ಮದುವೆಯೇ ಏಕೈಕ ವಿಧಾನವಲ್ಲ, ಸಲಿಂಗ ಜೋಡಿಯೂ ಕುಟುಂಬ ಕಟ್ಟಬಹುದು: ಮದ್ರಾಸ್ ಹೈಕೋರ್ಟ್

ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಇಬ್ಬರು ಮಹಿಳೆಯರು ಕುಟುಂಬ ಕಟ್ಟಬಹುದು ಎಂದು ಮದ್ರಾಸ್ ಹೈಕೋರ್ಟ್ ಹೇಳಿದೆ.
ಕುಟುಂಬ ಬಲವಂತವಾಗಿ ತಮ್ಮ ಜತೆ ಇಟ್ಟುಕೊಂಡ 25 ವರ್ಷದ ಮಹಿಳೆಯನ್ನು ನ್ಯಾಯಾಲಯದ ಮುಂದೆ ಹಾಜರುಪಡಿಸುವಂತೆ ಕೋರಿ ಅವರ ಸಲಿಂಗ ಸಂಗಾತಿ ಸಲ್ಲಿಸಿದ್ದ ಅರ್ಜಿಯ ವಿಚಾರಣೆ ನಡೆಸಿದ ನ್ಯಾಯಾಲಯ, ಸಲಿಂಗ ಜೋಡಿ ವಿವಾಹ ಕಾನೂನುಬದ್ಧ ಮಾಡದಿದ್ದರೂ, ಈ ಅಂಶವನ್ನು ಸುಪ್ರೀಂ ಕೋರ್ಟ್ ಸ್ಪಷ್ಟಪಡಿಸಿದೆ.
ಕುಟುಂಬದ ಬಂಧನದಲ್ಲಿರುವ ಮಹಿಳೆ ತಾನು ಸಲಿಂಗಿ ಮತ್ತು ಅರ್ಜಿದಾರರ ಜತೆ ಸಂಬಂಧದಲ್ಲಿ ಇದ್ದೇನೆ ಎಂದಿದ್ದು, ತಾನು ಅರ್ಜಿದಾರರೊಂದಿಗೆ ಹೋಗಲು ಬಯಸುವುದಾಗಿ ನ್ಯಾಯಾಲಯಕ್ಕೆ ಸ್ಪಷ್ಟಪಡಿಸಿದರು. ಇದೇ ಸಂದರ್ಭ ಕುಟುಂಬದವರು ತಮ್ಮ ಇಚ್ಛೆಗೆ ವಿರುದ್ಧವಾಗಿ ಬಂಧನದಲ್ಲಿ ಇರಿಸಿದ್ದಾರೆ ಎಂದೂ ಅವರು ಪೀಠಕ್ಕೆ ಹೇಳಿದರು.
ಇದಕ್ಕೆ ಪ್ರತಿಕ್ರಿಯಿಸಿದ ನ್ಯಾಯಪೀಠ, ಸುಪ್ರಿಯೊ ಅಲಿಯಾಸ್ ಸುಪ್ರಿಯಾ ಚಕ್ರವರ್ತಿ ವರ್ಸಸ್ ಭಾರತ ಸರ್ಕಾರ ಪ್ರಕರಣದಲ್ಲಿ ಸುಪ್ರೀಂ ಕೋರ್ಟ್ ಸಲಿಂಗ ಜೋಡಿಯ ವಿವಾಹವನ್ನು ಕಾನೂನುಬದ್ಧಗೊಳಿಸದೇ ಇದ್ದರೂ ಅವರು ಕುಟುಂಬ ಕಟ್ಟಿಕೊಳ್ಳಬಹುದು. ಮದುವೆಯೇ ಕುಟುಂಬ ಕಟ್ಟಿಕೊಳ್ಳುವ ಏಕೈಕ ವಿಧಾನವಲ್ಲ ಎಂದು ಹೇಳಿದೆ.
ಅರ್ಜಿ ಪುರಸ್ಕರಿಸಿರುವುದಾಗಿ ಹೇಳಿದ ಪೀಠ, ಅರ್ಜಿದಾರರ ಜತೆ ಸೇರಿಕೊಳ್ಳಲು ಬಯಸುವ ಮಹಿಳೆಯನ್ನು ಅವರ ಕುಟುಂಬದವರು ಬಂಧನದಲ್ಲಿ ಇರಿಸಬಾರದು ಎಂದು ಆದೇಶಿಸಿತು. ಅಲ್ಲದೆ, ಈ ಜೋಡಿಗೆ ಅಗತ್ಯವಿದ್ದಾಗ ರಕ್ಷಣೆ ನೀಡುವಂತೆ ಕೂಡಾ ಪೊಲೀಸರಿಗೆ ಸೂಚಿಸಿತು.