ತಲೆನೋವು ನಿಮ್ಮ ದೇಹವನ್ನು ಬಾಧಿಸಿದಾಗ ನಿಮ್ಮ ಜೀವನವು ಸ್ಥಗಿತಗೊಳ್ಳುತ್ತದೆ. ಈ ತಲೆನೋವಿನಿಂದ ಉಂಟಾಗುವ ನೋವನ್ನು ನಿಲ್ಲಿಸಲು ನೀವು ತಕ್ಷಣದ ಔಷಧಿಗಳನ್ನು ಆರಿಸಿಕೊಳ್ಳುತ್ತೀರಿ. ಆದರೆ ಈ ಔಷಧಗಳು ದೀರ್ಘಾವಧಿಯಲ್ಲಿ ನಿಮ್ಮ ದೇಹಕ್ಕೆ ಹಾನಿ ಮಾಡುತ್ತವೆ. ಹೀಗಾಗಿ ಇವತ್ತು ನಾವು ಮನೆಯಲ್ಲೇ ಸುಲಭವಾಗಿ ತಲೆನೋವನ್ನು ಕಡಿಮೆ ಮಾಡುವ ವಿಧಾನವನ್ನು ನೋಡೋಣ.
ಸೌಮ್ಯ ಅಥವಾ ದೀರ್ಘಕಾಲದ ರೂಪದಲ್ಲಿ ತಲೆನೋವನ್ನು ನಿರ್ಲಕ್ಷಿಸಲಾಗುವುದಿಲ್ಲ. ಆದರೆ ಇದು ಯಾವುದೇ ಕಾಯಿಲೆಯ ಅಡಿಯಲ್ಲಿ ಬರುವುದಿಲ್ಲ. ಕೆಲವೊಮ್ಮೆ ತಲೆನೋವು ಕಡಿಮೆ ನೀರು ಕುಡಿಯುವುದು, ಒತ್ತಡದದಿಂದ ತಲೆನೋವು ಉಂಟಾಗುತ್ತದೆ. ಎಣ್ಣೆಯುಕ್ತ, ಮಸಾಲೆಯುಕ್ತ ಮತ್ತು ಹೆಚ್ಚು ಉಪ್ಪುಸಹಿತ ಆಹಾರವನ್ನು ಸೇವಿಸುವುದರಿಂದ ತಲೆನೋವು ಬರಬಹುದು ಹೀಗೆ ಹತ್ತು ಹಲವು ಕಾರಣಗಳಿವೆ.
ಏನು ಸೇವಿಸಬೇಕು
ತಲೆನೋವನ್ನು ನಿಯಂತ್ರಿಸಲು ಹಲವು ಆರೋಗ್ಯಕರ ಆಯ್ಕೆಗಳಿವೆ. ನಿಮ್ಮ ನೀರಿನ ಸೇವನೆಯನ್ನು ಹೆಚ್ಚಿನ ಪ್ರಮಾಣದಲ್ಲಿ ಇರಿಸಿ. ತೆಂಗಿನ ನೀರು, ತುಳಸಿ ಚಹಾ ಮತ್ತು ತಾಜಾ ಹಣ್ಣಿನ ರಸಗಳಂತಹ ಆಹಾರ ಪದಾರ್ಥಗಳನ್ನು ಸೇರಿಸಿ. ಶುಂಠಿ, ಪುದೀನ, ಅಲೋವೆರಾ, ಜೀರಿಗೆ ಮತ್ತು ಏಲಕ್ಕಿಯಂತಹ ಗಿಡಮೂಲಿಕೆಗಳು ತಲೆನೋವಿನ ಪೂರ್ವದ ತೊಂದರೆಗಳನ್ನು ನಿಯಂತ್ರಿಸುತ್ತವೆ.
ನಿಮ್ಮನ್ನು ನಿರಾಳಗೊಳಿಸಿಕೊಳ್ಳಿ
ಯೋಗ, ಪ್ರಾಣಾಯಾಮ ಮತ್ತು ಧ್ಯಾನದಂತಹ ಸರಳ ತಂತ್ರಗಳು ನಿಮ್ಮ ಮನಸ್ಸನ್ನು ಶಾಂತ ಮಾಡುತ್ತವೆ ಮತ್ತು ಒತ್ತಡವನ್ನು ಕಡಿಮೆ ಮಾಡುತ್ತವೆ. ಶ್ರೀಗಂಧ, ಪುದೀನಾ, ನೀಲಗಿರಿನಂತಹ ಸಾರಭೂತ ಎಣ್ಣೆಯಿಂದ ತಲೆ ಮಸಾಜ್ ಮಾಡುವುದರಿಂದ ರಕ್ತ ಪರಿಚಲನೆ ಹೆಚ್ಚಾಗುತ್ತದೆ, ಇದರಿಂದಾಗಿ ನಿಮ್ಮ ಮನಸ್ಸನ್ನು ಶಾಂತಗೊಳಿಸುತ್ತದೆ.
ಪೂರಕಗಳು (ಸಪ್ಪ್ಲಿಮೆಂಟ್ಸ್)
ಕೆಲವು ಪೂರಕಗಳು ಆಗಾಗ್ಗೆ ತಲೆನೋವು ತಪ್ಪಿಸಲು ಅಥವಾ ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ವಿಟಮಿನ್ ಬಿ 12 ತಲೆನೋವಿನಿಂದ ವಿಶ್ರಾಂತಿ ನೀಡುತ್ತದೆ. ಮೆಗ್ನೀಸಿಯಮ್, ಒಮೆಗಾ -3 ಕೊಬ್ಬಿನಾಮ್ಲಗಳು ಮತ್ತು ವಿಟಮಿನ್ ಡಿ ಪೂರಕಗಳನ್ನು ಪರಿಗಣಿಸಿ. ಯಾವುದೇ ಪೂರಕಗಳನ್ನು ಸೇರಿಸುವ ಮೊದಲು ವೈದ್ಯರನ್ನು ಸಂಪರ್ಕಿಸಿ.
ತಪ್ಪಿಸಬೇಕಾದ ವಿಷಯಗಳು
ತಲೆನೋವು ಉಂಟುಮಾಡುವ ವಸ್ತುಗಳಿಂದ ದೂರವಿರುವುದು ಅತ್ಯಗತ್ಯ. ಇದರಲ್ಲಿ ಧೂಮಪಾನ, ಮದ್ಯಪಾನ, ಕಾಫಿ ಮತ್ತು ಜಂಕ್ ಫುಡ್ ಸೇರಿವೆ.
