ನಮ್ಮ ಜೀವನದಲ್ಲಿ ನಾವು ಸಾಕಷ್ಟು ಅವಕಾಶಗಳನ್ನು ಕಳೆದುಕೊಳ್ಳುವುದು ಭಯ ಮತ್ತು ಸೆಲ್ಫ್ ಡೌಟ್ ನಿಂದ. ಈ ಭಾವನೆಗಳು ನಮ್ಮಲ್ಲಿ ಹುಟ್ಟಿಕೊಂಡರೆ, ನಾವು ಹೊಸ ಅವಕಾಶಗಳನ್ನು ಪ್ರಯತ್ನಿಸುವ ಮೊದಲು ಅಸಮರ್ಥತೆಯ ಭಾವನೆಯನ್ನು ಅನುಭವಿಸುತ್ತೇವೆ. ಆದರೆ, ಈ ಭಯವನ್ನು ನಿಭಾಯಿಸಿ, ಆತ್ಮವಿಶ್ವಾಸವನ್ನು ಬೆಳೆಸಿಕೊಂಡರೆ ನಾವು ನಿರ್ಭೀತಿಯಾಗಿ ಮುಂದೆ ಸಾಗಬಹುದು. ಇದಕ್ಕಾಗಿ ಕೆಲವು ಪ್ರಮುಖ ಅಂಶಗಳನ್ನು ಜೀವನದಲ್ಲಿ ಅಳವಡಿಸಿಕೊಳ್ಳಿ:
ನಿಮ್ಮ ಭಯದ ಮೂಲವನ್ನು ಅರಿತುಕೊಳ್ಳಿ
ನಮ್ಮ ಭಯದ ಮೂಲ ನಮಗೇ ತಿಳಿದಿರೋದಿಲ್ಲ. ನಮಗೆ ಯಾವುದು ಭಯವನ್ನುಂಟುಮಾಡುತ್ತಿದೆ ಎಂಬುದನ್ನು ಅರಿತುಕೊಂಡರೆ, ಅದನ್ನು ಸರಿಪಡಿಸುವ ದಾರಿ ಸುಲಭವಾಗುತ್ತದೆ.
ತಪ್ಪು ಮಾಡಿದರೆ ಭಯಪಡುವ ಅಗತ್ಯವಿಲ್ಲ
ಯಶಸ್ವಿ ವ್ಯಕ್ತಿಗಳು ಕೂಡ ಕೆಲವೊಮ್ಮೆ ತಪ್ಪು ಮಾಡುತ್ತಾರೆ. ಒಂದು ತಪ್ಪು ನಿಮ್ಮ ಸಂಪೂರ್ಣ ಪ್ರಯತ್ನವನ್ನೇ ನಿರರ್ಥಕಗೊಳಿಸುವುದಿಲ್ಲ. ಪ್ರತಿಯೊಂದು ತಪ್ಪು ನಿಮಗೆ ಹೊಸ ಪಾಠ ಕಲಿಸುತ್ತದೆ.
ಚಿಕ್ಕ ಹೆಜ್ಜೆಗಳಿಂದ ಆರಂಭಿಸಿ
ದೊಡ್ಡ ನಿರ್ಧಾರಗಳನ್ನು ತಕ್ಷಣ ತೆಗೆದುಕೊಳ್ಳಲು ಬಯಸುವ ಬದಲು, ಚಿಕ್ಕ ಚಿಕ್ಕ ಹೆಜ್ಜೆಗಳನ್ನು ಇಡುವುದರಿಂದ ಆತ್ಮವಿಶ್ವಾಸ ಬೆಳೆಯುತ್ತದೆ. ಈ ಕ್ರಮ ನಿಮಗೆ ಧೈರ್ಯವನ್ನು ತುಂಬುತ್ತದೆ.
ನಿರೀಕ್ಷೆಗಳನ್ನು ಮಿತಿಗೊಳಿಸಿ
ಅತಿಯಾಗಿ ನಿರೀಕ್ಷೆಗಳು ಇದ್ದರೆ, ಯಾವುದೇ ಸಣ್ಣ ವಿಫಲತೆ ನಮ್ಮ ಆತ್ಮವಿಶ್ವಾಸವನ್ನು ಕುಗ್ಗಿಸಬಹುದು. ಪ್ರಗತಿಯನ್ನೇ ಗುರಿಯಾಗಿ ಇಟ್ಟುಕೊಂಡರೆ, ಪ್ರತಿಯೊಂದು ಹಂತವೂ ನಿಮಗೆ ಶಕ್ತಿ ನೀಡುತ್ತದೆ.
ರಿಸ್ಕ್ ತೆಗೆದುಕೊಳ್ಳಲು ಹೆದರಬೇಡಿ
ಹೊಸ ಅವಕಾಶಗಳತ್ತ ಹೆಜ್ಜೆ ಇಡುವುದೇ ಸಫಲತೆಯ ಮೊದಲ ಹಂತ. ನಮ್ಮ ಜೀವನದಲ್ಲಿ ಯಾವುದೇ ದೊಡ್ಡ ಸಾಧನೆಗಳು ಸಣ್ಣ ರಿಸ್ಕ್ ಗಳಿಲ್ಲದೆ ಸಾಧ್ಯವಿಲ್ಲ. ಹೊಸ ಅನುಭವಗಳನ್ನು ಸ್ವೀಕರಿಸಿ, ದೃಢವಿಶ್ವಾಸದಿಂದ ಮುಂದೆ ಸಾಗಿರಿ.
ನಮ್ಮೊಳಗಿನ ಭಯವನ್ನು ನಿವಾರಿಸಿಕೊಂಡು, ನಮ್ಮ ಸಾಮರ್ಥ್ಯವನ್ನು ಅರಿತುಕೊಂಡಾಗ ಮಾತ್ರ ನಿಜವಾದ ನಿರ್ಭೀತಿಯ ಜೀವನವನ್ನು ಅನುಭವಿಸಬಹುದು. ಆದ್ದರಿಂದ, ಸೆಲ್ಫ್ ಡೌಟ್ ದೂರಮಾಡಿ, ಧೈರ್ಯದಿಂದ ಹೊಸ ಚಟುವಟಿಕೆಗಳನ್ನು ಕೈಗೊಳ್ಳಿ!
