ಉಳಿದ ಬ್ರೆಡ್ ನಿಂದ ತಯಾರಿಸಬಹುದಾದ, ಹೆಚ್ಚು ಸಮಯ ತೆಗೆದುಕೊಳ್ಳದೆ ತಯಾರಾಗುವ, ಸುಲಭ ಮತ್ತು ರುಚಿಕರ ಬ್ರೆಡ್ ಉಪ್ಮಾ ಮಾಡೋದು ಹೇಗೆ ನೋಡೋಣ. ಮಕ್ಕಳಿಂದ ಹಿಡಿದು ವಯಸ್ಕರ ವರೆಗೆ ಎಲ್ಲರಿಗೂ ಇಷ್ಟವಾಗುವ ಈ ತಿನಿಸು, ಚಹಾ ಜೊತೆಗೆ ಹೆಚ್ಚು ಸೂಕ್ತ.
ಬೇಕಾಗುವ ಸಾಮಗ್ರಿಗಳು:
ಬ್ರೆಡ್ – 10-12 (ತುಂಡುಗಳಾಗಿ ಕತ್ತರಿಸಿದ್ದು)
ಈರುಳ್ಳಿ – 2
ಟೊಮ್ಯಾಟೊ – 1
ಹಸಿರು ಮೆಣಸಿನಕಾಯಿ – 3-4
ಅರಿಶಿನ ಪುಡಿ – 1/4 ಟೀಸ್ಪೂನ್
ಸಾಸಿವೆ – 1 ಟೀಸ್ಪೂನ್
ಜೀರಿಗೆ – 1/2 ಟೀಸ್ಪೂನ್ ಉಡಡ್
ಉದ್ದಿನ ಬೇಳೆ – 2 ಟೀಸ್ಪೂನ್
ತುರಿದ ಶುಂಠಿ – 1/4 ಟೀಸ್ಪೂನ್
ಗೋಡಂಬಿ – 8-10 ಅರ್ಧ
ಎಣ್ಣೆ – 2 ಟೀಸ್ಪೂನ್
ನೀರು – 1/2-3/4 ಕಪ್
ಕರಿಬೇವು – 1 ಚಿಗುರು
ಕೊತ್ತಂಬರಿ ಸೊಪ್ಪು – ಸ್ವಲ್ಪ
ನಿಂಬೆ ರಸ – 1 ಟೀಸ್ಪೂನ್
ರುಚಿಗೆ ತಕ್ಕಷ್ಟು ಉಪ್ಪು
ಮಾಡುವ ವಿಧಾನ:
ಒಂದು ಬಾಣಲೆಯಲ್ಲಿ ಎಣ್ಣೆ ಹಾಕಿ, ಬಿಸಿಯಾದಾಗ ಸಾಸಿವೆ, ಜೀರಿಗೆ, ಉದ್ದಿನ ಬೇಳೆ ಹಾಕಿ ಸಿಡಿಯಲು ಬಿಡಿ.
ಈಗ ಗೋಡಂಬಿ ಸೇರಿಸಿ, ಅವು ಕಂದು ಬಣ್ಣಕ್ಕೆ ಬರುವವರೆಗೆ ಹುರಿಯಿರಿ, ನಂತರ ಹಸಿರು ಮೆಣಸಿನಕಾಯಿ ಮತ್ತು ಈರುಳ್ಳಿ ಸೇರಿಸಿ. ಮತ್ತೆ ಅರಿಶಿನ ಪುಡಿ ಮತ್ತು ತುರಿದ ಶುಂಠಿ, ಟೊಮ್ಯಾಟೊ ಸೇರಿಸಿ ಮಿಶ್ರಣ ಮಾಡಿ.
ಸ್ವಲ್ಪ ಹೊತ್ತು ಕುದಿಸಿ, ಸ್ವಲ್ಪ ನೀರು ಮತ್ತು ಉಪ್ಪು ಸೇರಿಸಿ.ಅದು ಕುದಿಯುತ್ತಿದ್ದಂತೆ, ಬ್ರೆಡ್ ತುಂಡುಗಳನ್ನು ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ. ಕೊನೆಗೆ ಉರಿಯನ್ನು ಆರಿಸಿ, ನಿಂಬೆ ರಸ,ಕರಿಬೇವು, ಕೊತ್ತಂಬರಿ ಸೊಪ್ಪು ಸೇರಿಸಿದರೆ ಬ್ರೆಡ್ ಉಪ್ಮಾ ರೆಡಿ.
