ಇಂದಿನ ತಾಂತ್ರಿಕತೆಯಿಂದ ಕೂಡಿದ ಜೀವನಶೈಲಿಯಲ್ಲಿ ಬಹುತೆಕ ಜನರು ತಲೆನೋವಿನ ಸಮಸ್ಯೆಗೆ ತುತ್ತಾಗುತ್ತಿದ್ದಾರೆ. ಹೆಚ್ಚು ಗಂಟೆಗಳ ಕಾಲ ಕಂಪ್ಯೂಟರ್‌ ಮುಂದೆ ಕುಳಿತುಕೊಳ್ಳುವುದು, ಒತ್ತಡದ ಪರಿಸ್ಥಿತಿ, ಹಾಗೂ ನಿದ್ರಾಭಾವ ಇವು ಮೈಗ್ರೇನ್‌ಗೆ ಕಾರಣವಾಗಬಹುದು. ತೀವ್ರವಾದ ತಲೆನೋವಿನಿಂದ ಬಳಲುವವರು ಅದನ್ನು ಸಾಮಾನ್ಯ ತಲೆನೋವಿನಂತೆ ನಿರ್ಲಕ್ಷಿಸುವ ಪ್ರಮಾದ ಮಾಡುತ್ತಾರೆ. ಆದರೆ, ಮೈಗ್ರೇನ್ ತಲೆನೋವು ಸದ್ಯದಲ್ಲಿಯೇ ಪರಿಹಾರವಾಗದಿರುವ ಸಮಸ್ಯೆಯಾಗಿ ಪರಿಣಮಿಸಬಹುದು. ಇಂತಹ ಸಂದರ್ಭಗಳಲ್ಲಿ ಈ ಸರಳ ಮನೆಮದ್ದುಗಳು ಸಹಕಾರಿಯಾಗಬಹುದು.
ಶುಂಠಿ ಚಹಾ ಉತ್ತಮ ಪರಿಹಾರ
ಮೈಗ್ರೇನ್‌ನಿಂದ ಉಂಟಾಗುವ ತೀವ್ರ ತಲೆನೋವನ್ನು ನಿವಾರಿಸಲು ಶುಂಠಿಯು ಅತ್ಯುತ್ತಮ ಆಯ್ಕೆ. ದಿನಕ್ಕೆ ಎರಡು ಬಾರಿ ಶುಂಠಿ ಚಹಾ ಸೇವಿಸಿದರೆ ತಲೆನೋವು ಮತ್ತು ವಾಕರಿಕೆ ಕಡಿಮೆಯಾಗಬಹುದು. ಶುಂಠಿಯ ತಾಜಾ ಅಥವಾ ಒಣಗಿದ ತುಂಡುಗಳನ್ನು ನೀರಲ್ಲಿ ಕುದಿಸಿ, ಬೆಲ್ಲ ಅಥವಾ ತುಪ್ಪ ಸೇರಿಸಿ ಸೇವಿಸಬಹುದು.
ದೇಹದಲ್ಲಿ ನೀರಿನ ಸಮತೋಲನ ಕಾಪಾಡಿ
ನಿರ್ಜಲೀಕರಣವು ಮೈಗ್ರೇನ್ ಗೆ ಪ್ರಮುಖ ಕಾರಣ. ದಿನದ ಪೂರ್ತಿ ಕನಿಷ್ಠ ಐದು ಲೀಟರ್ ಶುದ್ಧ ನೀರನ್ನು ಕುಡಿಯುವುದು ಅನಿವಾರ್ಯ. ನೀರಿನ ಕೊರತೆಯಿಂದ ಉಂಟಾಗುವ ತಲೆನೋವು ಹಾಗೂ ದಣಿವನ್ನು ಕಡಿಮೆ ಮಾಡಲು ಈ ಕ್ರಮ ಉಪಯುಕ್ತ.
ದಾಲ್ಚಿನ್ನಿಯ ಮ್ಯಾಜಿಕ್ ಪೇಸ್ಟ್
ದಾಲ್ಚಿನ್ನಿಯನ್ನು ನೆನೆಸಿ ಅದರಿಂದ ಪೇಸ್ಟ್ ತಯಾರಿಸಿ ಹಣೆಯ ಮೇಲೆ ಹಚ್ಚಿದರೆ, ಅರ್ಧ ಗಂಟೆಯೊಳಗೆ ತಲೆನೋವಿನಿಂದ ತಾತ್ಕಾಲಿಕ ಪರಿಹಾರ ಸಿಗಬಹುದು. ದಾಲ್ಚಿನ್ನಿಯ ಹಿಮೋಪಚಾರ ಗುಣಗಳಿಂದ ನರಮಂಡಲ ಶಮನಗೊಳ್ಳುತ್ತದೆ.
ತಣ್ಣನೆಯ ಪಟ್ಟಿಯಿಂದ ತಕ್ಷಣದ ಪರಿಹಾರ
ಹಣೆಗೆ ತಣ್ಣನೆಯ ಬಟ್ಟೆ ಅಥವಾ ಐಸ್ ಪ್ಯಾಕ್ ಇಡುವುದರಿಂದ ತೀವ್ರ ತಲೆನೋವು ಕಡಿಮೆಯಾಗುತ್ತದೆ. ಇದರಿಂದ ತಲೆಯ ನರಗಳು ತಂಪಾಗಿ, ನರಗಳ ಉರಿಯೂತ ಮತ್ತು ಒತ್ತಡ ಇಳಿಯುತ್ತದೆ.
ಇಂತಹ ಸರಳ ಮತ್ತು ನೈಸರ್ಗಿಕ ಮನೆಮದ್ದುಗಳನ್ನು ಅನುಸರಿಸಿದರೆ, ಮಾತ್ರೆಯ ಅಗತ್ಯವಿಲ್ಲದೆ, ಮೈಗ್ರೇನ್ ತಲೆನೋವನ್ನು ನಿಯಂತ್ರಣದಲ್ಲಿರಿಸಬಹುದು. ಆದರೆ ಯಾವುದೇ ತೀವ್ರ ಲಕ್ಷಣಗಳಿದ್ದರೆ ತಜ್ಞರ ಸಲಹೆ ಅಗತ್ಯ. (Disclaimer: ಈ ಲೇಖನವು ಸಾರ್ವಜನಿಕ ಮೂಲಗಳಿಂದ ಸಂಗ್ರಹಿಸಿದ ಮಾಹಿತಿಯಾಧಾರಿತವಾಗಿದೆ. ಇದು ವೈದ್ಯಕೀಯ ಸಲಹೆಯಲ್ಲ. ಹೆಚ್ಚಿನ ಸಮಸ್ಯೆಗಾಗಿ ತಜ್ಞರನ್ನು ಸಂಪರ್ಕಿಸಿ.)
