್ಳುಳ್ಳಿ ಲವಂಗ,
1 ಮಧ್ಯಮ ಈರುಳ್ಳಿ,
1/2 ಮಧ್ಯಮ ಗಾತ್ರದ ಕ್ಯಾರೆಟ್
1/4 ಟೀಸ್ಪೂನ್ ಅರಿಶಿನ ಪುಡಿ
ತಾಜಾ ಕೊತ್ತಂಬರಿ ಸೊಪ್ಪು
ಮಾಡುವ ವಿಧಾನ:
ಒಂದು ಪಾತ್ರೆಯಲ್ಲಿ ಎಣ್ಣೆ ಬಿಸಿ ಮಾಡಿ, ಪುಲಾವ್ ಎಲೆ, ಜೀರಿಗೆ, ಕೊತ್ತಂಬರಿ ಬೀಜ, ಕರಿಮೆಣಸು ಹಾಗೂ ಬೆಳ್ಳುಳ್ಳಿ ಹುರಿಯಿರಿ. ನಂತರ ಈರುಳ್ಳಿ, ಕ್ಯಾರೆಟ್, ಅರಿಶಿನ ಪುಡಿ ಸೇರಿಸಿ ಚೆನ್ನಾಗಿ ಕಲಸಿ. ಬೇಯಿಸಿದ ಹೆಸರು ಕಾಳು ಹಾಗೂ ಉಪ್ಪು ಸೇರಿಸಿ ಕುದಿಸಿ. ನಂತರ ಕಿವಿ ಹಣ್ಣು ಕಿವುಚಿದ ರಸ ಸೇರಿಸಿ ರುಬ್ಬಿ. ಈ ಮಿಶ್ರಣವನ್ನು ಮತ್ತೆ ಕುದಿಸಿ, ತೆಂಗಿನಕಾಯಿ ಹಾಲು ಸೇರಿಸಿ ಚೆನ್ನಾಗಿ ಕಲಸಿ. ಕೊತ್ತಂಬರಿ ಸೊಪ್ಪಿನಿಂದ ಅಲಂಕರಿಸಿ ಬಿಸಿ ಬಿಸಿಯಾಗಿ ಬಡಿಸಿ.
