ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಕಾಂಗ್ರೆಸ್ ನೇತೃತ್ವದ ರಾಜ್ಯ ಸರ್ಕಾರದ ಪಂಚ ಗ್ಯಾರಂಟಿ ಯೋಜನೆ ಅನುಷ್ಠಾನಗೊಳಿಸಲು 60,000 ರಿಂದ 65,000 ಕೋಟಿ ರೂ. ಬೇಕು ಆದ್ದರಿಂದ ಇತರ ಯೋಜನೆಗಳಿಗೆ ಬಜೆಟ್ ಇಲ್ಲ. ನಾನು ಸದಾ ಸಿಎಂ ಜೊತೆಗಿರುವುದರಿಂದ, ಆಂತರಿಕ ವಿಚಾರಗಳು ನನಗೆ ಮಾತ್ರ ಗೊತ್ತಿದೆ ಎಂದು ಸಿಎಂ ಆರ್ಥಿಕ ಸಲಹೆಗಾರ ಬಸವರಾಜ ರಾಯರೆಡ್ಡಿ ಹೇಳಿದ್ದಾರೆ.
ಕೊಪ್ಪಳದ ಕುಕ್ಕನೂರು ತಾಲೂಕಿನ ಮಂಗಳೂರು ಗ್ರಾಮದಲ್ಲಿ ಕೆರೆ ಪುನಶ್ಚೇತನ ಯೋಜನೆಗೆ ಭೂಮಿ ಸ್ವಾಧೀನಪಡಿಸಿಕೊಳ್ಳಲು ಏರ್ಪಡಿಸಿದ್ದ ರೈತರ ಹಾಗೂ ಗ್ರಾಮಸ್ಥರ ಸಭೆಯನ್ನುದ್ದೇಶಿಸಿ ಅವರು ಮಾತನಾಡಿದರು.
ಅನುದಾನದ ಕೊರತೆಯಿಂದ ರಾಜ್ಯದ ಯಾವುದೇ ಭಾಗದಲ್ಲಿ ಅಭಿವೃದ್ಧಿ ಕಾಮಗಾರಿಗಳು ನಡೆಯುತ್ತಿಲ್ಲ. ಕೆರೆ ಪುನಶ್ಚೇತನ ಯೋಜನೆಗೆ 970 ಮಿಲಿಯನ್ ಖರ್ಚು ಮಾಡಿದ್ದೇವೆ. ಅನುದಾನ ತಂದಿದ್ದೇವೆ. ಆದರೆ ನಿರ್ಮಾಣಕ್ಕೆ ಬೇಕಾದ ಭೂಮಿ ನೀಡಲು ಯಾರೂ ಸಿದ್ಧರಿಲ್ಲ. ರಾಜ್ಯದ ಯಾವುದೇ ಕ್ಷೇತ್ರದಲ್ಲಿ ಅಭಿವೃದ್ಧಿ ಕಾರ್ಯಗಳು ನಡೆಯುತ್ತಿಲ್ಲ, ಹಲವು ಕ್ಷೇತ್ರಗಳ ಸಂಸದರು ಅಭಿವೃದ್ಧಿಗೆ ಆರ್ಥಿಕ ನೆರವು ಕೋರುತ್ತಿದ್ದಾರೆ. ಆದರೆ, ಯಾರಿಗೂ ನೆರವು ನೀಡಿಲ್ಲ ಎಂದು ಹೇಳಿದ್ದಾರೆ.
