ಹೊಸದಿಗಂತ ಡಿಜಿಟಲ್ ಡೆಸ್ಕ್:
ನಟ ನಾನಿ ನಾಯಕನಾಗಿ ನಟಿಸಿದ ಹಿಟ್-3: ದಿ ಥರ್ಡ್ ಕೇಸ್ ಚಿತ್ರಮಂದಿರಗಳಲ್ಲಿ ಭಾರಿ ಧೂಳೆಬ್ಬಿಸಿತ್ತು. ಹಿಟ್ ಸರಣಿಯ ಮೂರನೇ ಕಂತಾಗಿ ಬಿಡುಗಡೆಯಾದ ಈ ಚಿತ್ರಕ್ಕೆ ಈಗ OTT ಬಿಡುಗಡೆಯ ಭಾಗ್ಯ ಕೂಡ ಸಿಗಲಿದೆ.
ಈ ಚಿತ್ರವನ್ನು ವಾಲ್‌ಪೋಸ್ಟರ್ ಸಿನಿಮಾ ಮತ್ತು ಯೂನಾನಿಮಸ್ ಪ್ರೊಡಕ್ಷನ್ಸ್ ಬ್ಯಾನರ್‌ಗಳ ಅಡಿಯಲ್ಲಿ ಪ್ರಶಾಂತಿ ತ್ರಿಪಿರ್ನೇನಿ ಮತ್ತು ನಾನಿ ನಿರ್ಮಿಸಿದ್ದು, ಶೈಲೇಶ್ ಕೊಲನು ನಿರ್ದೇಶಿಸಿದ್ದಾರೆ. ಮೇ 1 ರಂದು ವಿಶ್ವದಾದ್ಯಂತ ಚಿತ್ರಮಂದಿರಗಳಲ್ಲಿ ಹಿಟ್-3 ಬಿಡುಗಡೆಯಾಯಿತು.
ಇತ್ತೀಚಿನ ಮಾಹಿತಿಯ ಪ್ರಕಾರ, ನೆಟ್‌ಫ್ಲಿಕ್ಸ್ ಹಿಟ್-3 ಡಿಜಿಟಲ್ ಸ್ಟ್ರೀಮಿಂಗ್ ಹಕ್ಕುಗಳನ್ನು ಪಡೆದುಕೊಂಡಿದೆ. ಇದಕ್ಕಾಗಿ ನೆಟ್‌ಫ್ಲಿಕ್ಸ್ ರೂ. 50 ಕೋಟಿಗೂ ಹೆಚ್ಚು ಹಣ ಪಾವತಿಸಲಾಗಿದೆ ಎಂದು ವರದಿಯಾಗಿದೆ.
ಚಿತ್ರ ಬಿಡುಗಡೆಯಾದ 5 ವಾರಗಳ ನಂತರ OTT ಯಲ್ಲಿ ಚಿತ್ರವನ್ನು ಸ್ಟ್ರೀಮ್ ಮಾಡಲು ಒಪ್ಪಂದ ಮಾಡಿಕೊಳ್ಳಲಾಗಿದೆ ಎಂಬ ಮಾತು ಕೇಳಿಬರುತ್ತಿದೆ. ಇದರರ್ಥ ಜೂನ್ ಮೊದಲ ಅಥವಾ ಎರಡನೇ ವಾರದಲ್ಲಿ ಹಿಟ್-3 ನೆಟ್‌ಫ್ಲಿಕ್ಸ್‌ನಲ್ಲಿ ಲಭ್ಯವಾಗುವ ಸಾಧ್ಯತೆಯಿದೆ.
ಹಿಟ್ 3 ಜಮ್ಮು ಮತ್ತು ಕಾಶ್ಮೀರದಲ್ಲಿ ಹಲವಾರು ಜನರ ಕೊಲೆಗಳಿಗೆ ಕಾರಣರಾದ ಸರಣಿ ಕೊಲೆಗಾರರ ಗುಂಪನ್ನು ಹಿಡಿಯಲು ನಿಯೋಜಿಸಲ್ಪಟ್ಟ ಅರ್ಜುನ್ ಸರ್ಕಾರ್ ಅವರ ಕಥೆ ತೋರಿಸುತ್ತದೆ.
