ಹೊಸದಿಗಂತ ಡಿಜಿಟಲ್ ಡೆಸ್ಕ್:
ದುಬೈನಿಂದ ಗೋಲ್ಡ್‌ ಸ್ಮಗ್ಲಿಂಗ್‌ ಮಾಡಿದ ಆರೋಪ ಸಂಬಂಧ ನಟಿ ರನ್ಯಾ ರಾವ್ ಜಾಮೀನು ಅರ್ಜಿ ವಿಚಾರಣೆ ಇವತ್ತು ನಡೆಯಲಿದೆ.
ನಿನ್ನೆ ಕೋರ್ಟ್ನಲ್ಲಿ ವಾದ ನಡೆಸಿದ ಡಿಆರ್ಐ ಪರ ವಕೀಲರು ಹೊರ ದೇಶದಿಂದ ಚಿನ್ನ ಸಾಗಾಣಿಕೆ ನಡೆದಿದೆ. ಪ್ರೊಟೊಕಾಲ್ ಉಲ್ಲಂಘನೆ, ಹಾಗೂ ರಾಷ್ಟ್ರೀಯ ಭದ್ರತೆ ವಿಷಯವಾಗಿದೆ. ಹೀಗಾಗಿ ಈ ಪ್ರಕರಣದಲ್ಲಿ ಅನೇಕರ ಕೈವಾಡವಿದೆ. ಹೆಚ್ಚಿನ ತನಿಖೆಗೆ DRI ಕಸ್ಟಡಿಗೆ ನೀಡಬೇಕು ಎಂದು ಹೇಳಿದ್ದರು.
ವಿಚಾರಣೆ ವೇಳೆ ರನ್ಯಾ ರಾವ್ ತಾವು ಯುರೋಪ್, ಅಮೆರಿಕ, ದುಬೈ ಮತ್ತು ಸೌದಿ ಅರೇಬಿಯಾಕ್ಕೆ ಭೇಟಿ ನೀಡಿದ್ದೇನೆ ಎಂದು ಡಿಆರ್ಐಗೆ ಮಾಹಿತಿ ನೀಡಿದ್ದಾರೆ.
DRI ಅಧಿಕಾರಿಗಳು ರನ್ಯಾರಾವ್‌ ಕೊಟ್ಟಿರುವ ಮಾಹಿತಿಗಳನ್ನ ದಾಖಲಿಸಿ ವಿಡಿಯೋ ರೆಕಾರ್ಡ್‌ ಮಾಡಿದ್ದಾರೆ. ಹಾಗೂ ಈ ದೋಷಾರೋಪಣೆ ಪಟ್ಟಿಯನ್ನು ಆಧರಿಸಿ, ಕಸ್ಟಡಿಗೆ ಕೊಡುವಂತೆ ಆರ್ಥಿಕ ಅಪರಾಧಗಳ ವಿಶೇಷ ನ್ಯಾಯಾಲಯದಲ್ಲಿ ಮನವಿ ಮಾಡಿದೆ.
