ಇಂದಿನ ವೇಗದ ಜೀವನಶೈಲಿ, ಒತ್ತಡ, ಮತ್ತು ಆಹಾರಪದ್ಧತಿಯ ಕಾರಣದಿಂದ ಹೈ ಬ್ಲಡ್ ಪ್ರೆಷರ್ ಎನ್ನುವುದು ಸಾಮಾನ್ಯವಾಗಿ ಕಂಡುಬರುವ ಆರೋಗ್ಯ ಸಮಸ್ಯೆಯಾಗಿದ್ದು, ಇದನ್ನು ನಿಯಂತ್ರಣದಲ್ಲಿರಿಸದಿದ್ದರೆ ಹೃದಯ ಸಂಬಂಧಿತ ತೊಂದರೆಗಳು ಉಂಟಾಗಬಹುದು. ಈ ಸಮಸ್ಯೆಯನ್ನು ಔಷಧಿಗಳ ಜೊತೆಗೆ ನೈಸರ್ಗಿಕ ಆಹಾರ ಮಾರ್ಗದಿಂದಲೂ ತಗ್ಗಿಸಬಹುದು. ಕೆಲವು ಆಹಾರಗಳಲ್ಲಿರುವ ಪೋಷಕಾಂಶಗಳು, ಖನಿಜಗಳು ಮತ್ತು ಆಂಟಿಆಕ್ಸಿಡೆಂಟ್‌ಗಳು ರಕ್ತದೊತ್ತಡವನ್ನು ಸಹಜವಾಗಿ ನಿಯಂತ್ರಿಸಲು ಸಹಕಾರಿಯಾಗುತ್ತವೆ.
ಈ ಲೇಖನದಲ್ಲಿ ಹೈ ಬ್ಲಡ್ ಪ್ರೆಷರ್ ಕಡಿಮೆ ಮಾಡಲು ಸಹಾಯಮಾಡುವ 5 ಮುಖ್ಯ ಆಹಾರಗಳ ಬಗ್ಗೆ ತಿಳಿದುಕೊಳ್ಳೋಣ.
ಕ್ಯಾಲ್ಸಿಯಂ ಸಮೃದ್ಧ ಹಸಿರು ಸೊಪ್ಪುಗಳು
ಪಾಲಕ್, ಮೆಂತ್ಯೆ ಸೊಪ್ಪು, ಕೇಲ್ ಮುಂತಾದವುಗಳಲ್ಲಿ ಕ್ಯಾಲ್ಸಿಯಂ ಮತ್ತು ಪೊಟ್ಯಾಸಿಯಂ ಇದ್ದು, ರಕ್ತದೊತ್ತಡವನ್ನು ಸಮತೋಲನದಲ್ಲಿರಿಸಲು ಸಹಾಯ ಮಾಡುತ್ತವೆ.
ಬೀಟ್ರೂಟ್ (Beetroot)
ಬೀಟ್ರೂಟ್‌ನಲ್ಲಿ ನೈಟ್ರೇಟ್‌ಗಳು ಹೆಚ್ಚಾಗಿದ್ದು, ಇದು ರಕ್ತನಳಿಕೆಗಳನ್ನು ಶಾಂತಗೊಳಿಸಿ ರಕ್ತದೊತ್ತಡವನ್ನು ತಗ್ಗಿಸಲು ಸಹಕಾರಿಯಾಗಿವೆ.
ಬೆಳ್ಳುಳ್ಳಿ (Garlic)
ಬೆಳ್ಳುಳ್ಳಿಯಲ್ಲಿ ಅಲಿಸಿನ್ ಎನ್ನುವ ಘಟಕವಿದ್ದು, ಅದು ರಕ್ತನಳಿಕೆಗಳನ್ನು ಬ್ಲಾಕ್ ಆಗದಂತೆ ತಡೆದು, ರಕ್ತದೊತ್ತಡವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.
ಬಾಳೆಹಣ್ಣು (Banana)
ಪೊಟ್ಯಾಸಿಯಂ ಅಧಿಕ ಪ್ರಮಾಣದಲ್ಲಿರುವ ಬಾಳೆಹಣ್ಣು ಸೋಡಿಯಂ ಪ್ರಮಾಣವನ್ನು ಸಮತೋಲನಗೊಳಿಸಿ ರಕ್ತದೊತ್ತಡವನ್ನು ನಿಯಂತ್ರಣದಲ್ಲಿಡುತ್ತದೆ.
ಓಟ್ಸ್ (Oats)
ಫೈಬರ್ ಮತ್ತು ಕಡಿಮೆ ಸೋಡಿಯಂ ಹೊಂದಿರುವ ಓಟ್ಸ್ ನಿತ್ಯಾಹಾರದಲ್ಲಿ ಸೇರಿಸಿಕೊಳ್ಳುವ ಮೂಲಕ ರಕ್ತದೊತ್ತಡವನ್ನು ಸಹಜವಾಗಿ ತಗ್ಗಿಸಬಹುದು.
