ಇಂದಿನ ವೇಗದ ಬದುಕಿನಲ್ಲಿ ರಾತ್ರಿ ಹಾಸಿಗೆಯ ಮೇಲೆ ಮಲಗಿದರೂ ನಿದ್ರೆ ಕಣ್ಣಿಗೆ ಬಾರದೇ ಕಾಡೋದು ಬಹುತೇಕ ಜನರ ಅನುಭವ. ಮೊಬೈಲ್ ಸ್ಕ್ರೀನ್‌ಗಳು, ಕೆಲಸದ ಒತ್ತಡ, ಮನಸ್ಸಿನ ಅಶಾಂತಿ ಎಲ್ಲ ಸೇರಿ ನಿದ್ರೆಯನ್ನು ದೂರ ತಳ್ಳುತ್ತವೆ. ಆದರೆ ಪ್ರಾಚೀನ ಆಕ್ಯುಪ್ರೆಶರ್ ಶಾಸ್ತ್ರದಲ್ಲಿ, ಯಾವುದೇ ಮಾತ್ರೆ ಇಲ್ಲದೇ, ದೇಹದಲ್ಲೇ ಇರುವ ಒಂದು ಸಣ್ಣ ಬಿಂದುವಿನ ಸಹಾಯದಿಂದ ನಿದ್ರೆಯನ್ನು ಆಹ್ವಾನಿಸಬಹುದು ಎನ್ನುತ್ತಾರೆ ತಜ್ಞರು. ಅಚ್ಚರಿಯ ಸಂಗತಿ ಅಂದ್ರೆ, ಆ ಬಿಂದು ನಮ್ಮ ಕಿವಿಯ ಹಿಂದೆಯೇ ಇದೆ.
ಆಕ್ಯುಪ್ರೆಶರ್‌ನ ‘ಶಾಂತ ನಿದ್ರೆ’ ಸೂತ್ರ
ಆಕ್ಯುಪ್ರೆಶರ್ ಪ್ರಕಾರ ಈ ಬಿಂದುವನ್ನು ಅನ್ಮಿಯಾ ಪಾಯಿಂಟ್ ಎಂದು ಕರೆಯಲಾಗುತ್ತದೆ. ಇದರ ಅರ್ಥವೇ “ಶಾಂತ ನಿದ್ರೆ”. ಇದು ಮನಸ್ಸನ್ನು ಶಮನಗೊಳಿಸುವ ಒತ್ತಡದ ಕೇಂದ್ರವಾಗಿದ್ದು, ಸರಿಯಾಗಿ ಒತ್ತಿದರೆ ದೇಹ ತಕ್ಷಣ ವಿಶ್ರಾಂತ ಸ್ಥಿತಿಗೆ ಹೋಗುತ್ತದೆ.
ಈ ಬಿಂದುವನ್ನು ಹೇಗೆ ಬಳಸಬೇಕು?
- ಮಲಗುವ ಮೊದಲು ಶಾಂತವಾಗಿ ಕುಳಿತು ಅಥವಾ ಮಲಗಿ
- ಕಿವಿಯೋಲೆಯ ಹಿಂದೆ ಇರುವ ಮೃದು ಭಾಗವನ್ನು ಹುಡುಕಿ
- ಎರಡೂ ಕಿವಿಗಳ ಹಿಂದೆಯೂ ಒಂದೇ ಸಮಯದಲ್ಲಿ
- ಸುಮಾರು 30 ಸೆಕೆಂಡುಗಳ ಕಾಲ ಸೌಮ್ಯವಾಗಿ ಒತ್ತಿರಿ
ಇದರ ಲಾಭಗಳು
- ನಿದ್ರಾಹೀನತೆ ಕಡಿಮೆ ಮಾಡುತ್ತದೆ
- ಒತ್ತಡ ಮತ್ತು ಆತಂಕ ತಗ್ಗಿಸುತ್ತದೆ
- ಮನಸ್ಸಿಗೆ ಆರಾಮ ನೀಡುತ್ತದೆ
- ತಲೆನೋವು, ಅಶಾಂತಿ ಕಡಿಮೆ ಆಗಲು ಸಹಕಾರಿ
ಈ ವಿಧಾನ ವೈದ್ಯಕೀಯ ಚಿಕಿತ್ಸೆಗೆ ಪರ್ಯಾಯವಲ್ಲ. ಆದರೆ ದಿನನಿತ್ಯದ ಒತ್ತಡದಿಂದ ಉಂಟಾಗುವ ನಿದ್ರಾ ಸಮಸ್ಯೆಗೆ ಇದು ಸಹಜ, ಸರಳ ಮತ್ತು ಸುರಕ್ಷಿತ ಸಹಾಯಕ ಮಾರ್ಗ. ಇಂದು ರಾತ್ರಿ ಒಮ್ಮೆ ಪ್ರಯತ್ನಿಸಿ.(Disclaimer: ಈ ಲೇಖನವು ಅಂತರ್ಜಾಲ ಮೂಲಗಳಿಂದ ಸಂಗ್ರಹಿಸಿದ ಮಾಹಿತಿಯಾಧಾರಿತವಾಗಿದೆ. ಇದು ವೈದ್ಯಕೀಯ ಸಲಹೆಯಲ್ಲ. ಹೆಚ್ಚಿನ ಮಾಹಿತಿಗಾಗಿ ತಜ್ಞರನ್ನು ಸಂಪರ್ಕಿಸಿ.)
