ಹೊಸದಿಗಂತ ಡಿಜಿಟಲ್‌ ಡೆಸ್ಕ್:
ಭಾರತೀಯ ರಿಸರ್ವ್ ಬ್ಯಾಂಕ್ ಇತ್ತೀಚೆಗೆ ಹೊರಹಾಕಿರೋ ಮಾಹಿತಿಯ ಪ್ರಕಾರ ಅಕ್ಟೋಬರ್ 14 ಕ್ಕೆ ಕೊನೆಗೊಂಡ ವಾರದಲ್ಲಿ ಭಾರತದ ವಿದೇಶೀ ವಿನಿಮಯ ಸಂಗ್ರಹವು 4.5 ಶತಕೋಟಿ ಡಾಲರ್ ನಷ್ಟು ಕುಸಿದು 528.37 ಶತಕೋಟಿ ಡಾಲರ್ ಗೆ ತಲುಪಿದೆ. ಇದು ಬಹು ವರ್ಷದ ಕನಿಷ್ಟ ಮಟ್ಟಕ್ಕೆ ಇಳಿದಿದೆ ಎಂದು ಮೂಲಗಳು ವರದಿ ಮಾಡಿವೆ.
ಅಕ್ಟೋಬರ್ 2021 ರಲ್ಲಿ, ದೇಶದ ಫಾರೆಕ್ಸ್ ಸಂಗ್ರಹವು 645 ಬಿಲಿಯನ್‌ ಡಾಲರ್ ಗೆ ತಲುಪಿತ್ತು. ಆದರೆ ನಂತರ ನಡೆದ ಜಾಗತಿಕ ಬೆಳವಣಿಗೆಗಳ ನಡುವೆ ರೂಪಾಯಿಯನ್ನು ರಕ್ಷಿಸಲು ಕೇಂದ್ರೀಯ ಬ್ಯಾಂಕ್ ಸಂಗ್ರಹವನ್ನು ನಿಯೋಜಿಸುವುದರಿಂದ ವಿದೇಶಿವಿನಿಮಯ ಸಂಗ್ರಹದಲ್ಲಿ ಕುಸಿತವುಂಟಾಗುತ್ತಿದೆ. ಭಾರತೀಯ ರಿಸರ್ವ್ ಬ್ಯಾಂಕ್ (RBI) ಬಿಡುಗಡೆ ಮಾಡಿದ ಇತ್ತೀಚಿನ ಸಾಪ್ತಾಹಿಕ ಅಂಕಿಅಂಶಗಳ ಸಪ್ಲಿಮೆಂಟ್ ಪ್ರಕಾರ, ಒಟ್ಟಾರೆ ಮೀಸಲುಗಳ ಪ್ರಮುಖ ಅಂಶವಾದ ವಿದೇಶಿ ಕರೆನ್ಸಿ ಆಸ್ತಿಗಳು (FCA), ಅಕ್ಟೋಬರ್ 14 ರ ವಾರದಲ್ಲಿ 2.828 ಶತಕೋಟಿ ಡಾಲರ್ ಇಳಿಕೆಯಾಗಿದೆ 468.668 ಶತಕೋಟಿ ಡಾಲರ್ ಗೆ ತಲುಪಿದೆ.
