ಪಾಸಿಟಿವಿಟಿ ಅಥವಾ ಸಕಾರಾತ್ಮಕ ದೃಷ್ಟಿಕೋನ ನಮ್ಮ ಜೀವನವನ್ನ ಸುಂದರಗೊಳಿಸುತ್ತೆ. ಇದರಿಂದ ಆತ್ಮವಿಶ್ವಾಸ ಹೆಚ್ಚಾಗುತ್ತೆ. ಮಾನಸಿಕ ಆರೋಗ್ಯ ಉತ್ತಮಗೊಳ್ಳುತ್ತದೆ ಹಾಗೂ ಒತ್ತಡವನ್ನ ಸಮರ್ಥವಾಗಿ ಎದುರಿಸಲು ಸಾಧ್ಯವಾಗುತ್ತದೆ.
ನಿಮ್ಮ ಜೀವನದಲ್ಲೂ ಪಾಸಿಟಿವಿಟಿಯನ್ನು ಹೆಚ್ಚಿಸಿಕೊಳ್ಳಲು ಕೆಲವು ಟಿಪ್ಸ್ ಇಲ್ಲಿದೆ.
ಗ್ರಾಟಿಟ್ಯೂಡ್ ಬೆಳಸಿಕೊಳ್ಳಿ
ನಮ್ಮ ಜೀವನದಲ್ಲಿ ಇರುವ ಒಳ್ಳೆಯ ವಿಷಯಗಳನ್ನು ಗುರುತಿಸಿ, ಅದಕ್ಕಾಗಿ ಗ್ರಾಟಿಟ್ಯೂಡ್ ವ್ಯಕ್ತಪಡಿಸುವುದು ಒಳ್ಳೆಯದು. ಪ್ರತಿ ದಿನ ಕನಿಷ್ಠ ಮೂರು ಒಳ್ಳೆಯ ಹೊಸ ವಿಷಯಗಳನ್ನು ನಿಮ್ಮಲ್ಲಿ ಬೆಳೆಸಿಕೊಳ್ಳುವ ಅಭ್ಯಾಸ ಮಾಡಿಕೊಳ್ಳಿ.
ಪಾಸಿಟಿವ್ ಥಿಂಕಿಂಗ್ ಅಭ್ಯಾಸ ಮಾಡಿ
ನಮ್ಮ ಆಲೋಚನೆಗಳು ನಮ್ಮ ಜೀವನದ ಗುಣಮಟ್ಟವನ್ನು ನಿರ್ಧರಿಸುತ್ತವೆ. ಯಾವತ್ತಿಗೂ ಒಳ್ಳೆಯ ದೃಷ್ಟಿಕೋನವನ್ನು ಬೆಳೆಸಲು ಪ್ರಯತ್ನಿಸಿ. ಕಷ್ಟಸಾಧ್ಯ ಪರಿಸ್ಥಿತಿಗಳಲ್ಲೂ ತಾಳ್ಮೆ ಮತ್ತು ಶಾಂತಿಯನ್ನು ಕಾಪಾಡಿ.
ಆತ್ಮವಿಶ್ವಾಸವನ್ನು ಹೆಚ್ಚಿಸಿಕೊಳ್ಳಿ
ನಿಮ್ಮ ಸಾಮರ್ಥ್ಯಗಳನ್ನು ನಂಬಿ. ಹೊಸ ಕೌಶಲ್ಯಗಳನ್ನು ಕಲಿಯುವುದು, ಸಣ್ಣ ಯಶಸ್ಸುಗಳನ್ನು ಆಚರಿಸುವುದು ಆತ್ಮವಿಶ್ವಾಸವನ್ನು ಹೆಚ್ಚಿಸುತ್ತದೆ.
ಸಕಾರಾತ್ಮಕ ವ್ಯಕ್ತಿಗಳೊಡನೆ ಸಂಪರ್ಕ ಬೆಳೆಸಿಕೊಳ್ಳಿ
ನಿಮ್ಮೊಂದಿಗೆ ಸದಾ ಇರುವ ಜನರು ನಿಮ್ಮ ಚಿಂತನೆ ಮತ್ತು ಜೀವನಶೈಲಿಯ ಮೇಲೆ ಪರಿಣಾಮ ಬೀರುತ್ತಾರೆ. ಹೀಗಾಗಿ, ಸಕಾರಾತ್ಮಕ ಚಿಂತನೆ ಹೊಂದಿರುವ, ನಿಮ್ಮನ್ನು ಪ್ರೇರೇಪಿಸುವ ವ್ಯಕ್ತಿಗಳೊಂದಿಗೆ ಹೆಚ್ಚು ಸಮಯ ಕಳೆಯಿರಿ.
ಆರೋಗ್ಯಕರ ಜೀವನಶೈಲಿ ಅನುಸರಿಸಿ
ತೃಪ್ತಿದಾಯಕ ಆಹಾರ, ನಿಯಮಿತ ವ್ಯಾಯಾಮ ಮತ್ತು ಒಳ್ಳೆಯ ನಿದ್ರೆ ದೈಹಿಕ ಹಾಗೂ ಮಾನಸಿಕ ಆರೋಗ್ಯವನ್ನು ಸುಧಾರಿಸುತ್ತದೆ. ಆರೋಗ್ಯ ಸಕಾರಾತ್ಮಕ ಚಿಂತನೆಗೆ ಸಹಾಯ ಮಾಡುತ್ತದೆ.
ಹಳೆಯದನ್ನು ನೆನಪಿಸಿಕೊಳ್ಳಬೇಡಿ
ಹಳೆಯ ನೆನೆಪುಗಳನ್ನು ಮತ್ತೆ ಮತ್ತೆ ನೆನಪಿಸಿಕೊಳ್ಳುವುದು ಪಾಸಿಟಿವಿಟಿಯನ್ನು ಕಡಿಮೆ ಮಾಡುತ್ತೆ. ಒಬ್ಬರನ್ನು ಕ್ಷಮಿಸುವುದು ಮತ್ತು ಹಳೆಯ ವಿಷಯಗಳನ್ನು ಬಿಡುವುದು ಮಾನಸಿಕ ಶಾಂತಿಯನ್ನು ತರಬಹುದು.
ಧೈರ್ಯ ಮತ್ತು ಸಹನಶೀಲತೆಯನ್ನು ಬೆಳಸಿಕೊಳ್ಳಿ
ಜೀವನದಲ್ಲಿ ಎಂತಹ ಸವಾಲುಗಳನ್ನಾದರೂ ಧೈರ್ಯದಿಂದ ಎದುರಿಸಿ. ಸಮಯ ತೆಗೆದುಕೊಳ್ಳಿ, ಆದರೆ ನಿರಾಶರಾಗಬೇಡಿ. ಪ್ರತಿಯೊಂದು ಸವಾಲು ಹೊಸ ಪಾಠವನ್ನು ಕಲಿಸುತ್ತದೆ.
ಪಾಸಿಟಿವಿಟಿ ಎನ್ನುವುದು ಒಂದು ದಿನದ ಕಲಿಕೆಯಲ್ಲ, ಅದು ನಿರಂತರ ಅಭ್ಯಾಸ. ಸಣ್ಣ ಸಣ್ಣ ಬದಲಾವಣೆಗಳಿಂದಲೇ ದೊಡ್ಡ ಪರಿವರ್ತನೆ ತರಬಹುದು. ಯಾವಾಗಲೂ ಒಳ್ಳೆಯದನ್ನು ಹುಡುಕುತ್ತಾ, ಜೀವನವನ್ನು ಉತ್ಸಾಹಭರಿತವಾಗಿ ಬದುಕೋಣ!
