ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಭಾರತದ ಸಣ್ಣ ಕೈಗಾರಿಕಾ ಅಭಿವೃದ್ಧಿ ಭ್ಯಾಂಕ್‌ (ಸಿಡ್ಬಿ) ತನ್ನ ಜನೆವರಿ- ಮಾರ್ಚ್ ತ್ರೈಮಾಸಿಕದ ಎಮ್‌ಎಸ್‌ಎಮ್‌ಇ ಔಟ್ಲುಕ್ ಸರ್ವೆಯ ಎರಡನೇ ಆವೃತ್ತಿಯನ್ನು ಬಿಡುಗಡೆ ಮಾಡಿದೆ. ಸರ್ವೆಯಲ್ಲಿನ ಹಲವು ವಿಚಾರಗಳು ಎಮ್‌ಎಸ್‌ಎಮ್‌ಇಗಳ ಸುಧಾರಿತ ವ್ಯಾಪಾರ ಪರಿಸ್ಥಿತಿ ಹಾಗೂ ಭವಿಷ್ಯದ ಅಭಿವೃದ್ಧಿ ಹಾದಿಯ ಕುರಿತು ಸಕಾರಾತ್ಮಕ ಅಂಶಗಳನ್ನು ಸೂಚಿಸಿದೆ.
ಈ ಸಮೀಕ್ಷೆಯು ವ್ಯವಹಾರ ಪರಿಸ್ಥಿತಿ ಸೂಚ್ಯಂಕ ( ಎಮ್‌-ಬಿಸಿಐ) ಹಾಗೂ ವ್ಯವಹಾಋ ನಿರೀಕ್ಷೆಗಳ ಸೂಚ್ಯಂಕ ( ಎಮ್‌-ಬಿಇಐ) ಎಂಬ ಎರಡು ಸೂಚ್ಯಂಕಗಳ ಮೂಲಕ ಎಮ್‌ಎಸ್‌ಎಮ್‌ಇ ಕಾರ್ಯವೈಖರಿ ಕುರಿತು ಅಮೂಲ್ಯವಾದ ಒಳನೋಟವನ್ನು ನೀಡುತ್ತದೆ. ಇದು ಪಾಲಿಸಿ ರಚನಾಕಾರರಿಗೆ ಹಾಗೂ ಹೂಡಿಕೆದಾರರಿಗೆ ಕೈಗಾರಿಕಾ ವ್ಯವಹಾರ ಪರಿಸರ ಹಾಗೂ ಎಮ್‌ಎಸ್‌ಎಮ್‌ಇ ಕ್ಷೇತ್ರದ ನಿರೀಕ್ಷೆಗಳನ್ನು ಅರಿಯಲು ನೆರವಾಗುತ್ತದೆ. ದೇಶದಾದ್ಯಂತ ನಡೆಯುವ ಈ ಸರ್ವೆಯಲ್ಲಿ 1200 ಎಮ್‌ಎಸ್‌ಎಮ್‌ಇ ಸಂಸ್ಥೆಗಳು ಭಾಗವಹಿಸಿವೆ.
ಸಂಯೋಜಿತ ಎಮ್‌-ಬಿಸಿಐ ಸೂಚ್ಯಂಕವು ಕ್ಯೂ4, 2025ರ ಆವೃತ್ತಿಯಲ್ಲಿ 60.82 ರಷ್ಟಿದ್ದು , ಕಳೆದ ತ್ರೈಮಾಸಿಕದಲ್ಲಿ 58.30 ರಷ್ಟಿತ್ತು. ಈ ಸೂಚ್ಯಂಕದಲ್ಲಿನ ಏರಿಕೆ ಉತ್ಪಾದನೆ, ಸೇವೆ, ಹಾಗೂ ವ್ಯಾಪಾರ ಕ್ಷೇತ್ರದಲ್ಲಿನ ಸುಸ್ಥಿರ ಆರೋಗ್ಯಕ ವ್ಯಾಪಾರ ವಲಯವನ್ನು ಸೂಚಿಸುತ್ತದೆ. ಇನ್ನು ಎಮ್‌-ಬಿಇಐ 54ರಷ್ಟು ಸ್ಥಿರತೆಯನ್ನು ಕಾಯ್ದುಕೊಳ್ಳುವ ಮೂಲಕ ಮುಂದಿನ 4 ತ್ರೈಮಾಸಿಕದಲ್ಲೂ ಸಕಾರಾತ್ಮಕ ಭರವಸೆಯನ್ನು ಉಳಿಸಿಕೊಂಡಿದೆ. ಜಾಗತಿಕ ಆರ್ಥಿಕ ಪರಿಸ್ಥಿತಿಯಲ್ಲಿ ಅನಿಶ್ಚಿತತೆ, ಹೆಚ್ಚುತ್ತಿರುವ ಟ್ಯಾರಿಫ್‌ ಸುಂಕದ ಹೊರತಾಗಿಯೂ ಎಮ್‌ಎಸ್‌ಎಮ್‌ಇ ಕ್ಷೇತ್ರ ಭವಿಷ್ಯದ ಕಾರ್ಯಕ್ಷಮತೆಯಲ್ಲಿ ಭರವಸೆಯನ್ನು ತೋರ್ಪಡಿಸಿದೆ.
ಮಾರಾಟ ಪ್ರಮಾಣ ಹೆಚ್ಚಳ
ಎಮ್‌ಎಸ್‌ಎಮ್‌ಇ ಕ್ಷೇತ್ರ ಬಲಿಷ್ಠ ಆರ್ಡರ್‍ ಬುಕ್, ಉತ್ಪಾದನೆಯಲ್ಲಿ ಹೆಚ್ಚಳ , ಹೆಚ್ಚಿದ ಮಾರಾಟ ಬೆಲೆ ಮೂಲಕ ಮಾರಾಟದಲ್ಲಿ ವೃದ್ಧಿ ದಾಖಲಿಸಿದ್ದು , ಇನ್‌ಪುಟ್‌ ಹಾಗೂ ಸಂಬಳ ವೆಚ್ಚದಲ್ಲಿ ಗಮನಾರ್ಹ ಏರಿಕೆಯ ಹೊರತಾಗಿಯೂ ಕ್ಯೂ 4, 2025ರಲ್ಲಿ ಲಾಭದಾಯಕತೆಯನ್ನು ಕಾಯ್ದುಕೊಳ್ಳುವ , ಸುಧಾರಿತ ಲಾಭವನ್ನು ನಿರೀಕ್ಷಿಸಲಾಗಿದೆ. ಉದ್ಯೋಗ ಸೃಷ್ಠಿ ಕೂಡ ಆದ್ಯತೆಯಾಗಿ ಮುಂದುವರೆದಿದ್ದು, ಸಮೀಕ್ಷೆಯಲ್ಲಿ ಭಾಗವಹಿಸಿದ ಉತ್ಪಾದನಾ ಹಾಗೂ ಸೇವಾ ವಲಯದ ಬಹುತೇಕ ಕೈಗಾರಿಗಳು ಪ್ರಸ್ತುತ ತ್ರೈಮಾಸಿಕದಲ್ಲಿ ಉದ್ಯೋಗಿಗಳ ಹೆಚ್ಚಳವನ್ನು ವರದಿ ಮಾಡಿವೆ.ಶೇ. 40ರಷ್ಟು ಉತ್ಪಾದನಾ ಹಾಗೂ ಶೇ. 37ರಷ್ಟು ಸೇವಾ ಸಂಸ್ಥೆಗಳು ಹಣಕಾಸು ವರ್ಷ 2026ರ ನಾಲ್ಕನೇ ತ್ರೈಮಾಸಿಕದಲ್ಲಿ ಉದ್ಯೋಗ ಹೆಚ್ಚಳ ವಿಚಾರದಲ್ಲಿ ಸಕಾರಾತ್ಮಕವಾಗಿವೆ. ಇದರ ಜೊತೆಗೆ ಕೌಶಲ್ಯಯುತ ನೌಕರರ ಲಭ್ಯತೆಯಲ್ಲಿ ಕೊರತೆ ಮುಂದುವರೆದಿದ್ದು ಬಹುತೇಕ ಸಂಸ್ಥೆಗಳು ಈ ವಿಚಾರವನ್ನು ಪ್ರಸ್ತಾಪಿಸಿದ್ದಾರೆ.
ಸಾಮರ್ಥ್ಯ ಹೆಚ್ಚಳ
ಬಂಡವಾಳ ವೆಚ್ಚದ ಉದ್ದೇಶಗಳು ಮತ್ತೊಂದು ಪ್ರೋತ್ಸಾಹದಾಯಕ ಪ್ರವೃತ್ತಿಯನ್ನು ಪ್ರಸ್ತುತಪಡಿಸುತ್ತವೆ, 37% ಎಮ್‌ಎಸ್‌ಎಂಇ ಪ್ರಸ್ತುತ ಅವಧಿಯಲ್ಲಿ ಸಾಮರ್ಥ್ಯ ವಿಸ್ತರಣೆಯನ್ನು ವರದಿ ಮಾಡುತ್ತಿವೆ ಮತ್ತು ಇದೇ ರೀತಿಯ ಅನುಪಾತವು ಮುಂಬರುವ ವರ್ಷದಲ್ಲಿ ಹೆಚ್ಚುವರಿ ಹೂಡಿಕೆಗಳನ್ನು ಯೋಜಿಸುತ್ತಿವೆ. ಈ ಹೂಡಿಕೆ ವಿಶ್ವಾಸವು ಸುಸ್ಥಿರತೆಗೆ ಹೆಚ್ಚುತ್ತಿರುವ ಬದ್ಧತೆಯಿಂದ ಪೂರಕವಾಗಿದೆ, ಏಕೆಂದರೆ ಉತ್ಪಾದನೆ ಮತ್ತು ಸೇವಾ ವಲಯಗಳಲ್ಲಿ ಸುಮಾರು 40% ರಷ್ಟು MSMEಗಳು ಸೌರ ಫಲಕ ಅಳವಡಿಕೆ, ಇ-ವಾಹನಗಳ ಅಳವಡಿಕೆ ಮತ್ತು ಇತರ ಪರಿಸರ ಸ್ನೇಹಿ ತಂತ್ರಜ್ಞಾನಗಳಂತಹ ಉಪಕ್ರಮಗಳನ್ನು ದೃಢಪಡಿಸಿವೆ. ಹೋಲಿಸಬಹುದಾದ ಸಂಖ್ಯೆಯ ಜನರು ಹಸಿರು ಮತ್ತು ಸುಸ್ಥಿರ ಅಭ್ಯಾಸಗಳಲ್ಲಿ ಮತ್ತಷ್ಟು ಹೂಡಿಕೆ ಮಾಡಲು ಯೋಜಿಸುತ್ತಿದ್ದಾರೆ.
“ಹಣಕಾಸು ಮತ್ತು ಅಭಿವೃದ್ಧಿ ಉಪಕ್ರಮಗಳ ಮೂಲಕ ಭಾರತೀಯ ಎಮ್‌ಎಸ್‌ಎಂಇ ವಲಯದ ದೃಢವಾದ ಬೆಳವಣಿಗೆಯಲ್ಲಿ ಸಿಡ್ಬಿ ಯಾವಾಗಲೂ ಮಹತ್ವದ ಪಾತ್ರ ವಹಿಸಿದೆ. ತ್ರೈಮಾಸಿಕ ಔಟ್ಲುಕ್ ಸಮೀಕ್ಷೆಯು ಎಮ್‌ಎಸ್‌ಎಂಇ ಗಳನ್ನು ಉತ್ತಮ ರೀತಿಯಲ್ಲಿ ಅರ್ಥಮಾಡಿಕೊಳ್ಳಲು’ ಮತ್ತೊಂದು ಉಪಕ್ರಮವಾಗಿದೆ. ಅಭೂತಪೂರ್ವ ಸುಂಕದ ಅಡೆತಡೆಗಳಿಂದ ಉಂಟಾದ ಹೆಚ್ಚಿದ ಜಾಗತಿಕ ಅನಿಶ್ಚಿತತೆಯ ಸಮಯದಲ್ಲಿ, ಎಮ್‌ಎಸ್‌ಎಂಇ ಗಳು ಗಮನಾರ್ಹ ಸ್ಥಿತಿಸ್ಥಾಪಕತ್ವ ಮತ್ತು ಬೆಳವಣಿಗೆಯ ಪರ ಭಾವನೆಗಳನ್ನು ತೋರಿಸಿವೆ. CAPEX, ಉದ್ಯೋಗ ಮತ್ತು ಸುಸ್ಥಿರ ಮತ್ತು ಹಸಿರು ತಂತ್ರಜ್ಞಾನಗಳ ಅಳವಡಿಕೆಗಾಗಿ ಅವರ ಯೋಜನೆಗಳು ನಮ್ಮ ಆರ್ಥಿಕತೆಗೆ ಶುಭ ಸೂಚನೆಯಾಗಿದೆ. ಎಲ್ಲಾ ಪಾಲುದಾರರಿಂದ ಅಗತ್ಯ ಬೆಂಬಲದೊಂದಿಗೆ, ಮೋಡ ಕವಿದ ಬಾಹ್ಯ ಪರಿಸರದ ನಡುವೆಯೂ ಭಾರತೀಯ MSME ಗಳು ತಮ್ಮ ಬೆಳವಣಿಗೆಯ ಹಾದಿಯಲ್ಲಿ ಸ್ಥಿರವಾಗಿರುತ್ತವೆ ಎಂದು ನಾನು ನಂಬುತ್ತೇನೆ.” ಎಂದು ಸಿಡ್ಬಿ ಚೇರ್‍‌ಮನ್ ಮತ್ತು ಮ್ಯಾನೇಜಿಂಗ್‌ ಡೈರೆಕ್ಟರ್‍ ಮನೋಜ್‌ ಮಿತ್ತಲ್‌ ತಿಳಿಸಿದ್ದಾರೆ.
