ಆರೋಗ್ಯದ ದೃಷ್ಟಿಯಿಂದ ದಾಳಿಂಬೆ ಹಣ್ಣು ಅತ್ಯಂತ ಶ್ರೇಷ್ಠವೆಂದು ತಜ್ಞರು ಹೇಳುತ್ತಾರೆ. ಇವು ಪಾಲಿಫಿನಾಲ್‌ಗಳು ಮತ್ತು ಆಂಟಿ ಆಕ್ಸಿಡೆಂಟ್‌ಗಳಿಂದ ಸಮೃದ್ಧವಾಗಿದ್ದು, ದೇಹದ ನಾನಾ ಭಾಗಗಳಿಗೆ ಆರೋಗ್ಯಕರ ಲಾಭವನ್ನು ನೀಡುತ್ತವೆ. ದೈನಂದಿನ ಆಹಾರದಲ್ಲಿ ದಾಳಿಂಬೆಯ ಸೇರಿಸುವುದು ಹಲವು ರೀತಿಯಲ್ಲಿ ಲಾಭದಾಯಕವಾಗಿದೆ.
ದಾಳಿಂಬೆ ಹೃದಯದ ಆರೋಗ್ಯಕ್ಕೆ ಬಹುಮಾನಸ್ವರೂಪ. ಪ್ಯುನಿಕಲಾಗಿನ್ ಎಂಬ ಶಕ್ತಿಶಾಲಿ ಆಂಟಿಆಕ್ಸಿಡೆಂಟ್ ದೇಹದ ಉರಿಯೂತವನ್ನು ಕಡಿಮೆ ಮಾಡಿ, ರಕ್ತದೊತ್ತಡವನ್ನು ನಿಯಂತ್ರಿಸುತ್ತದೆ. ಇದರಿಂದ ರಕ್ತ ಹರಿವು ಸುಧಾರಿಸಿ, ಹೃದ್ರೋಗದ ಅಪಾಯ ಕಡಿಮೆಯಾಗುತ್ತದೆ.
ಕರಳಿನ ಆರೋಗ್ಯವನ್ನು ಉತ್ತೇಜಿಸಲು ದಾಳಿಂಬೆಲ್ಲಿರುವ ಆಹಾರ ನಾರುಗಳು ಸಹಾಯಕವಾಗುತ್ತವೆ. ಮಲಬದ್ಧತೆ ಮತ್ತು ಉಬ್ಬುವಿಕೆಯಂತಹ ಸಮಸ್ಯೆಗೆ ದಾಳಿಂಬೆ ಸೇವನೆ ಉತ್ತಮ ಪರಿಹಾರ.
ವಿಟಮಿನ್ ಸಿ ಯಿಂದ ಸಮೃದ್ಧವಾದ ದಾಳಿಂಬೆ ರೋಗನಿರೋಧಕ ಶಕ್ತಿಯನ್ನು ಬಲಪಡಿಸುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ. ಸಾಮಾನ್ಯ ಶೀತ, ಜ್ವರ ಇತ್ಯಾದಿಗಳ ವಿರುದ್ಧ ಹೋರಾಟದಲ್ಲಿ ಸಹಾಯಕರಾಗುತ್ತದೆ.
ಚರ್ಮದ ದೃಷ್ಟಿಯಿಂದ, ದಾಳಿಂಬೆ ಕಾಲಜನ್ ಉತ್ಪಾದನೆಯನ್ನು ಉತ್ತೇಜಿಸುತ್ತದೆ. ಇದರ ಆಂಟಿಆಕ್ಸಿಡೆಂಟ್ ಗುಣಗಳು ವಯೋಸಂಬಂಧಿತ ಲಕ್ಷಣಗಳನ್ನು ಮೃದುಗೊಳಿಸುವಲ್ಲಿ ಸಹಾಯಕವಾಗುತ್ತವೆ.
ಇನ್ನು ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ನಿಯಂತ್ರಿಸಲು ಸಹ ದಾಳಿಂಬೆ ಸೂಕ್ತ ಆಯ್ಕೆ. ಕಡಿಮೆ ಗ್ಲೈಸೆಮಿಕ್ ಸೂಚಿಯು ಮಧುಮೇಹ ನಿಯಂತ್ರಣಕ್ಕೆ ಸಹಕಾರಿಯಾಗುತ್ತದೆ.
ಮೆದುಳಿನ ಚಟುವಟಿಕೆಗೆ ಸಹ ಇದರಿಂದ ಲಾಭವಿದ್ದು, ಸ್ಮರಣೆ ಶಕ್ತಿಗೆ ಸಹಾಯ ನೀಡುತ್ತದೆ. ಹಾಗೆಯೇ, ಕಡಿಮೆ ಕ್ಯಾಲೊರಿಯುತ ಈ ಹಣ್ಣು ತೂಕ ಕಡಿತ ಗುರಿಯವರಿಗೆ ಸಹಾಯಕರಾಗುತ್ತದೆ.
