ಭಾರತೀಯ ಪಾಕಪದ್ಧತಿಯಲ್ಲಿ ಹೆಚ್ಚಿನ ಮಸಾಲೆಗಳನ್ನು ಬಳಸಲಾಗುತ್ತದೆ. ಅವುಗಳನ್ನು ಹಲವು ಕಾರಣಗಳಿಗಾಗಿ ಬಳಸಲಾಗುತ್ತದೆ ಎಂಬುದನ್ನು ನಾವು ಮರೆತುಬಿಡುತ್ತೇವೆ. ಅಂತಹ ಒಂದು ಮಸಾಲೆ ಗಸಗಸೆ ಬೀಜ. ಸಾಮಾನ್ಯವಾಗಿ ಖುಸ್ ಖುಸ್ ಎಂದು ಕರೆಯಲ್ಪಡುವ ಈ ಬೀಜಗಳು ಭಾರತೀಯ ಉಪಖಂಡದ ಹಲವಾರು ಪ್ರದೇಶಗಳ ಪಾಕಕಲೆಯಲ್ಲಿ ಪ್ರಮುಖ ಪಾತ್ರವಹಿಸುತ್ತವೆ.
ಇವು ಗಸಗಸೆ ಹೂವಿನಿಂದ ದೊರೆಯುವ ಪುಟ್ಟ ಬೀಜಗಳು. ಮಾದಕ ಗುಣಗಳಿಂದ ಕೂಡಿದ ಈ ಬೀಜಗಳು ಆಹಾರದಲ್ಲಿ ತಂಪು ತರುವುದು, ಶಕ್ತಿಯ ಉತ್ಪತ್ತಿಗೆ ಸಹಕಾರಿಯಾಗುವುದು, ಹಾಗೂ ಪೌಷ್ಟಿಕಾಂಶಗಳ ಸಮೃದ್ಧ ಮೂಲವೆಂದು ಪರಿಗಣಿಸಲಾಗುತ್ತದೆ.
ಫಲವತ್ತತೆಗೆ ಸಹಾಯಕರ (Female Fertility )
ಬೀಜಗಳು ಮತ್ತು ಎಣ್ಣೆಯು ಫಾಲೋಪಿಯನ್ ಟ್ಯೂಬ್‌ಗಳಿಂದ ಕಸ ಮತ್ತು ಲೋಳೆಯನ್ನು ತೆರವುಗೊಳಿಸುವ ಮೂಲಕ ಮಹಿಳೆಯರ ಫಲವತ್ತತೆಯನ್ನು ಹೆಚ್ಚಿಸುತ್ತದೆ. ಲಿಗ್ನಿನ್ ನಂತಹ ಘಟಕಗಳು ಲೈಂಗಿಕ ಆರೋಗ್ಯ ಹೆಚ್ಚಿಸಲು ಸಹಕಾರಿ.
ನಿದ್ರಾಹೀನತೆಗೆ ಪರಿಹಾರ (Insomnia Treatment)
ಗಸಗಸೆ ಬೀಜಗಳು ಹೆಚ್ಚಿನ ಮಟ್ಟದ ಮೆಗ್ನೀಸಿಯಮ್ ಅನ್ನು ಹೊಂದಿರುತ್ತವೆ. ಇದು ನಿದ್ರಾಹೀನತೆಗೆ ಸಂಬಂಧಿಸಿದ ಒತ್ತಡವನ್ನು ಉಂಟುಮಾಡುವ ಒತ್ತಡದ ಹಾರ್ಮೋನುಗಳನ್ನು ಕಡಿಮೆ ಮಾಡುತ್ತದೆ. ನಿಮ್ಮ ದೇಹದ ಚಯಾಪಚಯ ಕ್ರಿಯೆಯು ಹೆಚ್ಚಾಗುತ್ತದೆ ಮತ್ತು ನಿಮ್ಮ ನಿದ್ರೆಯ ಮೇಲೆ ಸಕಾರಾತ್ಮಕ ಪರಿಣಾಮ ಬೀರುತ್ತದೆ.
ಹೆಚ್ಚಿನ ಪೋಷಕಾಂಶಗಳು (High Nutrients)
ಈ ಬೀಜಗಳು ಕಬ್ಬಿಣ, ರಂಜಕ, ಸತು, ವಿಟಮಿನ್‌ಗಳು (B6, ಫೋಲೇಟ್ ಮತ್ತು E), ಆರೋಗ್ಯಕರ ಕೊಬ್ಬುಗಳು ಮತ್ತು ಫೈಬರ್‌ನಂತಹ ಪೋಷಕಾಂಶಗಳಿಂದ ಸಮೃದ್ಧವಾಗಿವೆ. ಅವು ಉತ್ತಮ ಜೀರ್ಣಕ್ರಿಯೆ, ಆರೋಗ್ಯಕರ ಹೃದಯ, ಜೀವಕೋಶ ನಿರ್ವಹಣೆ, ನೋವು ನಿವಾರಣೆ ಇತ್ಯಾದಿಗಳಿಗೆ ಸಹಾಯ ಮಾಡುತ್ತವೆ.
ಚರ್ಮ, ಕೂದಲು ಹಾಗೂ ಮೂಳೆಗಳಿಗೆ ಉತ್ತಮ(Skin, Hair and Bone Health)
ಈ ಬೀಜಗಳಲ್ಲಿನ ಆಂಟಿಆಕ್ಸಿಡೆಂಟ್ ಚರ್ಮವನ್ನು ಕಾಂತಿಯುತವಾಗಿಟ್ಟುಕೊಳ್ಳಲು ಹಾಗೂ ಕೂದಲಿನ ಬಿಳಿ ಬಣ್ಣವನ್ನು ತಡೆಯಲು ಸಹಕಾರಿಯಾಗುತ್ತವೆ. ಕ್ಯಾಲ್ಸಿಯಂ ಮತ್ತು ಮ್ಯಾಂಗನೀಸ್ ಮೂಳೆಗಳ ಬೆಳವಣಿಗೆಗೆ ಸಹಕಾರಿ.
ನಿಮ್ಮ ದಿನಚರಿಯ ಆಹಾರದಲ್ಲಿ ಗಸಗಸೆ ಬೀಜಗಳನ್ನು ಅಲ್ಪ ಪ್ರಮಾಣದಲ್ಲಿ ಸೇರ್ಪಡೆಗೊಳಿಸುವುದು ಆರೋಗ್ಯದತ್ತ ಒಂದು ಉತ್ತಮ ಹೆಜ್ಜೆಯಾಗಿದೆ.
