ಆಯ್ಕೆಯ ಆಹಾರ (picky eaters ) ಸೇವಿಸುವ ಮಕ್ಕಳೊಂದಿಗೆ ವ್ಯವಹರಿಸುವುದು ಪೋಷಕರಿಗೆ ನಿಜವಾದ ಸವಾಲಾಗಿರಬಹುದು. ಊಟವನ್ನು ಆನಂದದಾಯಕವಾಗಿಸುವುದು ಮತ್ತು ಸರಿಯಾದ ಪೋಷಣೆ ಸಿಗುತ್ತಿದೆಯೇ ಎಂದು ಖಚಿತಪಡಿಸಿಕೊಳ್ಳುವುದರ ನಡುವೆ ಸರಿಯಾದ ಸಮತೋಲನವನ್ನು ಕಾಯ್ದುಕೊಳ್ಳುವುದು ಪೋಷಕರಿಗೆ ದೈನಂದಿನ ಟಾಸ್ಕ್ ನಂತೆ ಅನುಭವವಾಗುತ್ತದೆ.
picky eater ಮಕ್ಕಳಿಗೆ ಆಹಾರದಲ್ಲಿ ಪೌಷ್ಟಿಕಾಂಶವನ್ನು ಸೇರಿಸಲು ಮತ್ತು ಎಲ್ಲ ಆಹಾರಗಳನ್ನು ಸೇವಿಸುವಂತೆ ಮಾಡುವ ಕೆಲವು ಸಲಹೆಗಳು ಇಲ್ಲಿವೆ:
ಆಹಾರವನ್ನು ಆಕರ್ಷಕವಾಗಿ ಕಾಣುವಂತೆ ಮಾಡಿ
ಆಹಾರವನ್ನು ಚೆನ್ನಾಗಿ ಕಾಣುವಂತೆ ಮಾಡುವ ಮೂಲಕ ಅವರನ್ನು ಆರೋಗ್ಯಕರ ಆಹಾರದತ್ತ ಆಕರ್ಷಿಸಿ. ವಿವಿಧ ಬಣ್ಣಗಳು ಮತ್ತು ಪ್ರಭೇದಗಳ ಆಹಾರವನ್ನು ಅವರಿಗೆ ನೀಡಿ, ಅವರ ಗಮನ ಸೆಳೆಯಲು ಸೃಜನಾತ್ಮಕವಾಗಿ ತಟ್ಟೆಯಲ್ಲಿ ಇರಿಸಿ.
ಅವರಿಗೆ ಫಿಂಗರ್ ಫುಡ್‌ಗಳನ್ನು ನೀಡಿ
ಚಿಕ್ಕ ಮಕ್ಕಳು ಫಿಂಗರ್ ಫುಡ್‌ಗಳನ್ನು ಆರಿಸಿಕೊಂಡು ತಿನ್ನಲು ಸುಲಭವಾಗಿರುವುದರಿಂದ ಅವುಗಳನ್ನು ಬಯಸುತ್ತಾರೆ. ಹಲವು ಬಗೆಯ ಖಾದ್ಯ ಗಳಿಂದ ಮಕ್ಕಳ ತಟ್ಟೆಗಳನ್ನು ಓವರ್‌ಲೋಡ್ ಮಾಡುವ ಬದಲು, ಆರೋಗ್ಯಕರ ಆಹಾರ ಪದಾರ್ಥಗಳನ್ನು ತಿಂಡಿ ಅಥವಾ ಫಿಂಗರ್ ಫುಡ್‌ಗಳಾಗಿ ಪರಿವರ್ತಿಸಿ.
ವಿಭಿನ್ನ ಅಡುಗೆ ವಿಧಾನಗಳನ್ನು ಪ್ರಯತ್ನಿಸಿ
ಅಡುಗೆಗೆ ವೈವಿಧ್ಯಮಯ ವಿನ್ಯಾಸ ನೀಡಲು ಬೇಯಿಸುವುದು, ಗ್ರಿಲ್ಲಿಂಗ್ ಮಾಡುವುದು, ಅಥವಾ ಸ್ಟೀಮಿಂಗ್‌ನಂತಹ ವಿಭಿನ್ನ ಅಡುಗೆ ವಿಧಾನಗಳನ್ನು ಪ್ರಯೋಗಿಸಿ.
ಇಷ್ಟಪಡದ ಆಹಾರಗಳನ್ನು ನೆಚ್ಚಿನ ಆಹಾರಗಳೊಂದಿಗೆ ಜೋಡಿಸಿ
ಕಡಿಮೆ ಆದ್ಯತೆಯ ಆಹಾರಗಳನ್ನು ಅವರ ನೆಚ್ಚಿನ ಆಹಾರಗಳೊಂದಿಗೆ ಬೆರೆಸುವುದು ಒಂದು ಮಾರ್ಗವಾಗಿದೆ. ಬೀಜಗಳು ಮತ್ತು ಹಣ್ಣುಗಳನ್ನು ಅವರ ನೆಚ್ಚಿನ ಚಾಕೊಲೇಟ್ ಮಿಲ್ಕ್‌ಶೇಕ್‌ಗೆ ಮಿಶ್ರಣ ಮಾಡಿ ಅಥವಾ ಪ್ಯೂರಿ ಮಾಡಿದ ತರಕಾರಿಗಳನ್ನು ಬಳಸಿ.
ಜಂಕ್ ಫುಡ್‌ಗಳನ್ನು ತಪ್ಪಿಸಿ
ಆರೋಗ್ಯಕರ ಆಹಾರವನ್ನು ಸೇವಿಸುವುದಕ್ಕೆ ಆಹಾರವನ್ನು ಬಹುಮಾನವಾಗಿ ಅಥವಾ ಲಂಚವಾಗಿ ಬಳಸುವುದು ಮುಂದೆ ಕೆಟ್ಟ ಆಹಾರ ಪದ್ಧತಿಗೆ ಕಾರಣವಾಗಬಹುದು. ಐಸ್ ಕ್ರೀಮ್ ಅಥವಾ ಚಾಕೊಲೇಟ್ ಅನ್ನು ಬಹುಮಾನವಾಗಿ ನೀಡುವುದರಿಂದ ಈ ಆಹಾರಗಳ ಮಹತ್ವ ಹೆಚ್ಚಾಗುತ್ತದೆ. ಬದಲಾಗಿ, ಮಕ್ಕಳಿಗೆ ಕೆಲವು ಹೆಚ್ಚುವರಿ ಆಟದ ಸಮಯವನ್ನು ನೀಡಿ ಅಥವಾ ಆರೋಗ್ಯಕರ ಆಹಾರವನ್ನು ಸೇವಿಸುವುದಕ್ಕೆ ಬದಲಾಗಿ ಅವರನ್ನು ಉದ್ಯಾನವನಕ್ಕೆ ಕರೆದೊಯ್ಯಿರಿ.
