ವೈಜ್ಞಾನಿಕವಾಗಿ ತಜ್ಞರು ವಿಶ್ಲೇಷಣೆ ಮಾಡಿದಂತೆ, ಮನೆ ಅಥವಾ ಕಾರ್ಯಕ್ಷೇತ್ರದ ವಿನ್ಯಾಸ, ಸ್ಥಾಪನೆ ಹಾಗೂ ಶಕ್ತಿಯ ಸಮತೋಲನವೇ ಜೀವನಶೈಲಿಗೆ ಪರಿಣಾಮ ಬೀರುತ್ತದೆ. ಈ ಅಂಶಗಳಲ್ಲೇ ಒಳಗೊಂಡಿದೆ ವಾಸ್ತು ಶಾಸ್ತ್ರ. ಇದು ಪ್ರಾಚೀನ ಭಾರತೀಯ ಶಿಲ್ಪಶಾಸ್ತ್ರವಾಗಿದ್ದು, ಪ್ರಕೃತಿ, ಭೂಮಿ, ದಿಕ್ಕುಗಳು ಹಾಗೂ ಶಕ್ತಿಯ ಪರಿವೇಶವನ್ನು ಆಧರಿಸಿದೆ. ಇಂದಿನ ದಿನಗಳಲ್ಲಿ ಅನೇಕರು ವಾಸ್ತುವನ್ನು ನಂಬುತ್ತಿದ್ದರು, ಆದರೆ ಅದರ ತಳಹದಿಯ ಅರಿವು ಇಲ್ಲದೆ ಅನೇಕ ತಪ್ಪುಗಳನ್ನು ಮಾಡುತ್ತಿದ್ದಾರೆ.
ವಾಸ್ತು ಶಾಸ್ತ್ರ ಪ್ರಕಾರ, ಬೃಹತ್ ಬ್ರಹ್ಮಾಂಡದಲ್ಲಿ ಧನಾತ್ಮಕ ಹಾಗೂ ನಕಾರಾತ್ಮಕ ಶಕ್ತಿಗಳ ಸಮತೋಲನವೇ ಆರೋಗ್ಯ ಹಾಗೂ ಸಮೃದ್ಧಿಗೆ ಕಾರಣವಾಗುತ್ತದೆ. ಈ ಶಕ್ತಿಯ ಸರಿಯಾದ ಹರಿವಿಗೆ ತಾತ್ವಿಕ ಹಾಗೂ ದಿಕ್ಕು ಆಧಾರಿತ ವ್ಯವಸ್ಥೆಗಳು ಅಗತ್ಯ. ಹೀಗಾಗಿ ಮನೆ ಅಥವಾ ಗೃಹಪರಿಸರದ ವಿನ್ಯಾಸವನ್ನೇ ಇವು ನಿಯಂತ್ರಿಸುತ್ತವೆ.
ವಾಸ್ತು ತಜ್ಞರ ಪ್ರಕಾರ, ಉತ್ತಮ ನಿದ್ರೆಗಾಗಿ ತಲೆಯನ್ನು ದಕ್ಷಿಣದಿಕ್ಕಿಗೆ ತಿರುಗಿಸಿ ಮಲಗುವುದು ಸೂಕ್ತ. ಇದರಿಂದ ಮೆದುಳಿನ ಶಕ್ತಿ ಸಕ್ರಿಯವಾಗುತ್ತದೆ. ಮನೆಯ ಮಧ್ಯಭಾಗವು ಸದಾ ಖಾಲಿ ಅಥವಾ ತೀವ್ರ ಹೊರೆ ಇಲ್ಲದ ರೀತಿಯ ಪೀಠೋಪಕರಣಗಳೊಂದಿಗೆ ಇರಬೇಕು. ಇದರಿಂದ ಶಕ್ತಿಯ ಮುಕ್ತ ಹರಿವು ಸಾಧ್ಯವಾಗುತ್ತದೆ.
ಮನೆಯ ಅಗ್ನಿಕೋಣೆ ಅಥವಾ ವಾಯುವ್ಯ ದಿಕ್ಕಿನಲ್ಲಿ ದೀಪ, ಮೇಣದ ಬತ್ತಿ ಇಡುವುದು ಉತ್ತಮ. ಇದರ ಮೂಲಕ ಬೆಂಕಿಯ ಅಂಶ ಸಮತೋಲನವಾಗುತ್ತದೆ. ಇನ್ನು ಹಾಸಿಗೆಯ ಎದುರು ಕನ್ನಡಿಯನ್ನು ಇಡಬಾರದು. ಇದು ನಿದ್ರೆ ಶಕ್ತಿಯ ಅಸಮತೋಲನಕ್ಕೆ ಕಾರಣವಾಗುತ್ತದೆ.
ಸ್ನಾನಗೃಹ ಮತ್ತು ಅಡುಗೆಮನೆಯ ಬಾಗಿಲುಗಳು ಪರಸ್ಪರ ಎದುರಾಗಬಾರದು. ಇದ್ದರೆ ಬಾಗಿಲುಗಳನ್ನು ಮುಚ್ಚಿರುವುದು ಶ್ರೇಷ್ಠ. ಅಸ್ವಸ್ಥ ವ್ಯಕ್ತಿಗಳ ಕೋಣೆಯಲ್ಲಿ ಮೇಣದಬತ್ತಿಯನ್ನು ಬೆಳಗಿಸುವುದು ಚೇತರಿಕೆಗೆ ನೆರವಾಗುತ್ತದೆ. ನೀರನ್ನು ಕುಡಿಯುವಾಗ ಮುಖ ಈಶಾನ್ಯ ಅಥವಾ ಪೂರ್ವದಿಕ್ಕಿಗೆ ಇರಿಸುವ ಸಲಹೆಯೂ ಶಕ್ತಿಯ ಹರಿವಿಗೆ ಸಹಕಾರಿ.
ಮನೆಯ ಮುಂಭಾಗದಲ್ಲಿ ಸಿಟ್ರಸ್ ಹಣ್ಣುಗಳ ಗಿಡಗಳನ್ನು ಬೆಳೆಸುವುದು ಆರೋಗ್ಯದ ಶಕ್ತಿ ಹರಿವಿಗೆ ಒಳಿತಾಗುತ್ತದೆ. ಜೊತೆಗೆ ದಕ್ಷಿಣ ದಿಕ್ಕಿನಲ್ಲಿ ಆಂಜನೇಯನ ಚಿತ್ರವನ್ನು ಸ್ಥಾಪಿಸುವುದರಿಂದ ಆರೋಗ್ಯದ ದೃಷ್ಟಿಯಿಂದ ರಕ್ಷಣೆಯ ಶಕ್ತಿ ಸಕ್ರಿಯಗೊಳ್ಳುತ್ತದೆ.
