ಹೋಳಿ ಹಬ್ಬ ಅಂದರೆ ಬಣ್ಣಗಳ ಸಂಭ್ರಮ. ಆದರೆ ಮುಖದ ಮೇಲೆ ಅಂಟಿಕೊಂಡಿರುವ ಕಲರ್ ತೆಗೆಯುವುದು ಹಲವರಿಗೆ ದೊಡ್ಡ ತಲೆನೋವು ಅಂದ್ರು ತಪ್ಪಾಗಲ್ಲ. ಎಷ್ಟೇ ಸಾಬೂನು ಬಳಸಿ ಉಜ್ಜಿದರೂ ಕೆಲವು ಬಣ್ಣಗಳು ಸುಲಭವಾಗಿ ಹೋಗೋದಿಲ್ಲ. ತಪ್ಪು ವಿಧಾನ ಬಳಸಿದರೆ ಚರ್ಮ ಒಣಗುವುದು, ಗುಳ್ಳೆ ಬರೋದು ಅಥವಾ ಉರಿ ಕಾಣಿಸಿಕೊಳ್ಳಬಹುದು. ಆದ್ದರಿಂದ ಸುರಕ್ಷಿತವಾಗಿ ಕಲರ್ ತೆಗೆದುಹಾಕುವುದು ಮುಖ್ಯ.
ಮೊದಲು ಮುಖಕ್ಕೆ ತೆಂಗಿನೆಣ್ಣೆ ಅಥವಾ ಆಲ್ಮಂಡ್ ಎಣ್ಣೆ ಹಚ್ಚಿ ಹದವಾಗಿ ಮಸಾಜ್ ಮಾಡಬೇಕು. ಎಣ್ಣೆ ಬಣ್ಣವನ್ನು ಸಡಿಲಗೊಳಿಸಿ ಚರ್ಮದಿಂದ ಬೇರ್ಪಡಿಸಲು ಸಹಾಯ ಮಾಡುತ್ತದೆ.
ನಂತರ ಮೃದುವಾದ ಕ್ಲೆನ್ಸರ್ ಬಳಸಿ ತೊಳೆಯುವುದು ಉತ್ತಮ. ಬಿಸಿ ನೀರಿನ ಬದಲು ಉಗುರುಬೆಚ್ಚಗಿನ ನೀರು ಬಳಸಿದರೆ ಚರ್ಮಕ್ಕೆ ಹಾನಿಯಾಗುವುದಿಲ್ಲ.
ಇದನ್ನೂ ಓದಿ:
ಮುಲ್ತಾನಿ ಮಿಟ್ಟಿ ಮತ್ತು ರೋಸ್ ವಾಟರ್ ಮಿಶ್ರಣವನ್ನು ಪ್ಯಾಕ್ ಆಗಿ ಹಾಕಿದರೆ ಉಳಿದ ಬಣ್ಣವೂ ಹಂತಹಂತವಾಗಿ ಮಾಸುತ್ತದೆ. ಜೊತೆಗೆ ಚರ್ಮ ತಂಪಾಗುತ್ತದೆ.
ಮೊಸರು ಮತ್ತು ಕಡಲೆ ಹಿಟ್ಟು ಮಿಶ್ರಣ ಕೂಡ ಉತ್ತಮ ನೈಸರ್ಗಿಕ ಕ್ಲೀನ್ ಅಪ್ ಆಗಿ ಕೆಲಸ ಮಾಡುತ್ತದೆ.
ಹೋಳಿ ನಂತರ ತಕ್ಷಣ ಸ್ಕ್ರಬ್ ಅಥವಾ ಕಠಿಣ ಫೇಸ್ ವಾಶ್ ಬಳಸದಿರುವುದು ಒಳಿತು. ಚರ್ಮಕ್ಕೆ ಮೃದುವಾದ ಆರೈಕೆ ನೀಡಿದರೆ ಎರಡು ಮೂರು ದಿನಗಳಲ್ಲಿ ಕಲರ್ ಸಂಪೂರ್ಣವಾಗಿ ಮಾಸುತ್ತದೆ. ಹಬ್ಬದ ಸಂಭ್ರಮ ಉಳಿಸಿಕೊಂಡೇ ಚರ್ಮದ ಆರೋಗ್ಯ ಕಾಪಾಡಿಕೊಳ್ಳುವುದು ಅತ್ಯಂತ ಮುಖ್ಯ.
