ಬೆಕ್ಕುಗಳು ಪ್ರಾಣಿ ಪ್ರಿಯರಲ್ಲಿ ಅತ್ಯಂತ ಜನಪ್ರಿಯವಾದ ಸಾಕುಪ್ರಾಣಿಗಳಾಗಿವೆ. ಆದರೆ, ಅವುಗಳು ಬಹುತೇಕ ಸಮಯ ನೀರಿನಿಂದ ದೂರವಿರುವುದನ್ನು ನಾವು ಗಮನಿಸುತ್ತೇವೆ. ಬೆಕ್ಕುಗಳು ನೀರಿನ ಸಂಪರ್ಕಕ್ಕೆ ಬಂದ ಕೂಡಲೆ ಓಡಿಹೋಗುವ ಅಥವಾ ಕಿರುಚುವ ಪ್ರವೃತ್ತಿ ಹೊಂದಿರುತ್ತವೆ. ಹೀಗಾಗಿ, “ಬೆಕ್ಕುಗಳು ನೀರಿಗೆ ಏಕೆ ಭಯಪಡುವು?” ಎಂಬ ಪ್ರಶ್ನೆ ಸಾಮಾನ್ಯ.
ವಾಸ್ತವವಾಗಿ, ಬೆಕ್ಕಿನ ದಪ್ಪ ತುಪ್ಪಳ (ಮೈ ಮೇಲಿನ ಕೂದಲು)ವು ಒಣಗಲು ಸಾಕಷ್ಟು ಸಮಯ ತೆಗೆದುಕೊಳ್ಳುತ್ತದೆ. ಹಾಗಾಗಿ ನೀರಿನಿಂದ ರಕ್ಷಿಸಿಕೊಳ್ಳುವುದು ಅಥವಾ ನೀರಿನ ಒಗ್ಗೂಡುವಿಕೆಗೆ ಹೆದರುವುದು ಬೆಕ್ಕಿನ ಸ್ವಭಾವವಾಗಿದೆ.
ಕೆಲವು ಸಂಶೋಧಕರ ಪ್ರಕಾರ, ಬೆಕ್ಕುಗಳು ಗಟ್ಟಿಯಾದ ಮೇಲ್ಮೈಗಳಲ್ಲಿ ಉಳಿಯಲು ಅಥವಾ ನಡೆಯಲು ಬಯಸುತ್ತವೆ. ಮಣ್ಣು, ಮರಳು, ನೀರು ತುಂಬಿದ ಮಣ್ಣು, ಇವುಗಳಿಂದ ರಕ್ಷಿಸಿಕೊಳ್ಳಲು ಬಯಸುತ್ತದೆ. ಅದಕ್ಕಾಗಿಯೇ ಅವು ನೀರನ್ನು ಇಷ್ಟಪಡುವುದಿಲ್ಲ.
ಅಲ್ಲದೇ ಬೆಕ್ಕುಗಳು ತಮ್ಮನ್ನು ತಾವೇ ಶುದ್ಧಗೊಳಿಸಿಕೊಳ್ಳುವ ಜಾತಿಗೆ ಸೇರಿದವು. ದಿನದ ಹೆಚ್ಚಿನ ಸಮಯವನ್ನು ತಮ್ಮ ರೋಮಗಳನ್ನು ನೆಕ್ಕುವುದರಲ್ಲಿ ಕಳೆಯುತ್ತವೆ. ನೀರಿನಲ್ಲಿ ಸ್ನಾನ ಮಾಡಿದರೆ ತಮ್ಮ ಸ್ವಚ್ಛತೆಯ ನಿಯಂತ್ರಣ ತಪ್ಪುತ್ತದೆ ಎಂಬ ಭಾವನೆ ಅವುಗಳಲ್ಲಿ ಇರುವ ಸಾಧ್ಯತೆಯೂ ಇದೆ.
