ಹೊಸದಿಗಂತ ಡಿಜಿಟಲ್‌ ಡೆಸ್ಕ್:
ಆನ್‌ಲೈನ್ ಅಪ್ಲಿಕೇಶನ್ ಮಹಾದೇವ್ ಮೂಲಕ ಆನ್‌ಲೈನ್ ಬೆಟ್ಟಿಂಗ್‌ನಲ್ಲಿ ತೊಡಗಿಸಿಕೊಳ್ಳಲು ರಾಜ್ಯದಲ್ಲಿ ಬೆಟ್ಟಿಂಗ್‌ ಕೇಂದ್ರಗಳನ್ನು ನಡೆಸುತ್ತಿದ್ದಾರೆ ಎಂಬ ಆರೋಪದ ಮೇಲೆ ಛತ್ತೀಸ್‌ಗಢ ಪೊಲೀಸರು ಕಳೆದ ಒಂದು ತಿಂಗಳಿನಿಂದ 250 ಕ್ಕೂ ಹೆಚ್ಚು ಜನರನ್ನು ಬಂಧಿಸಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ ಎಂದು ಮೂಲಗಳು ವರದಿ ಮಾಡಿವೆ.
ಲಭ್ಯವಿರೋ ಮಾಹಿತಿಯ ಪ್ರಕಾರ ದುಬೈನಿಂದ ಕಾರ್ಯನಿರ್ವಹಿಸುವ ಜನರ ಗುಂಪು ಆನ್‌ಲೈನ್ ಅಪ್ಲಿಕೇಶನ್ ಅನ್ನು ಪ್ರಾರಂಭಿಸಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. ತನ್ನ ಆಪ್ಲಿಕೇಷನ್‌ ಡೌನ್‌ಲೋಡ್ ಮಾಡಲು ಮತ್ತು ಬೆಟ್ಟಿಂಗ್‌ ಇರಿಸಲು ಜನರನ್ನು ಆಕರ್ಷಿಸಲು ಬೇರೇ ಬೇರೆ ಕಡೆಗಳಲ್ಲಿ ಬೆಟ್ಟಿಂಗ್‌ ಕೇಂದ್ರಗಳನ್ನು ತೆರೆಯಲಾಗಿದ್ದು ಆ ಪೈಕಿ ಛತ್ತೀಸ್‌ಗಢ ರಾಜ್ಯವೂ ಸೇರಿದೆ ಎನ್ನಲಾಗಿದೆ.
“ಅವರು ಸುಮಾರು 30 ಕೇಂದ್ರಗಳನ್ನು ತೆರೆದಿದ್ದಾರೆ ಮತ್ತು ಈ ಪ್ರತಿಯೊಂದು ಕೇಂದ್ರದಿಂದ 200 ಕೋಟಿ ರೂ.ಗೂ ಹೆಚ್ಚು ವಹಿವಾಟು ನಡೆಯುತ್ತದೆ” ಎಂದು ಪೊಲೀಸ್ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ, ಇದುವರೆಗೆ 25 ಪ್ರಕರಣಗಳಲ್ಲಿ 258 ಜನರನ್ನು ಬಂಧಿಸಲಾಗಿದೆ. ಅಪ್ಲಿಕೇಶನ್ ಸುಮಾರು ನಾಲ್ಕು ಮಿಲಿಯನ್ ಡೌನ್‌ಲೋಡ್‌ಗಳನ್ನು ಹೊಂದಿದೆ ಮತ್ತು ಹೆಚ್ಚಿನ ಬೆಟ್ಟಿಂಗ್‌ ಗಳು 1,000 ರುಪಾಯಿಯಿಂದ 5,000 ರೂ. ವ್ಯಾಪ್ತಿಯಲ್ಲಿವೆ ಎಂದು ಪೋಲೀಸರು ತಿಳಿಸಿದ್ದಾರೆ.
ಮೂರು ಜಿಲ್ಲೆಗಳಾದ ರಾಯ್‌ಪುರ, ಭಿಲಾಯಿ ಮತ್ತು ಬಿಲಾಸ್‌ಪುರದ ಪೊಲೀಸ್ ತಂಡಗಳು ಆನ್‌ಲೈನ್ ಅಪ್ಲಿಕೇಶನ್‌ಗೆ ಸಂಬಂಧಿಸಿದ ಪ್ರಕರಣಗಳ ತನಿಖೆ ನಡೆಸುತ್ತಿವೆ.
