ʻಕಾವಾಲಯ್ಯ‌ʼ ಹಾಡಿಗೆ ಜಪಾನ್ ರಾಯಭಾರಿ ʻಹಿರೋಷಿ ಸುಜುಕಿʼ ಮಸ್ತ್‌ ಮಸ್ತ್‌ ಸ್ಟೆಪ್ಸ್!

ಹೊಸದಿಗಂತ ಡಿಜಿಟಲ್‌ ಡೆಸ್ಕ್:‌ 

ಕಾಲಿವುಡ್ ಸೂಪರ್ ಸ್ಟಾರ್ ರಜನಿಕಾಂತ್ ಅಭಿನಯದ ‘ಜೈಲರ್’ ಸಿನಿಮಾದ ‘ಕಾವಲಯ್ಯಾ’ ಹಾಡು ಅಂತರಾಷ್ಟ್ರೀಯ ಮಟ್ಟದಲ್ಲಿ ವೈರಲ್ ಆಗುತ್ತಿದೆ. ಅನಿರುದ್ಧ್ ಅವರ ಟ್ಯೂನ್‌ಗೆ ತಮನ್ನಾ ಎನರ್ಜಿಟಿಕ್ ಸ್ಟೆಪ್‌ಗಳ ಹಾಡು ಯೂಟ್ಯೂಬ್‌ನಲ್ಲಿ 100 ಮಿಲಿಯನ್ ವೀಕ್ಷಣೆಗಳನ್ನು ದಾಟಿದೆ. ಇನ್‌ಸ್ಟಾಗ್ರಾಮ್ ರೀಲ್‌ಗಳು ಮತ್ತು ಯೂಟ್ಯೂಬ್‌ಗಳಲ್ಲಿ ಇದೀಗ ಇದರದ್ದೇ ಹವಾ..

ಇತ್ತೀಚೆಗಷ್ಟೇ ಭಾರತದಲ್ಲಿನ ಜಪಾನ್ ರಾಯಭಾರಿಯೂ ‘ಕಾವಲಯ್ಯಾ’ ಹಾಡಿಗೆ ಹೆಜ್ಜೆ ಹಾಕಿದ್ದಾರೆ. ಈ ಹಾಡಿಗೆ ಜಪಾನ್ ರಾಯಭಾರಿ ಹಿರೋಶಿ ಸುಜುಕಿ ಮತ್ತು ಜನಪ್ರಿಯ ಯೂಟ್ಯೂಬರ್ ಮೇಯೊ ಸ್ಯಾನ್ ಡ್ಯಾನ್ಸ್ ಮಾಡಿರುವ ವಿಡಿಯೋ ವೈರಲ್ ಆಗಿದೆ. ಈ ವೀಡಿಯೊವನ್ನು ಹಿರೋಷಿ ಸುಜುಕಿ ಅವರು ತಮ್ಮ ಟ್ವಿಟರ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.

ಮತ್ತೊಂದೆಡೆ, ‘ಜೈಲರ್’ ಬಾಕ್ಸ್ ಆಫೀಸ್ನಲ್ಲಿ ದಾಖಲೆಗಳನ್ನು ಮುರಿಯುತ್ತಿದೆ. ಕೇವಲ ಆರು ದಿನಗಳಲ್ಲಿ ರು.400 ಕೋಟಿ ಗಡಿ ದಾಟಿದೆ. ಈಗಾಗಲೇ ಬ್ರೇಕ್ ಈವೆನ್ ಗಡಿ ದಾಟಿರುವ ಜೈಲರ್ ಖರೀದಿದಾರರಿಗೆ ಭರ್ಜರಿ ಲಾಭ ನೀಡುವತ್ತ ಸಾಗುತ್ತಿದೆ. ಕನ್ನಡದ ಸೂಪರ್ ಸ್ಟಾರ್ ಶಿವರಾಜ್ ಕುಮಾರ್ ಮತ್ತು ಮಲಯಾಳಂ ಸ್ಟಾರ್ ಹೀರೋ ಮೋಹನ್ ಲಾಲ್ ‘ಜೈಲರ್’ ಚಿತ್ರದಲ್ಲಿ ನಿರ್ಣಾಯಕ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.

ಈ ಸುದ್ದಿಯನ್ನು ಇತರರ ಜೊತೆಗೂ ಹಂಚಿಕೊಳ್ಳಿ

LEAVE A REPLY

Please enter your comment!
Please enter your name here

error: Content is protected !!