ಇಂದಿನ ವೇಗದ ಜೀವನದಲ್ಲಿ ಶರೀರದ ಆರೈಕೆ ಮಾಡಲು ಎಲ್ಲರಿಗೂ ಸಮಯ ಸಾಲದು. ಆದರೆ ಆರೋಗ್ಯವನ್ನು ಕಾಪಾಡಿಕೊಳ್ಳಲು ನಾವು ನೈಸರ್ಗಿಕ ಮಾರ್ಗವನ್ನು ಆಯ್ಕೆ ಮಾಡಿದರೆ ಸಾಕು. ಅಂತಹ ಒಂದು ಶಕ್ತಿ ತುಂಬಿದ ಪಾನೀಯವೇ ಎಬಿಸಿ ಜ್ಯೂಸ್. ಇದರಲ್ಲಿ ‘A’ ಅಂದರೆ ಆಪಲ್ (Apple), ‘B’ ಅಂದರೆ ಬೀಟ್‌ರೂಟ್ (Beetroot) ಮತ್ತು ‘C’ ಅಂದರೆ ಕ್ಯಾರೆಟ್‌ (Carrot). ಈ ಮೂರು ಹಣ್ಣು-ತರಕಾರಿಗಳ ಸಂಯೋಜನೆಯಿಂದ ಸಿದ್ಧವಾಗುವ ಎಬಿಸಿ ಜ್ಯೂಸ್ ನಮ್ಮ ದೇಹಕ್ಕೆ ಶಕ್ತಿ, ಚೈತನ್ಯ ಮತ್ತು ತ್ವಚೆಗೆ ಹೊಳಪು ನೀಡುತ್ತದೆ. ದಿನಕ್ಕೆ ಒಂದು ಗ್ಲಾಸ್ ಕುಡಿದರೆ ದೇಹದೊಳಗಿನ ವಿಷಪದಾರ್ಥಗಳನ್ನು ತೊಳೆದು ಚರ್ಮ, ಹೃದಯ ಹಾಗೂ ಯಕೃತ್ ಆರೋಗ್ಯವನ್ನು ಕಾಪಾಡುತ್ತದೆ.
ಎಬಿಸಿ ಜ್ಯೂಸ್ ತಯಾರಿಸುವ ವಿಧಾನ:
- ಬೇಕಾಗುವ ಸಾಮಗ್ರಿಗಳು:
ಆಪಲ್ – 1
ಬೀಟ್‌ರೂಟ್ – 1
ಕ್ಯಾರೆಟ್‌ – 2
ಲಿಂಬೆ ರಸ – 1 ಚಮಚ
ನೀರು – ½ ಕಪ್
ಮಾಡುವ ವಿಧಾನ:
ಮೊದಲು ಆಪಲ್, ಬೀಟ್‌ರೂಟ್ ಮತ್ತು ಕ್ಯಾರೆಟ್‌ಗಳನ್ನು ಚೆನ್ನಾಗಿ ತೊಳೆದು, ಸಣ್ಣ ತುಂಡುಗಳಾಗಿ ಕತ್ತರಿಸಿ ಮಿಕ್ಸರ್ ಜಾರ್‌ಗೆ ಹಾಕಿ. ಅದಕ್ಕೆ ಸ್ವಲ್ಪ ನೀರು ಸೇರಿಸಿ ಸ್ಮೂತ್ ಆಗಿ ಜ್ಯೂಸ್ ಮಾಡಿ. ನಂತರ ಜ್ಯೂಸ್‌ನ್ನು ಫಿಲ್ಟರ್ ಮಾಡಿ, ಒಂದು ಚಮಚ ಲಿಂಬೆ ರಸ ಸೇರಿಸಿ ಮಿಶ್ರಣ ಮಾಡಿ. ತಣ್ಣಗೆ ಸರ್ವ್ ಮಾಡಿದರೆ ಹೆಚ್ಚು ರುಚಿ ಮತ್ತು ತಾಜಾ ಅನುಭವ ನೀಡುತ್ತದೆ.
ABC ಜ್ಯೂಸ್‌ನ 5 ಪ್ರಮುಖ ಲಾಭಗಳು:
- ರಕ್ತ ಶುದ್ಧೀಕರಣ: ಬೀಟ್‌ರೂಟ್‌ನಲ್ಲಿರುವ ಕಬ್ಬಿಣ ಮತ್ತು ಆಂಟಿಆಕ್ಸಿಡೆಂಟ್‌ಗಳು ರಕ್ತವನ್ನು ಶುದ್ಧಗೊಳಿಸಿ ಹೀಮೋಗ್ಲೋಬಿನ್ ಮಟ್ಟವನ್ನು ಹೆಚ್ಚಿಸುತ್ತವೆ.
- ಚರ್ಮದ ಹೊಳಪು: ಕ್ಯಾರೆಟ್‌ನಲ್ಲಿರುವ ವಿಟಮಿನ್ ಎ ಮತ್ತು ಆಪಲ್‌ನ ನೈಸರ್ಗಿಕ ಸಕ್ಕರೆ ಚರ್ಮಕ್ಕೆ ನೈಸರ್ಗಿಕ ಗ್ಲೋ ನೀಡುತ್ತವೆ.
- ಯಕೃತ್ ಶುದ್ಧತೆ: ಈ ಜ್ಯೂಸ್ ಯಕೃತ್‌ನಲ್ಲಿ ಸೇರುವ ವಿಷಪದಾರ್ಥಗಳನ್ನು ನಿವಾರಿಸಿ ದೇಹದ ಡಿಟಾಕ್ಸ್‌ಗೆ ಸಹಾಯ ಮಾಡುತ್ತದೆ.
- ಹೃದಯ ಆರೋಗ್ಯ: ಆಪಲ್ ಮತ್ತು ಬೀಟ್‌ರೂಟ್‌ನಲ್ಲಿನ ಪೋಷಕಾಂಶಗಳು ರಕ್ತದೊತ್ತಡವನ್ನು ನಿಯಂತ್ರಿಸಿ ಹೃದಯದ ಕಾರ್ಯವೈಖರಿಯನ್ನು ಸುಧಾರಿಸುತ್ತವೆ.
- ಶಕ್ತಿ ಮತ್ತು ರೋಗನಿರೋಧಕ ಶಕ್ತಿ: ನಿಯಮಿತವಾಗಿ ಕುಡಿಯುವುದರಿಂದ ದೇಹದ ಶಕ್ತಿ ಮತ್ತು ಇಮ್ಯೂನಿಟಿ ಎರಡೂ ಹೆಚ್ಚುತ್ತದೆ.(Disclaimer: ಈ ಲೇಖನವು ಅಂತರ್ಜಾಲ ಮೂಲಗಳಿಂದ ಸಂಗ್ರಹಿಸಿದ ಮಾಹಿತಿಯಾಧಾರಿತವಾಗಿದೆ. ಇದು ವೈದ್ಯಕೀಯ ಸಲಹೆಯಲ್ಲ. ಹೆಚ್ಚಿನ ಮಾಹಿತಿಗಾಗಿ ತಜ್ಞರನ್ನು ಸಂಪರ್ಕಿಸಿ.)
