ಹೊಸದಿಗಂತ ಡಿಜಿಟಲ್ ಡೆಸ್ಕ್:
2025ರ ಐಪಿಎಲ್‌ ಮೆಗಾ ಹರಾಜು ಹಿನ್ನೆಲೆ ರಾಯಲ್‌ ಚಾಲೆಂಜರ್ಸ್‌ ಬೆಂಗಳೂರು ಫ್ರಾಂಚೈಸಿಯು ರೀಟೆನ್‌ ಆಟಗಾರರ ಪಟ್ಟಿಯನ್ನು ಬಿಡುಗಡೆಗೊಳಿಸಿದೆ. ನೀರಿಕ್ಷೆಯಂತೆ ಹಾಲಿ ನಾಯಕ ಫಾಫ್‌ ಡು ಪ್ಲೆಸಿಸ್‌ ಅವರನ್ನ ತಂಡದಿಂದ ಹೊರದಬ್ಬಿದ್ದು, ಮೂವರು ದೇಶಿ ಆಟಗಾರರನ್ನ ಮಾತ್ರ ಉಳಿಸಿಕೊಂಡಿದೆ.
ಆರ್‌ಸಿಬಿ ತಂಡದ ಕಿಂಗ್‌ ಕೊಹ್ಲಿ 18ನೇ ಆವೃತ್ತಿಯಲ್ಲೂ ಆರ್‌ಸಿಬಿ ತಂಡದಲ್ಲೇ ಮುಂದುವರಿದಿದ್ದಾರೆ. ಇದರೊಂದಿಗೆ ರಜತ್‌ ಪಾಟೀದಾರ್‌ ಹಾಗೂ ಯಶ್‌ ದಯಾಳ್‌ ಅವರನ್ನ ಆರ್‌ಸಿಬಿ (RCB) ರೀಟೆನ್‌ ಮಾಡಿಕೊಂಡಿದೆ. ಇಲ್ಲಿ 2024ರ ಐಪಿಎಲ್‌ ಆವೃತ್ತಿಯಲ್ಲಿ 15 ಕೋಟಿ ರೂ. ಇದ್ದ ಸಂಭಾವನೆ ಕೊಹ್ಲಿ ಸಂಭಾವನೆ ದಿಢೀರ್‌ 21 ಕೋಟಿ ರೂ.ಗೆ ಏರಿಕೆಯಾಗಿದ್ದಾರೆ.
ಇನ್ನೂ 2024ರ ಐಪಿಎಲ್‌ ಆವೃತ್ತಿಯಲ್ಲಿ ಬ್ಯಾಕ್‌ ಟು ಬ್ಯಾಕ್‌ ಫಿಫ್ಟಿ ಸಿಡಿಸಿ ಮಿಂಚಿದ್ದ ರಜತ್‌ ಪಾಟೀದಾರ್‌ ಅವರನ್ನು 11 ಕೋಟಿ ರೂ.ಗಳಿಗೆ ಆರ್‌ಸಿಬಿ ಉಳಿಸಿಕೊಂಡಿದೆ. ಜೊತೆಗೆ 2024ರ ಐಪಿಎಲ್‌ನ ನಾಕೌಟ್‌ ಪಂದ್ಯದಲ್ಲಿ ಸಿಎಸ್‌ಕೆ ವಿರುದ್ಧ ಗೆಲುವು ತಂದುಕೊಟ್ಟು ಹೀರೋ ಆಗಿದ್ದ ಯಶ್‌ ದಯಾಳ್‌ ಅವರನ್ನ 5 ಕೋಟಿ ರೂ.ಗಳಿಗೆ ರೀಟೆನ್‌ ಮಾಡಿಕೊಂಡಿದೆ.
ಯಾರಿಗೆ ಎಷ್ಟು ಮೊತ್ತ?
ವಿರಾಟ್‌ ಕೊಹ್ಲಿ – 21 ಕೋಟಿ ರೂ.
ರಜತ್‌ ಪಾಟೀದಾರ್‌ – 11 ಕೋಟಿ ರೂ.
ಯಶ್‌ ದಯಾಳ್‌ – 5 ಕೋಟಿ ರೂ.
