ಹೊಸದಿಗಂತ ಡಿಜಿಟಲ್‌ ಡೆಸ್ಕ್‌ :
ಹಾಕಿ ವಿಶ್ವಕಪ್ನ ಕ್ರಾಸ್ಓವರ್ ಪಂದ್ಯದಲ್ಲಿ ಭಾರತದ ವಿರುದ್ಧ ನ್ಯೂಜಿಲೆಂಡ್ ತಂಡವು ಪೆನಾಲ್ಟಿ ಶೂಟೌಟ್ನಲ್ಲಿ 5-4 ಅಂತರದಿಂದ ಜಯ ಸಾಧಿಸಿದೆ.
ಈ ಮೂಲಕ ಕಿವೀಸ್ ಕ್ವಾರ್ಟರ್ ಫೈನಲ್ಗೆ ಪ್ರವೇಶಿಸಿದರೆ, ಟೀಮ್ ಇಂಡಿಯಾ ಜರ್ನಿ ಅಂತ್ಯವಾಗಿದೆ.
ಆರಂಭದಲ್ಲಿ ಟೀಮ್ ಇಂಡಿಯಾ ಆಟಗಾರರು ಆಕ್ರಮಣಕಾರಿ ಆಟಕ್ಕೆ ಒತ್ತು ನೀಡಿದರು. ಪರಿಣಾಮ ಮೊದಲ ಸುತ್ತಿನಲ್ಲೇ ಸತತವಾಗಿ ಗೋಲ್ ಬಲೆಯತ್ತ ಭಾರತೀಯ ಮುನ್ಪಡೆ ಆಟಗಾರರು ಮುನ್ನುಗ್ಗಿದರು. 2ನೇ ಸುತ್ತಿನ ಆರಂಭದಲ್ಲೇ ಕೌಂಟರ್ ಅಟ್ಯಾಕ್ಗೆ ಮುಂದಾದ ಭಾರತೀಯ ಆಟಗಾರರು ಲಾಂಗ್ ಪಾಸ್ಗಳ ಮೂಲಕ ಚೆಂಡಿನ ಮೇಲೆ ನಿಯಂತ್ರಣ ಸಾಧಿಸಿದರು. ಪಂದ್ಯದ 17ನೇ ನಿಮಿಷದಲ್ಲಿ ಚೆಂಡಿನ ಮೇಲೆ ಸಂಪೂರ್ಣ ಹಿಡಿತ ಸಾಧಿಸಿದ ಆಕಾಶ್ದೀಪ್ ಏಕಾಏಕಿ ಮುನ್ನುಗ್ಗಿದರು. ಬಲಭಾಗದಿಂದ ಮುನ್ನುಗ್ಗಿದ ಲಲಿತ್ ಕುಮಾರ್ಗೆ ಚೆಂಡನ್ನು ನೀಡಿದರು. ಶೂಟರ್ ಶಾಟ್ ಮೂಲಕ ಚೆಂಡನ್ನು ಗೋಲು ಪೋಸ್ಟ್ ಒಳಗೆ ತಲುಪಿಸಿದರು.
ಪಂದ್ಯದ 24ನೇ ನಿಮಿಷದಲ್ಲಿ ಸಿಕ್ಕ ಪೆನಾಲ್ಟಿ ಕಾರ್ನರ್ ಅನ್ನು ಗೋಲಾಗಿ ಪರಿವರ್ತಿಸುವಲ್ಲಿ ಸುಖಜೀತ್ ಯಶಸ್ವಿಯಾದರು. 2ನೇ ಸುತ್ತಿನಲ್ಲಿ 2-0 ಮುನ್ನಡೆಯೊಂದಿಗೆ ಆಟ ಮುಂದುವರೆಸಿದ್ದ ಟೀಮ್ ಇಂಡಿಯಾಗೆ ನ್ಯೂಜಿಲೆಂಡ್ ತಂಡದಿಂದ ಕೌಂಟರ್ ಅಟ್ಯಾಕ್ ಎದುರಾಯಿತು. ಪರಿಣಾಮ ಸ್ನ್ಯಾಪಿ ಪಾಸ್ಗಳ ಮೂಲಕ ಭಾರತೀಯ ಆಟಗಾರರನ್ನು ಚದುರಿಸಿದ ಕಿವೀಸ್ ಪಡೆ ಮೊದಲ ಗೋಲುಗಳಿಸಿತು. ಇದರೊಂದಿಗೆ 2ನೇ ಸುತ್ತಿನ ಮುಕ್ತಾಯದ ವೇಳೆ ಗೋಲುಗಳ ಅಂತರ 2-1 ಕ್ಕೆ ಇಳಿಯಿತು. ಮೂರನೇ ಹಂತದಲ್ಲೂ ಉಭಯ ತಂಡಗಳಿಂದಲೂ ರೋಚಕ ಪೈಪೋಟಿ ಕಂಡು ಬಂತು. 3ನೇ ಹಂತದ ಮುಕ್ತಾಯದ ವೇಳೆಗೆ ಭಾರತ 3-2 ಅಂತರವನ್ನು ಹೊಂದಿತ್ತು.
ಆದರೆ ನಾಲ್ಕನೇ ಹಂತದಲ್ಲಿ ನ್ಯೂಜಿಲೆಂಡ್ ಆಟಗಾರರು ಆಕ್ರಮಣಕಾರಿ ಆಟಕ್ಕೆ ಮುಂದಾದರು. 50ನೇ ನಿಮಿಷದಲ್ಲಿ ಯಶಸ್ಸು ಸಾಧಿಸಿದರು. ಅದ್ಭುತ ಕೈಚಳಕ ತೋರಿಸುವ ಮೂಲಕ ಫೈಂಡ್ಲೇ ಅತ್ಯುತ್ತಮ ಗೋಲು ದಾಖಲಿಸಿದರು.
ಬಳಿಕ 2ನೇ ಸುತ್ತಿನ ಶೂಟೌಟ್ನ ಮೊದಲ ಅವಕಾಶವನ್ನು ಗೋಲಾಗಿ ಪರಿವರ್ತಿಸುವಲ್ಲಿ ಉಭಯ ತಂಡಗಳ ಆಟಗಾರರು ವಿಫಲರಾದರು. ಇನ್ನು 2ನೇ ಅವಕಾಶದಲ್ಲಿ ನ್ಯೂಜಿಲೆಂಡ್ ಪರ ಫೈಂಡ್ಲೆ ಗೋಲುಗಳಿಸಿದರೆ, ಟೀಮ್ ಇಂಡಿಯಾ ಪರ ರಾಜ್ಕುಮಾರ್ ಗೋಲು ಬಾರಿಸಿದರು. ಹಾಗೆಯೇ 3ನೇಶೂಟೌಟ್ ಅನ್ನು ಗೋಲಾಗಿಸುವಲ್ಲಿ ಉಭಯ ತಂಡಗಳ ಆಟಗಾರರು ವಿಫಲರಾದರು. 4ನೇ ಅವಕಾಶವನ್ನು ಗೋಲಾಗಿಸಿ ಸ್ಯಾಮ್ ಲೇನ್ 1-2 ಅಂತರ ಹೆಚ್ಚಿಸಿದರು. ಕೊನೆಯ ಅವಕಾಶದಲ್ಲಿ ಟೀಮ್ ಇಂಡಿಯಾಗೆ ಟೈ ಮಾಡಿಕೊಳ್ಳುವ ಅವಕಾಶವಿತ್ತು. ಆದರೆ ಗೋಲಾಗಿಸುವಲ್ಲಿ ಶಂಶೇರ್ ವಿಫಲರಾದರು. ಇದರೊಂದಿಗೆ ನ್ಯೂಜಿಲೆಂಡ್ ತಂಡವು ಪೆನಾಲ್ಟಿ ಶೂಟೌಟ್ನಲ್ಲಿ 5-4 ಅಂತರದಿಂದ ಗೆದ್ದು ಕ್ವಾರ್ಟರ್ ಫೈನಲ್ ಪ್ರವೇಶಿಸಿದೆ.
