ಸುಖ ವೃದ್ಧಾಪ್ಯ ಎಂಬ ಪದದ ಅರ್ಥ ಮೂಲಭೂತವಾಗಿ ಸಂತೋಷ, ಚಿಂತೆ/ಸಮಸ್ಯೆಗಳಿಂದ ಮುಕ್ತವಾಗಿ ಮತ್ತು ಘನತೆಯಿಂದ ಬದುಕುವುದು. ವೃದ್ಧರಿಗೆ ಸುಖ ವೃದ್ಧಾಪ್ಯಕ್ಕೆ ಪ್ರಾಥಮಿಕವಾಗಿ ಎರಡು ಪ್ರಮುಖ ಆಯಾಮಗಳಿವೆ. “ದೈಹಿಕವಾಗಿ ಚೆನ್ನಾಗಿ” ಇರುವುದು ಮತ್ತು “ಮಾನಸಿಕ ನೆಮ್ಮದಿ” ಹೊಂದಿರುವುದು. ವೃದ್ಧಾಪ್ಯದಲ್ಲಿ ಮಾನಸಿಕವಾಗಿ ನೆಮ್ಮದಿಯಾಗಿಯಲು ಕೆಲವು ಸಲಹೆಗಳು ಇಲ್ಲಿವೆ.
ದೇಹವನ್ನು ಸದೃಢವಾಗಿಟ್ಟುಕೊಳ್ಳಿ
ದುರ್ಬಲ ಮತ್ತು ಸದೃಢವಲ್ಲದ ದೇಹವು ಮಾನಸಿಕ ದೌರ್ಬಲ್ಯಕ್ಕೆ ಕಾರಣವಾಗುತ್ತದೆ. ಜನರು ದೈಹಿಕವಾಗಿ ದಣಿದಂತೆ, ಮನಸ್ಸು ಕೂಡ ದಣಿದಿರುತ್ತದೆ. ದೈನಂದಿನ ದೈಹಿಕ ವ್ಯಾಯಾಮ, ನಡಿಗೆ, ಯೋಗ ಮತ್ತು ಇತರ ವ್ಯಾಯಾಮಗಳು ದೇಹವನ್ನು ಉತ್ತಮ ಸ್ಥಿತಿಯಲ್ಲಿಡಲು ಸಹಾಯ ಮಾಡುತ್ತದೆ.
ಮನಸ್ಸನ್ನು ಕ್ರಿಯಾಶೀಲವಾಗಿಡಿ
ಮಾನಸಿಕ ಸ್ವಾಸ್ಥ್ಯದ ಕೊರತೆಗೆ ಒಂದು ಪ್ರಮುಖ ಕಾರಣವೆಂದರೆ ವೃದ್ಧರು ತಮ್ಮನ್ನು ತಾವು ನಿಷ್ಕ್ರಿಯವಾಗಿಟ್ಟುಕೊಳ್ಳುವುದು ಮತ್ತು ಆ ಮೂಲಕ ನಿಷ್ಕ್ರಿಯ ಮನಸ್ಸು ನಿರ್ಮಾಣಗೊಳ್ಳುತ್ತದೆ. ಈ ನಿಷ್ಕ್ರಿಯ ಮನಸ್ಸು ಎಲ್ಲಾ ರೀತಿಯ ನಕಾರಾತ್ಮಕ ಆಲೋಚನೆಗಳು ಮತ್ತು ಕೆಟ್ಟ ಭಾವನೆಗಳಿಗೆ ಮುಖ್ಯ ಮೂಲವಾಗಿದೆ. ಹೊಸ ಹವ್ಯಾಸಗಳು, ಸುತ್ತಾಡುವುದು, ತೋಟಗಾರಿಕೆ, ಸಂಗೀತ ಕೇಳುವುದು, ಪುಸ್ತಕಗಳನ್ನು ಓದುವುದು, ಸಮುದಾಯ ಸೇವೆ ಮಾಡುವುದು, ಮನಸ್ಸನ್ನು ಕಾರ್ಯನಿರತವಾಗಿಡಬಹುದಾದ ಕೆಲವು ಮಾರ್ಗಗಳಾಗಿವೆ.
ಸಾಮಾಜಿಕವಾಗಿ ಸಂಪರ್ಕದಲ್ಲಿರಿ
ಉತ್ತಮ ಜೀವನಕ್ಕೆ ಸಾಮಾಜಿಕ ಸಂಪರ್ಕ ಅತ್ಯಗತ್ಯ. ಅನೇಕ ಹಿರಿಯರು ತಮ್ಮ ಸ್ನೇಹಿತರು / ಹಿಂದಿನ ಸಹೋದ್ಯೋಗಿಗಳು ಸೇರಿದಂತೆ ಸಕ್ರಿಯ ಜೀವನದಿಂದ ಹಿಂದೆ ಸರಿದು ಸ್ವಯಂ ನಿರ್ಮಿತ ಏಕಾಂತದಲ್ಲಿ ಇರುವುದನ್ನು ನಾವು ಹೆಚ್ಚಾಗಿ ನೋಡುತ್ತೇವೆ. ಇದು ಆದರ್ಶ ಜೀವನ ವಿಧಾನವಲ್ಲ. ಮಾನವರು ಗುಂಪುಗಳ ಮೋಜು ಮತ್ತು ಶಕ್ತಿಯನ್ನು ಆನಂದಿಸಬೇಕು. ಹಿರಿಯ ನಾಗರಿಕ ಸಂಘಗಳು ಅಥವಾ “ವಾಕಿಂಗ್ ಕ್ಲಬ್” ನಂತಹ ಸಮಾನ ಮನಸ್ಸಿನ ಗುಂಪುಗಳ ಸಕ್ರಿಯ ಸದಸ್ಯರಾಗುವುದು “ಸಾಮೂಹಿಕ ಜೀವನ” ದ ಅತ್ಯುತ್ತಮ ಮಾರ್ಗಗಳಲ್ಲಿ ಒಂದಾಗಿದೆ.
