ಜೀವನ ಯಾವತ್ತೂ ಸಮತಟ್ಟಾದ ಮೈದಾನವಲ್ಲ. ಇಲ್ಲಿ ಏಳು ಬೀಳುಗಳು ಸರ್ವೇ ಸಾಮಾನ್ಯ ಪ್ರತಿದಿನವೂ ನಾನಾ ರೀತಿಯ ಅನುಭವಗಳು ನಮ್ಮನ್ನು ರೂಪಿಸುತ್ತವೆ. ಕೆಲವರು ತಮ್ಮ ಬದುಕಿನಲ್ಲಿ ಉಸಿರು ಇರುವ ತನಕ ಹೋರಾಟದಲ್ಲೇ ತೊಡಗಿರುತ್ತಾರೆ. ಆದರೆ, ವಯಸ್ಸು ಮೂವತ್ತು ದಾಟುವ ಮೊದಲು ಕೆಲವೊಂದು ವಿಷಯಗಳು ಮನಸ್ಸಿನಲ್ಲಿ ಇದ್ದರೆ ಬದುಕು ನೆಮ್ಮದಿಯಾಗಿ ಸಾಗುವ ಸಾಧ್ಯತೆ ಹೆಚ್ಚು.
ಮೊದಲು, ಹಣವೇ ಬದುಕಲ್ಲ ಎಂಬ ಸತ್ಯವನ್ನು ಅರಿಯುವುದು ಮುಖ್ಯ. ಪದವಿ ಪಡೆದ ತಕ್ಷಣವೇ ಉದ್ಯೋಗಕ್ಕೆ ತಲೆಹಾಕಿ ಹಣ ಸಂಪಾದನೆಗಾಗಿ ದುಡಿಯುತ್ತೇವೆ. ಆದರೆ ಹಣದ ಹಿಂದೆ ಸಾಯುತ್ತಲೇ ಜೀವನದ ಮೂಲವಾದ ಪ್ರೀತಿ, ಸ್ನೇಹ, ಕುಟುಂಬ, ಬಂಧಗಳನ್ನು ಮರೆತರೆ ಅದು ಪೂರಕ ಬದುಕಲ್ಲ.
ಇನ್ನು ಆರೋಗ್ಯ ಜೀವನದ ಅಡಿಪಾಯ. ಆರೋಗ್ಯ ಉಳಿದರೆ ಜೀವನ ಉತ್ಸಾಹದಿಂದ ಸಾಗಬಹುದು. ಹೀಗಾಗಿ ಸಡಿಲವಾದ ನಿದ್ರೆ, ಬದಲಾಗದ ಆಹಾರ ವಿಧಾನವಿಲ್ಲದೆ ಸಮತೋಲನವಿರುವ ಜೀವನಶೈಲಿಗೆ ಮಹತ್ವ ಕೊಡಿ.
ಸಹಾನುಭೂತಿಯೊಂದಿಗೆ ಬದುಕು ನಡೆಸುವುದು ಕೂಡ ಮುಖ್ಯ. ಸ್ವಾರ್ಥದ ಬದಲಿಗೆ ಬೇರೆಯವರ ನೋವಿಗೆ ಸ್ಪಂದಿಸುವ ಗುಣವಿದ್ದರೆ ಮಾನವೀಯ ಸಂಬಂಧಗಳು ಗಾಢವಾಗುತ್ತವೆ.
ಸೋಲುಗಳಿಂದ ಕಲಿಯುವುದೂ ಒಂದು ಪಾಠ. ಸೋತವನೇ ಅರ್ಥಪೂರ್ಣವಾಗಿ ಗೆಲ್ಲಬಹುದು. ಗೆಲುವು ಪಡೆಯಬೇಕೆಂದರೆ ಮೊದಲಿಗೆ ಸೋಲನ್ನು ಒಪ್ಪಿಕೊಳ್ಳಬೇಕು.
ತಮ್ಮ ಅಭಿಪ್ರಾಯವನ್ನು ಧೈರ್ಯದಿಂದ ಹೇಳಿಕೊಳ್ಳುವುದು ಸಹ ಜೀವನದ ದೊಡ್ಡ ಗುಣ. ನಿರ್ಧಾರಗಳಲ್ಲಿ ಸ್ಪಷ್ಟತೆ ಬೇಕಾದರೆ ತಮ್ಮ ನಿಲುವು ಸ್ಪಷ್ಟವಾಗಿರಬೇಕು.
ಕೊನೆಗೆ, ಎಲ್ಲರನ್ನು ಮೆಚ್ಚಿಸಲು ಸಾಧ್ಯವಿಲ್ಲ ಎಂಬುದು ಕಹಿ ಸತ್ಯ. ಇದು ಅರಿತವರ ಬದುಕು ಹೆಚ್ಚು ಹಗುರವಾಗಿರುತ್ತದೆ. ಕೆಲವೊಮ್ಮೆ ನಿಮ್ಮ ನಡೆ ನುಡಿ, ಮಾತು ಹಾಗೂ ಕೆಲಸ ಸುತ್ತಮುತ್ತಲಿನವರಿಗೆ ಇಷ್ಟವಾಗದೇ ಇರಬಹುದು. ಈ ಬಗ್ಗೆ ಅವರು ಅಸಮಾಧಾನವನ್ನು ಹೊರಹಾಕಬಹುದು. ಅದರ ಬಗ್ಗೆ ತಲೆಕೆಡಿಸಿಕೊಳ್ಳುವ ಅವಶ್ಯಕೆತೆ ಇಲ್ಲ.
