ಹೊಸದಿಗಂತ ಡಿಜಿಟಲ್ ಡೆಸ್ಕ್:
ದೇಶಾದ್ಯಂತ ಪೊಂಗಲ್, ಶಬರಿಮಲೆ ಮತ್ತು ಮಕರವಿಳಕ್ಕು ಪೂಜೆಗಳಿಗಾಗಿ ಸಾಮಾನ್ಯ ರೈಲುಗಳು ಬಹುತೇಕ ಬುಕ್ ಆಗಿರುವುದರಿಂದ, ಪ್ರಯಾಣಿಕರ ಸುಗಮ ಪ್ರಯಾಣಕ್ಕಾಗಿ ಭಾರತೀಯ ರೈಲ್ವೆ 374ಕ್ಕೂ ಹೆಚ್ಚು ವಿಶೇಷ ರೈಲು ಟ್ರಿಪ್ಗಳನ್ನು ಪ್ರಕಟಿಸಿದೆ.
ಹೆಚ್ಚುವರಿ ಸೇವೆಗಳಿಂದಾಗಿ ಪ್ರಯಾಣಿಕರಿಗೆ ರೈಲುಗಳ ಲಭ್ಯತೆಯನ್ನು ಸುಧಾರಿಸುವುದು, ಭಕ್ತರು ಮತ್ತು ರಜೆ ಪಡೆದು ಊರಿನತ್ತ ಪ್ರಯಾಣಿಸುವ ಜನರು ಪ್ರಮುಖ ಸ್ಥಳಗಳನ್ನು ತಲುಪುವ ಬಗ್ಗೆ ಖಚಿತಪಡಿಸಿಕೊಳ್ಳುವ ಉದ್ದೇಶವನ್ನು ಇದು ಹೊಂದಿವೆ.
ಪೊಂಗಲ್, ಶಬರಿಮಲೆ, ಮಂಡಲ ಪೂಜಾ ಋತುವಿನಲ್ಲಿ ಪ್ರಯಾಣಿಕರು ಮತ್ತು ಯಾತ್ರಾರ್ಥಿಗಳ ಹೆಚ್ಚುವರಿ ದಟ್ಟಣೆ ನಿವಾರಿಸಲು ಈ ವಿಶೇಷ ಟ್ರಿಪ್ಗಳು ನೆರವಾಗಲಿವೆ. ತಮಿಳುನಾಡು, ಕೇರಳ ಮತ್ತು ನೆರೆಯ ರಾಜ್ಯಗಳಾದ್ಯಂತ ಪ್ರಮುಖ ತಾಣಗಳನ್ನು ಸಂಪರ್ಕಿಸುವ 69 ವಿಶೇಷ ರೈಲುಗಳನ್ನು ಓಡಿಸುವ ಮೂಲಕ ರೈಲ್ವೆ ವಿಸ್ತೃತ ವ್ಯವಸ್ಥೆಗಳನ್ನು ಮಾಡಿದೆ.
ಕಳೆದ ಎರಡು ತಿಂಗಳಲ್ಲಿ ತಮ್ಮ ಊರುಗಳಿಗೆ ಪ್ರಯಾಣಿಸುವ ಪ್ರಯಾಣಿಕರ ಅನುಕೂಲಕ್ಕಾಗಿ 69 ವಿಶೇಷ ರೈಲುಗಳ ಒಟ್ಟು 374 ಟ್ರಿಪ್ಗಳನ್ನು ರೈಲ್ವೆ ಇಲಾಖೆ ಪ್ರಕಟಿಸಿದೆ. ಹಬ್ಬದ ಬೇಡಿಕೆಯ ಸಮಯದಲ್ಲಿ ತಮ್ಮ ಊರುಗಳಿಗೆ ಮರಳುವ ಪ್ರಯಾಣಿಕರಿಗೆ ಸುಗಮ, ಸುರಕ್ಷಿತ ಮತ್ತು ಆರಾಮದಾಯಕ ಪ್ರಯಾಣವನ್ನು ಸುಗಮಗೊಳಿಸಲು ಮತ್ತು ತೊಂದರೆಯಿಲ್ಲದ ಪ್ರಯಾಣವನ್ನು ಖಚಿತಪಡಿಸಿಕೊಳ್ಳಲು ಈ ವಿಶೇಷ ರೈಲು ಸೇವೆಗಳನ್ನು ಯೋಜಿಸಲಾಗಿದೆ.
