ಹೊಸದಿಗಂತ ಡಿಜಿಟಲ್‌ ಡೆಸ್ಕ್‌:
ದೆಹಲಿಯ ವಸಂತ್‌ ಕುಂಜ್‌ನ ಮಹಿಪಾಲಪುರದಲ್ಲಿ ಇಂಗ್ಲೆಂಡ್‌ ಮೂಲದ ಯುವತಿಯ ಮೇಲೆ ಸಾಮೂಹಿಕ ಅತ್ಯಾಚಾರ ನಡೆದಿದೆ. ನಿನ್ನೆ ತಡರಾತ್ರಿ ಘಟನೆ ನಡೆದಿದ್ದು, ಈ ಸಂಬಂಧ ದೆಹಲಿಯ ಮಯೂರ್ ವಿಹಾರ್ ನಿವಾಸಿ ಕೈಲಾಶ್ ಮತ್ತು ವಾಸಿಮ್‌ನನ್ನು ಪೊಲೀಸರು ಬಂಧಿಸಿದ್ದಾರೆ.
ಸಂತ್ರಸ್ತ ಯುವತಿ ಮತ್ತು ಕೈಲಾಶ್ ಸೋಶಿಯಲ್ ಮೀಡಿಯಾ ಸ್ನೇಹಿತರಾಗಿದ್ದರು. ಕೈಲಾಶ್ ರೀಲ್ಸ್ ಮೂಲಕ ಆಕ್ಟಿವ್ ಆಗಿದ್ದ. ಈ ನಡುವೆ ಸಂತ್ರಸ್ತೆ ಭಾರತದ ಪ್ರವಾಸಕ್ಕೆ ಆಗಮಿಸಿದ್ದಳು. ಗೋವಾದಲ್ಲಿ ಭೇಟಿಯಾಗಲು ಕೈಲಾಶ್‌ಗೆ ಹೇಳಿದ್ದಳು. ಗೋವಾದಲ್ಲಿ ಭೇಟಿಯಾಗಲು ಸಾಧ್ಯವಿಲ್ಲ ಎಂದಾಗ ಕೈಲಾಶ್ ಭೇಟಿಗೆ ದೆಹಲಿಗೆ ಬಂದಿದ್ದಳು.
ಯುವತಿಯನ್ನು ಭೇಟಿ ಮಾಡಲು ವಾಸಿಮ್ ಜೊತೆಗೆ ಕೈಲಾಶ್ ತೆರಳಿದ್ದ. ರಾತ್ರಿ ಪಾರ್ಟಿ ಬಳಿಕ ಯುವತಿ ಜೊತೆಗೆ ರೂಂಗೆ ಕೈಲಾಶ್ ರೂಮ್‌ಗೆ ತೆರಳಿದ್ದ. ಈ ವೇಳೆ ಮದ್ಯದ ಅಮಲಿನಲ್ಲಿ ಅತ್ಯಾಚಾರ ಎಸಗಿದ್ದಾನೆ.ನಂತರ ಸ್ನೇಹಿತನನ್ನು ಕರೆಸಿಕೊಂಡಿದ್ದು, ಆತನೂ ಕೂಡ ಅತ್ಯಾಚಾರ ಮಾಡಿದ್ದಾನೆ.
