ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಭೋಲಾರಿ ವಾಯುನೆಲೆಯನ್ನು ಗುರಿಯಾಗಿಸಿಕೊಂಡು ಭಾರತೀಯ ಸೇನೆ ದಾಳಿಗಳು ನಡೆಸಿವೆ ಎಂದು ಸಿಂಧ್ ಪ್ರಾಂತ್ಯದ ಮುಖ್ಯಮಂತ್ರಿ ದೃಢಪಡಿಸಿದ್ದಾರೆ.
ಸಿಂಧ್‌ನಲ್ಲಿ 7 ಜನ ಹುತಾತ್ಮರಾಗಿದ್ದಾರೆ. ಭೋಲಾರಿಯಲ್ಲಿ ನಡೆದ ದಾಳಿಯಲ್ಲಿ ವಾಯುಪಡೆಯ 6 ಅಧಿಕಾರಿಗಳು ಮತ್ತು ತಂತ್ರಜ್ಞರು ಹುತಾತ್ಮರಾದರು ಎಂದು ಸಿಂಧ್ ಮುಖ್ಯಮಂತ್ರಿ ಮುರಾದ್ ಅಲಿ ಶಾ ಹೇಳಿದ್ದಾರೆ.
ಸಿಂಧ್ ಪ್ರಾಂತ್ಯದ ಭೋಲಾರಿ ವಾಯುನೆಲೆಯು 19 ಸ್ಕ್ವಾಡ್ರನ್ ಮತ್ತು ಎಫ್ -16 ಎ/ಬಿ ಬ್ಲಾಕ್ 15 ಎಡಿಎಫ್ ವಿಮಾನಗಳನ್ನು ನಿರ್ವಹಿಸುವ ಆಪರೇಷನಲ್ ಕನ್ವರ್ಶನ್ ಯೂನಿಟ್ (ಒಸಿಯು)ಗೆ ನೆಲೆಯಾಗಿದೆ.
ಭಾರತದ ದಾಳಿಯ ನಂತರದ ಉಪಗ್ರಹ ಚಿತ್ರಗಳು ವಿಮಾನಗಳನ್ನು ಇರಿಸಲಾಗಿರುವ ವಾಯುನೆಲೆಯಲ್ಲಿನ ಹ್ಯಾಂಗರ್‌ಗೆ ವ್ಯಾಪಕ ಹಾನಿಯನ್ನು ಬಹಿರಂಗಪಡಿಸಿವೆ. ಕೆಲವು ವಿಮಾನಗಳು ಸಹ ಹಾನಿಗೊಳಗಾಗುವ ಸಾಧ್ಯತೆಯಿದೆ.
