ಮಧುಮೇಹ ಅಥವಾ ಡಯಾಬಿಟಿಸ್ ಕಾಯಿಲೆ ಹೊಂದಿರುವವರು ಆಹಾರ ಮತ್ತು ಪಾನೀಯಗಳ ಆಯ್ಕೆಯಲ್ಲಿ ಎಚ್ಚರಿಕೆಯಿಂದ ಇರಬೇಕಾಗಿದೆ. ರಕ್ತದಲ್ಲಿನ ಶರ್ಕರಾ ಮಟ್ಟವನ್ನು ನಿಯಂತ್ರಣದಲ್ಲಿ ಇಡುವುದು ಈ ಕಾಯಿಲೆಯ ನಿರ್ವಹಣೆಗೆ ಅತ್ಯಂತ ಮುಖ್ಯವಾದ ವಿಷಯ. ಈ ಹಿನ್ನೆಲೆಯಲ್ಲಿ, ಮಧುಮೇಹಿಗಳಿಗಾಗಿ ಕೆಲವು ಪಾನೀಯಗಳು ಆರೋಗ್ಯಕ್ಕೆ ಹಿತಕರವಾಗಿದ್ದು, ರಕ್ತದಲ್ಲಿನ ಗ್ಲೂಕೋಸ್ ಮಟ್ಟವನ್ನೂ ಸಮತೋಲನದಲ್ಲಿ ಇಡಲು ಸಹಕಾರಿಯಾಗುತ್ತವೆ.
ನೀರು (Water):
ನೀರಿಗಿಂತ ಉತ್ತಮ ಪಾನೀಯ ಇನ್ನೊಂದಿಲ್ಲ. ಇದು ದೇಹದ ಜಲಾಂಶದ ಮಟ್ಟವನ್ನು ಕಾಪಾಡಿ, ಕಲ್ಮಶಗಳನ್ನು ಹೊರ ಹಾಕಲು ಸಹಾಯಮಾಡುತ್ತದೆ. ನೀರಿನ ಬಳಕೆ ಹೆಚ್ಚಾದರೆ ರಕ್ತದಲ್ಲಿನ ಸಕ್ಕರೆ ಮಟ್ಟ ಕಡಿಮೆಯಾಗಲು ಸಹಕಾರಿಯಾಗಬಹುದು.
ಮೆಂತ್ಯದ ನೀರು (Fenugreek Water):
ಮೆಂತ್ಯದ ಬೀಜಗಳನ್ನು ರಾತ್ರಿ ನೀರಿಗೆ ಹಾಕಿ ಬೆಳಿಗ್ಗೆ ಆ ನೀರನ್ನು ಕುಡಿಯುವುದು ಮಧುಮೇಹ ನಿಯಂತ್ರಣಕ್ಕೆ ಉಪಯುಕ್ತ. ಇದು ಇನ್ಸುಲಿನ್ ಸಂವೇದನೆ ಹೆಚ್ಚಿಸಲು ಸಹಾಯಮಾಡಬಹುದು.
ಬಿಲ್ವದ ಎಲೆ ನೀರು (Bael Leaf Water):
ಬಿಲ್ವದ ಎಲೆಗಳನ್ನು ನೀರಿಗೆ ಹಾಕಿ ಕುಡಿಸಿ ಬಳಿಕ ಅದನ್ನು ಕುಡಿಯುವುದು ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ನಿಯಂತ್ರಣಕ್ಕೆ ತರಬಹುದು.
ಗ್ರೀನ್ ಟೀ (Green Tea):
ಕೆಫೇನ್ ಕಡಿಮೆ ಇರುವ ಹಾಗೂ ಆಂಟಿ–ಆಕ್ಸಿಡೆಂಟ್ಸ್‌ಗಳಿಂದ ಸಮೃದ್ಧವಾದ ಗ್ರೀನ್ ಟೀ, ಡಯಾಬಿಟಿಸ್ ನಿಯಂತ್ರಣಕ್ಕೆ ಸಹಾಯಕ. ಈ ಚಹಾ ಇನ್ಸುಲಿನ್ ಕ್ರಿಯೆಯನ್ನು ಉತ್ತಮಗೊಳಿಸುತ್ತದೆ.
ನಿಂಬೆರಸ (Lemon Water):
ನಿಂಬೆರಸವು ವಿಟಮಿನ್ C ನಿಂದ ಸಮೃದ್ಧವಾಗಿದ್ದು. ಅದನ್ನು ಸ್ವಚ್ಛ ನೀರಿಗೆ ಸೇರಿಸಿ ದಿನದಲ್ಲಿ ಒಂದು ಬಾರಿ ಕುಡಿಯುವುದು ದೇಹವನ್ನು ಶುದ್ಧೀಕರಿಸಬಲ್ಲದು ಮತ್ತು ಗ್ಲೂಕೋಸ್ ಮಟ್ಟದ ನಿಯಂತ್ರಣಕ್ಕೂ ನೆರವಾಗುತ್ತದೆ. (Disclaimer: ಈ ಲೇಖನವು ಸಾರ್ವಜನಿಕ ಮೂಲಗಳಿಂದ ಸಂಗ್ರಹಿಸಿದ ಮಾಹಿತಿಯಾಧಾರಿತವಾಗಿದೆ. ಇದು ವೈದ್ಯಕೀಯ ಸಲಹೆಯಲ್ಲ. ಹೆಚ್ಚಿನ ಸಮಸ್ಯೆಗಾಗಿ ತಜ್ಞರನ್ನು ಸಂಪರ್ಕಿಸಿ.)
