ಟ್ಯೂನ ಮೀನುಗಳ ಸಂರಕ್ಷಣೆ ಹಾಗೂ ಸುಸ್ಥಿರ ಮೀನುಗಾರಿಕೆ ಪದ್ಧತಿಗಳ ಅಗತ್ಯತೆ ಮತ್ತು ಸಮುದ್ರ ಪರಿಸರ ವ್ಯವಸ್ಥೆಗಳ ಮೇಲೆ ಅತಿಯಾದ ಮೀನುಗಾರಿಕೆಯ ಪ್ರಭಾವದ ಬಗ್ಗೆ ಜಾಗೃತಿ ಮೂಡಿಸಲು ಪ್ರತಿ ವರ್ಷ ಮೇ 2 ರಂದು ವಿಶ್ವ ಟ್ಯೂನ ದಿನವನ್ನು ಆಚರಿಸಲಾಗುತ್ತದೆ.
ಟ್ಯೂನ ಮೀನುಗಳ ಸಂರಕ್ಷಣೆಯನ್ನು ಉತ್ತೇಜಿಸುವ ಮತ್ತು ಭವಿಷ್ಯದ ಪೀಳಿಗೆಗಳು ಈ ಸಮುದ್ರ ಸಂಪನ್ಮೂಲದಿಂದ ಪ್ರಯೋಜನ ಪಡೆಯುವುದನ್ನು ಖಚಿತಪಡಿಸಿಕೊಳ್ಳುವ ಉದ್ದೇಶದಿಂದ, ಪೆಸಿಫಿಕ್ ದ್ವೀಪ ರಾಷ್ಟ್ರಗಳ ಪ್ರಸ್ತಾವನೆಯ ಮೇರೆಗೆ, 2016 ರಲ್ಲಿ ವಿಶ್ವಸಂಸ್ಥೆಯು ವಿಶ್ವ ಟ್ಯೂನ ದಿನವನ್ನು ಅಧಿಕೃತವಾಗಿ ಘೋಷಿಸಿತ್ತು.
ಟ್ಯೂನ ಮೀನುಗಳು ಉಷ್ಣವಲಯದ ಮತ್ತು ಸಮಶೀತೋಷ್ಣ ಸಾಗರಗಳೆರಡರಲ್ಲೂ ಕಂಡುಬರುವ ವಲಸೆ ಜಾತಿಯ ಮೀನುಗಳಾಗಿವೆ. ಅವುಗಳ ಹೆಚ್ಚಿನ ಬೇಡಿಕೆಯಿಂದಾಗಿ – ವಿಶೇಷವಾಗಿ ಸೂಶಿಗಾಗಿ( ಜಪಾನೀಸ್ ಖಾದ್ಯ) ಟ್ಯೂನ ಮೀನುಗಳು ತೀವ್ರವಾದ ವಾಣಿಜ್ಯ ಮೀನುಗಾರಿಕೆಗೆ ಒಳಗಾಗಿವೆ. ಇದು ಅಟ್ಲಾಂಟಿಕ್ ಬ್ಲೂಫಿನ್ ಸೇರಿದಂತೆ ಹಲವಾರು ಟ್ಯೂನ ಜಾತಿಗಳ ಅವನತಿಗೆ ಕಾರಣವಾಗಿದೆ.
ಶೈಕ್ಷಣಿಕ ಅಭಿಯಾನಗಳು ಮತ್ತು ಸಮುದ್ರ ಸಂರಕ್ಷಣಾ ಉಪಕ್ರಮಗಳನ್ನು ಆಯೋಜಿಸುವ ಮೂಲಕ ಈ ದಿನವನ್ನು ಆಚರಿಸಲಾಗುತ್ತದೆ. ಸರ್ಕಾರಗಳು, ಎನ್‌ಜಿಒಗಳು ಮತ್ತು ಮೀನುಗಾರಿಕಾ ಸಮುದಾಯಗಳು ಟ್ಯೂನ ಜಾತಿಗಳನ್ನು ರಕ್ಷಿಸುವ ಮತ್ತು ಸಮುದ್ರ ಜೀವವೈವಿಧ್ಯದಲ್ಲಿ ಸಮತೋಲನವನ್ನು ಕಾಪಾಡಿಕೊಳ್ಳುವ ಬಗ್ಗೆ ಜಾಗೃತಿ ಮೂಡಿಸಲು ಪ್ರಯತ್ನಿಸುತ್ತಿವೆ.
