ಚಳಿಗಾಲ ಬಂದಾಗ ದೇಹದ ತಾಪಮಾನ ಮಾತ್ರ ಕಡಿಮೆಯಾಗುವುದಿಲ್ಲ, ರೋಗನಿರೋಧಕ ಶಕ್ತಿಯೂ ಕಡಿಮೆಯಾಗುತ್ತದೆ. ಇದೇ ಸಮಯದಲ್ಲಿ ಪ್ರಕೃತಿಯಲ್ಲಿ ಸಿಗುವ ಸೂಪರ್ಫುಡ್ ಒಂದು ಎಲ್ಲರಿಗೂ ಸಿಗುತ್ತೆ ಅದು ನೆಲ್ಲಿಕಾಯಿ. ಸಣ್ಣ ಕಾಯಿ ಆದರೆ ದೊಡ್ಡ ಆರೋಗ್ಯ ಶಕ್ತಿ ಹೊಂದಿರುವ ಈ ಆಮ್ಲಾ, ಚಳಿಗಾಲದಲ್ಲಿ ದೇಹವನ್ನು ರಕ್ಷಿಸುವ ನೈಸರ್ಗಿಕ ಗುರಾಣಿ ಎಂದು ವೈದ್ಯರು ಹೇಳುತ್ತಾರೆ.
ನೆಲ್ಲಿಕಾಯಿ ಅಧಿಕ ಪ್ರಮಾಣದ ವಿಟಮಿನ್ C ಹೊಂದಿರುವುದರಿಂದ ಚಳಿಗಾಲದಲ್ಲಿ ಇದನ್ನು ಸೇವಿಸುವುದು ಅತ್ಯುತ್ತಮ. 100 ಗ್ರಾಂ ನೆಲ್ಲಿಕಾಯಿಯಲ್ಲಿ ಸುಮಾರು 100 ಮಿ.ಗ್ರಾಂ ವಿಟಮಿನ್ C ಇರುತ್ತದೆ. ಇದರಿಂದ ದೇಹಕ್ಕೆ ದಿನವಿಡೀ ಬೇಕಾಗುವ ಇಮ್ಯುನಿಟಿ ಬೆಂಬಲ ಲಭ್ಯವಾಗುತ್ತದೆ. ಇದು ಚರ್ಮ, ಕೂದಲು, ಕಣ್ಣುಗಳ ಆರೋಗ್ಯವನ್ನು ಸುಧಾರಿಸುತ್ತದೆ ಹಾಗೂ ವಯಸ್ಸಾಗುವಿಕೆಯನ್ನು ನಿಧಾನಗೊಳಿಸುವ ಶಕ್ತಿಯನ್ನು ಹೊಂದಿದೆ. ಮಧುಮೇಹ, ಕಣ್ಣಿನ ಸಮಸ್ಯೆಗಳು ಮತ್ತು ಒಬೆಸಿಟಿ ನಿಯಂತ್ರಣಕ್ಕೂ ನೆಲ್ಲಿಕಾಯಿ ಉಪಯುಕ್ತ.
- ರೋಗನಿರೋಧಕ ಶಕ್ತಿ ಹೆಚ್ಚಿಸುತ್ತದೆ: ವಿಟಮಿನ್ C ಯಿಂದ ದೇಹದ ರಕ್ಷಣಾ ಸಾಮರ್ಥ್ಯ ಹೆಚ್ಚಾಗಿ ಶೀತ-ಕೆಮ್ಮಿನ ಅಪಾಯ ಕಡಿಮೆಯಾಗುತ್ತದೆ.
- ಜೀರ್ಣಕ್ರಿಯೆ ಸುಧಾರಣೆ: ಮಲಬದ್ಧತೆ ನಿಯಂತ್ರಿಸಿ ಜೀರ್ಣತಂತ್ರ ಸುಗಮಗೊಳಿಸುತ್ತದೆ.
- ಕಣ್ಣಿನ ಆರೈಕೆ: ದೃಷ್ಟಿ ಶಕ್ತಿಯನ್ನು ಬೆಂಬಲಿಸಿ ಕಣ್ಣಿನ ಕಾಯಿಲೆಗಳಿಗೆ ತಡೆಯಾಗಿ ಕೆಲಸ ಮಾಡುತ್ತದೆ.
- ಕೊಲೆಸ್ಟ್ರಾಲ್ ನಿಯಂತ್ರಣ: ಕೆಟ್ಟ ಕೊಲೆಸ್ಟ್ರಾಲ್ ಕಡಿಮೆ ಮಾಡಿ ಹೃದಯದ ಆರೋಗ್ಯ ಕಾಪಾಡುತ್ತದೆ.
