ಇನ್ನೇನು ಹೋಳಿಹಬ್ಬ ಬಂದೇ ಬಿಡ್ತು. ದೊಡ್ಡವರು, ಮಕ್ಕಳು ಎಲ್ಲರೂ ಕೂಡಿ ಬಣ್ಣದೋಕುಳಿ ಆಡುವ ಸಂಭ್ರಮಕ್ಕೂ ಮುನ್ನ ಕೆಲವು ಮುನ್ನೆಚ್ಚರಿಕಾ ಕ್ರಮಗಳನ್ನು ಕೈಗೊಳ್ಳಿ. ಯಾವೆಲ್ಲಾ ಕ್ರಮ ನೋಡಿ..
ಹೋಳಿ ಹಬ್ಬದಂದು ಸಾಧ್ಯವಾದಷ್ಟು ನೈಸರ್ಗಿಕ, ಸಾವಯವ ಅಥವಾ ಹರ್ಬಲ್ ಬಣ್ಣಗಳನ್ನು ಬಳಸಿ. ಹೋಳಿ ಆಡುವ ಮೊದಲು, ದೇಹದ ಮೇಲೆ ಯಾವುದೇ ಗಾಯವಾಗಿದ್ದರೆ, ಅದಕ್ಕೆ ಬ್ಯಾಂಡೇಜ್ ಹಾಕಿಕೊಳ್ಳಬೇಕಾಗುತ್ತದೆ. ಹೋಳಿ ಆಡುವಾಗ ಕಾಂಟ್ಯಾಕ್ಟ್ ಲೆನ್ಸ್ ಧರಿಸುವುದನ್ನು ತಪ್ಪಿಸಿ.
ಬಣ್ಣಗಳೊಂದಿಗೆ ಆಟವಾಡುವಾಗ ಕನ್ನಡಕವನ್ನು ಧರಿಸಿ, ಇದರಿಂದ ಬಣ್ಣವು ನಿಮ್ಮ ಕಣ್ಣಿಗೆ ಬೀಳುವುದಿಲ್ಲ. ಹೋಳಿಗೆ ಒಂದು ರಾತ್ರಿ ಮೊದಲು ನಿಮ್ಮ ಚರ್ಮವನ್ನು ಎಣ್ಣೆಯಿಂದ ಚೆನ್ನಾಗಿ ಮಸಾಜ್ ಮಾಡಿಕೊಳ್ಳಿ.
ಹೋಳಿ ಹಬ್ಬದ ದಿನ ಬೆಳಿಗ್ಗೆ, ನಿಮ್ಮ ಚರ್ಮ, ಕುತ್ತಿಗೆ, ಕೂದಲು, ಕೈ ಮತ್ತು ಪಾದಗಳಿಗೆ ಎಣ್ಣೆ ಹಚ್ಚಿಕೊಳ್ಳಬೇಕಾಗುತ್ತದೆ. ಹೋಳಿ ಆಡುವ ಮೊದಲು, ಮುಖ, ಕುತ್ತಿಗೆ, ಕೈಗಳು ಮತ್ತು ಕಾಲುಗಳಿಗೆ ಸನ್‌ಸ್ಕ್ರೀನ್ ಹಚ್ಚಿಕೊಳ್ಳಬೇಕಾಗುತ್ತದೆ.
ಬಣ್ಣಗಳು ಉಗುರುಗಳ ಮೇಲೆ ಬಣ್ಣ ಹತ್ತುವುದನ್ನು ತಡೆಯಲು, ಹೋಳಿ ಆಡುವ ಮೊದಲು ಅವುಗಳ ಮೇಲೆ ಗಾಢ ಬಣ್ಣದ ನೇಲ್ ಪಾಲಿಶ್ ಹಚ್ಚಿಕೊಳ್ಳಿ. ಹೋಳಿ ಹಬ್ಬದಂದು ಉದ್ದನೆಯ ತೋಳಿನ ಹಾಗೂ ಸ್ವಲ್ಪ ಸಡಿಲವಾದ ಬಟ್ಟೆಗಳನ್ನು ಧರಿಸಿ.
ತುಟಿಗಳಿಗೆ ಲಿಪ್ ಬಾಮ್ ಅಥವಾ ವ್ಯಾಸಲೀನ್ ಹಚ್ಚುವುದರಿಂದಲೂ ಕೂಡ ಪ್ರಯೋಜನವಾಗಬಹುದು. ಹೋಳಿ ಆಡುವ ಮೊದಲು, ತೆಂಗಿನಕಾಯಿ, ಸಾಸಿವೆ ಅಥವಾ ಆಲಿವ್ ಎಣ್ಣೆಯನ್ನು ನಿಮ್ಮ ಕೂದಲಿಗೆ ಚೆನ್ನಾಗಿ ಹಚ್ಚಿಕೊಳ್ಳಿ.
ಹೋಳಿ ಆಡುವಾಗ, ನಿಮ್ಮ ಕೂದಲನ್ನು ಸ್ಕಾರ್ಫ್ ಅಥವಾ ಹತ್ತಿ ದುಪಟ್ಟಾದಿಂದ ಚೆನ್ನಾಗಿ ಕಟ್ಟಿಕೊಳ್ಳಬೇಕಾಗುತ್ತದೆ. ಇದರಿಂದ ಬಣ್ಣವು ಕೂದಲಿನ ಮೇಲೆ ಪರಿಣಾಮ ಬೀರುವುದಿಲ್ಲ.
ಮಹಿಳೆಯರು ಹಾಗೂ ಮಕ್ಕಳು ಆದಷ್ಟು ಗೊತ್ತಿರುವ ಮಂದಿಯ ಜೊತೆಗೆ ಹೋಳಿ ಆಡಿ, ಗೊತ್ತಿಲ್ಲದವರು ಹೋಳಿ ಹಚ್ಚಲು ಬಂದರೆ ಹಚ್ಚಿಕೊಳ್ಳಬೇಡಿ. ಎಷ್ಟೋ ಹುಡುಗರು ಹೋಳಿ ಹೆಸರಿನಲ್ಲಿ ಮಹಿಳೆಯರ ಖಾಸಗಿ ಭಾಗಗಳನ್ನು ಮುಟ್ಟಲು ಯತ್ನಿಸುತ್ತಾರೆ ಜಾಗ್ರತೆ.
