ಹೊಸದಿಗಂತ ಡಿಜಿಟಲ್‌ ಡೆಸ್ಕ್:
ಭಾರತದ ಪ್ರಧಾನಿ ನರೇಂದ್ರ ಮೋದಿ ಅವರ ಅಮೆರಿಕ ಪ್ರವಾಸದ ಕುರಿತು ಶ್ವೇತಭವನ ಬುಧವಾರ ಮಹತ್ವದ ಘೋಷಣೆ ಮಾಡಿದೆ. ಭಾರತವೂ ಅಮೆರಿಕದಂತೆಯೇ ಪ್ರಬಲ ಪ್ರಜಾಪ್ರಭುತ್ವವಾಗಿದ್ದು, ಉಭಯ ದೇಶಗಳು ತಮ್ಮ ದ್ವಿಪಕ್ಷೀಯ ಸಂಬಂಧವನ್ನು ಮುಂದುವರೆಸಲಿವೆ ಎಂದು ಶ್ವೇತಭವನ ತಿಳಿಸಿದೆ.
ಜೂನ್ 22 ರಂದು ಮೋದಿ ಗೌರವಾರ್ಥವಾಗಿ ಜೋ ಬಿಡನ್ ಔತಣಕೂಟವನ್ನು ಆಯೋಜಿಸಲಿದ್ದಾರೆ. ಈ ಭೇಟಿಯ ವೇಳೆ ಮೋದಿ ಜಂಟಿ ಅಧಿವೇಶನವನ್ನು ಉದ್ದೇಶಿಸಿ ಮಾತನಾಡಲಿದ್ದಾರೆ. “ಭಾರತವು ಪ್ರಬಲವಾದ ಪ್ರಜಾಪ್ರಭುತ್ವವನ್ನು ಹೊಂದಿದೆ ಮತ್ತು ನಾವು ಸಹ ಪ್ರಜಾಸತ್ತಾತ್ಮಕವಾಗಿ ಕೆಲಸ ಮಾಡುತ್ತೇವೆ. ಪ್ರಜಾಪ್ರಭುತ್ವವು ಯಾವುದೇ ಕ್ಷಣದಲ್ಲಿದರೂ ಪರಿಪೂರ್ಣತೆಯನ್ನು ಸಮೀಪಿಸುತ್ತದೆ” ಎಂದು ಯುಎಸ್ ರಾಷ್ಟ್ರೀಯ ಭದ್ರತಾ ಮಂಡಳಿಯ ಕಾರ್ಯತಂತ್ರದ ಸಂವಹನಗಳ ಸಂಯೋಜಕ ಜಾನ್ ಕಿರ್ಬಿ ಹೇಳಿದರು.
“ಭಾರತವನ್ನು ಇನ್ನಷ್ಟು ಉತ್ತಮಗೊಳಿಸಲು ನಮ್ಮ ಸಂಬಂಧವನ್ನು ಸುಧಾರಿಸಲು ವಿಶ್ವದ ಈ ಎರಡು ಪ್ರಬಲ ಮತ್ತು ಪ್ರಭಾವಿ ಪ್ರಜಾಪ್ರಭುತ್ವಗಳ ನಡುವಿನ ಈ ದ್ವಿಪಕ್ಷೀಯ ಸಂಬಂಧವನ್ನು ನಾವು ಮುಂದುವರಿಸಲಿದ್ದೇವೆ” ಎಂದು ಕಿರ್ಬಿ ಹೇಳಿದರು. ಅಲ್ಲದೆ, ಅಧ್ಯಕ್ಷ ಜೋ ಬಿಡನ್ ಅವರು ಎಲ್ಲಿಗೆ ಹೋದರೂ ಮತ್ತು ಪ್ರಪಂಚದಾದ್ಯಂತದ ಯಾವುದೇ ನಾಯಕರೊಂದಿಗೆ ಮಾನವ ಹಕ್ಕುಗಳ ಬಗ್ಗೆಯೇ ಯೋಚಿಸುತ್ತಾರೆ ಎಂದರು. ಯುಎಸ್ ತನ್ನ ಸ್ನೇಹಿತರು, ಮಿತ್ರರಾಷ್ಟ್ರಗಳು, ಪಾಲುದಾರರು ಮತ್ತು ಅಷ್ಟೊಂದು ಸ್ನೇಹಪರವಲ್ಲದ ದೇಶಗಳೊಂದಿಗೂ ಕೂಡ ಮಾನವ ಹಕ್ಕುಗಳ ಕಾಳಜಿಯನ್ನು ವಹಿಸುತ್ತದೆ ಎಂದು ಕಿರ್ಬಿ ಈ ಸಂದರ್ಭದಲ್ಲಿ ಹೇಳಿದರು.
