ಹೂಕೋಸು ನೋಡೋಕೇನೋ ಚಂದ. ಅದ್ರಿಂದ ತಯಾರಾಗೋ ತಿಂಡಿನೂ ಚಂದ. ಆದ್ರೆ ಅದನ್ನು ಕ್ಲೀನ್ ಮಾಡೋದು ಕಷ್ಟ ಅಂತ ಈ ತರಕಾರಿನ ತಗೋಳೋ ಗೋಜಿಗೆ ಹೋಗಲ್ಲ. ಹೂಕೋಸನ್ನು ಸರಿಯಾಗಿ ಸ್ವಚ್ಛಗೊಳಿಸದೆ ಬಳಸಿದರೆ, ಆಹಾರದ ಮೂಲಕ ಹೊಟ್ಟೆಗೆ ಸೇರಿ ಹಲವು ರೀತಿಯ ಸಮಸ್ಯೆಗಳು ಉಂಟಾಗಬಹುದು. ಹೂಕೋಸನ್ನು ಇತರ ತರಕಾರಿಗಳಂತೆ ತೊಳೆಯುವುದಲ್ಲ. ಕತ್ತರಿಸಿದ ಬಳಿಕ ಹುಳುಗಳು ಗೋಚರಿಸುತ್ತವೆ. ಆದಾಗ್ಯೂ, ಹೂಕೋಸಿನಿಂದ ಹುಳುವನ್ನು ತೆಗೆದುಹಾಕಲು ಸುಲಭವಾದ ಕೆಲವು ವಿಧಾನಗಳಿವೆ.
- ಮೊದಲನೆಯದಾಗಿ ಮಾರುಕಟ್ಟೆಯಿಂದ ಹೂಕೋಸು ಖರೀದಿಸಿದ ನಂತರ, ಅದನ್ನು ನೇರವಾಗಿ ಫ್ರಿಡ್ಜ್ನಲ್ಲಿ ಇಡಬಾರದು. ಹೂಕೋಸಿನಲ್ಲಿರುವ ಹುಳುಗಳು ಇತರ ಆಹಾರಗಳಿಗೆ ಹರಡದಂತೆ ಮೊದಲು ಸ್ವಚ್ಛಗೊಳಿಸಬೇಕು.
- ಒಂದು ದೊಡ್ಡ ಪಾತ್ರೆಯಲ್ಲಿ ನೀರನ್ನು ತುಂಬಿ ಹೂಕೋಸಿನ ಹೂಗೊಂಚಲನ್ನು ಸಂಪೂರ್ಣವಾಗಿ ಮುಳುಗಿಸಬೇಕು. ಹೂಕೋಸು ತೇಲದಂತೆ ಮೇಲ್ಮೈಗೆ ಭಾರವಾದ ವಸ್ತುವನ್ನು ಇರಿಸಿ. ನೀರನ್ನು ಸಾಮಾನ್ಯ ಅಥವಾ ಸ್ವಲ್ಪ ಬಿಸಿ ನೀರು ಬಳಸಬಹುದು.
- ಈ ವಿಧಾನದಿಂದ ಹೂಕೋಸಿನ ಒಳಗಿನ ಕೀಟಗಳು ಆಮ್ಲಜನಕ ಕೊರತೆಯಿಂದ ಮೇಲ್ಮೈಗೆ ತೇಲಿ ಹೋಗುತ್ತವೆ. ಹೀಗಾಗಿ, ಕತ್ತರಿಸದೇ ಸುಲಭವಾಗಿ ಕೀಟಗಳನ್ನು ತೆಗೆದುಹಾಕಬಹುದು.
- ಹೂಕೋಸನ್ನು ತಯಾರಿಸಲು ಈಗ ಬಳಸಬಹುದು. ಬಯಸಿದರೆ, ನಂತರ ಫ್ರಿಡ್ಜ್ನಲ್ಲಿ ಸಂಗ್ರಹಿಸಿ ಬಳಸಬಹುದು. ತಯಾರಿಸುವ ಮೊದಲು ಹೂಕೋಸು ತುಂಡುಗಳಾಗಿ ಕತ್ತರಿಸಿ ಮತ್ತೊಮ್ಮೆ ನೀರಿನಲ್ಲಿ ಕುದಿಸುವುದು ಯಾವುದೇ ಉಳಿದ ಕೀಟಗಳನ್ನು ತೆಗೆದುಹಾಕಲು ಸಹಾಯ ಮಾಡುತ್ತದೆ.
