ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಬಹು ನಿರೀಕ್ಷಿತ ಕೇರಳ ಫಿಲ್ಮ್ ಕ್ರಿಟಿಕ್ಸ್ ಅವಾರ್ಡ್ 2021 ಘೋಷಣೆಯಾಗಿದ್ದು, ಕುರುಪ್ ಮತ್ತು ಸೆಲ್ಯೂಟ್ ಚಿತ್ರಗಳಲ್ಲಿನ ನಟನೆಗಾಗಿ ದುಲ್ಕರ್ ಸಲ್ಮಾನ್ ಅತ್ಯುತ್ತಮ ನಟ ಪ್ರಶಸ್ತಿ ಬಗಲಿಗೆ ಹಾಕಿಕೊಂಡಿದ್ದಾರೆ.
ಮೆಪ್ಪಾಡಿಯಾನ್ ಚಿತ್ರದಲ್ಲಿನ ಅಭಿನಯಕ್ಕಾಗಿ ಉಣ್ಣಿ ಮುಕುಂದನ್ ಅವರು ಎರಡನೇ ಅತ್ಯುತ್ತಮ ನಟ ಪ್ರಶಸ್ತಿ ಪಡೆದರು.
ಪ್ರಶಸ್ತಿಗಳನ್ನು ಸಂಘದ ಅಧ್ಯಕ್ಷ ಹಾಗೂ ತೀರ್ಪುಗಾರರ ಅಧ್ಯಕ್ಷ ಡಾ. ಜಾರ್ಜ್ ಒನಕುರೆ ಪ್ರಕಟಿಸಿದರು.
‘ಉಡಲ್’ ಚಿತ್ರದಲ್ಲಿನ ಅಭಿನಯಕ್ಕಾಗಿ ದುರ್ಗಾ ಕೃಷ್ಣ ಅತ್ಯುತ್ತಮ ನಟಿಯಾಗಿ ಆಯ್ಕೆಯಾಗಿದ್ದು, ಕ್ರಿಶಾಂತ್ ನಿರ್ಮಾಣ ಮತ್ತು ನಿರ್ದೇಶನದ ಆವಾಸವ್ಯೂಹಂ ಅತ್ಯುತ್ತಮ ಚಿತ್ರವಾಗಿ ಗುರುತಿಸಿಕೊಂಡಿದೆ. ನಯತ್ ಚಿತ್ರಕ್ಕಾಗಿ ಮಾರ್ಟಿನ್ ಪ್ರಕತ್ ಅತ್ಯುತ್ತಮ ನಿರ್ದೇಶಕ ಪ್ರಶಸ್ತಿ ಪಡೆದಿದ್ದಾರೆ.
ಹೋಮ್ ಚಿತ್ರದಲ್ಲಿನ ಅಭಿನಯಕ್ಕಾಗಿ ಮಂಜು ಪಿಳ್ಳೈ ಅತ್ಯುತ್ತಮ ಎರಡನೇ ನಟಿ ಪ್ರಶಸ್ತಿ ಪಡೆದಿದ್ದರೆ, ಜೋಶಿ ಚಲ್ಚಿರತ್ ರತ್ನಂ ಪ್ರಶಸ್ತಿ ಮತ್ತು ಸುರೇಶ್ ಗೋಪಿ ವಿಮರ್ಶಕರ ಜಯಂತಿ ಪ್ರಶಸ್ತಿ ಪಡೆದಿದ್ದಾರೆ. ಇನ್ನು ರೇವತಿ, ಊರ್ವಶಿ, ಬಾಬು ನಂಬೂದಿರಿ, ಕೊಚ್ಚುಪ್ರೇಮನ್ ಅವರಿಗೆ ಚಲನಚಿತ್ರ ಪ್ರತಿಭಾ ಪುರಸ್ಕಾರ ಘೋಷಿಸಲಾಗಿದೆ.
ಹೆಚ್ಚಿನ ವಿವರಗಳು ಇಲ್ಲಿವೆ:
ಎರಡನೇ ಅತ್ಯುತ್ತಮ ಚಿತ್ರ: ಮಿನ್ನಲ್ ಮುರಳಿ.
ಅತ್ಯುತ್ತಮ ಎರಡನೇ ಚಲನಚಿತ್ರ ನಿರ್ದೇಶಕ: ಬಾಸಿಲ್ ಜೋಸೆಫ್.
ಬಾಲನಟ : ಮಾಸ್ಟರ್ ಆನ್ ಮೈ (ಎಂಡೆ ಮಳ), ಮಾಸ್ಟರ್ ಅಭಿಮನ್ಯು (ತುರುತ್)
ಚಿತ್ರಕಥೆ : ಜೀತು ಜೋಸೆಫ್ (ದೃಶ್ಯಂ-2), ಜೋಸ್ ಕೆ. ಮ್ಯಾನುಯೆಲ್ (ಆರ್)
ಗೀತರಚನೆ: ಜಯಕುಮಾರ್ ಕೆ ಪವಿತ್ರನ್
ಸಂಗೀತ ನಿರ್ದೇಶನ: ಹಿಶಾಮ್ ಅಬ್ದುಲ್ ವಹಾಬ್ (ಹೃದಯ, ಮಧುರಂ)
ಹಿನ್ನೆಲೆ ಗಾಯಕ : ಸೂರಜ್ ಸಂತೋಷ್ (ಗಗನಮೆ)
ಹಿನ್ನೆಲೆ ಗಾಯಕಿ: ಅಪರ್ಣಾ ರಾಜೀವ್ (ತಿರ ತೋಟುಂ ತಿರಂ ಮೇಲೆ. ಚಿತ್ರ: ತುರುತ್)
ಛಾಯಾಗ್ರಾಹಕ: ಅಸ್ಲಂ ಕೆ ಪುರೈಲ್ (ಸೆಲ್ಯೂಟ್)
ಛಾಯಾಗ್ರಾಹಕ: ಪ್ರಜೀಶ್ ಪ್ರಕಾಶ್ (ಮನ)
ವಾಯ್ಸ್ ಓವರ್: ಸ್ಯಾನ್ ಜೋಸ್ (ಸರಸ್)
ಕಲಾ ನಿರ್ದೇಶನ: ಮನು ಜಗತ್ (ಮಿನ್ನಲ್ ಮುರಳಿ)
ಮೇಕಪ್ ಮ್ಯಾನ್: ಬಿನೋಯ್ ಕೊಲ್ಲಂ (ತುರುತ್)
ವಸ್ತ್ರ ವಿನ್ಯಾಸ: ಅರುಣ್ ಮನೋಹರ್ (ಸುಭಾಷ್ ಚಂದ್ರ ಬೋಸ್)
ಜನಪ್ರಿಯ ಚಲನಚಿತ್ರ: ಹೃದಯ (ವಿನೀತ್ ಶ್ರೀನಿವಾಸನ್).
