ಮಕ್ಕಳು ಬೆಳೆದಂತೆ ಅವರು ತಾವು ನೋಡಿದ, ಅನುಭವಿಸಿದ ಮತ್ತು ಕಲಿತ ಹಲವು ನಡವಳಿಕೆಗಳನ್ನು ತಮ್ಮ ವರ್ತನೆಯ ಭಾಗವನ್ನಾಗಿ ಮಾಡಿಕೊಂಡು ಬೆಳೆಯುತ್ತಾರೆ. ಕೆಲವೊಮ್ಮೆ ಅವರ ಈ ವರ್ತನೆಗಳಲ್ಲಿ ಹೊಡೆಯುವುದು ಅಥವಾ ಕೋಪದಲ್ಲಿದ್ದು ಕೈ ಮಾಡುವುದು, ಕಚ್ಚುವುದು ಸೇರಿರಬಹುದು. ಇದು ಮಕ್ಕಳಿಗೆ ಸಹಜವಾಗಿ ಕಂಡುಬರುವ ಒಂದು ಹಂತವಾದರೂ, ಸಮಯಕ್ಕೆ ತಕ್ಕಂತೆ ತಿದ್ದದೇ ಹೋಗಿದರೆ, ಮುಂದೆ ದುಷ್ಟಸ್ವಭಾವವಾಗಿ ಬೆಳೆದೀತು. ಹೀಗಾಗಿ, ಪೋಷಕರು ತಾಳ್ಮೆಯಿಂದ ಹಾಗೂ ಸಮರ್ಥ ರೀತಿಯಲ್ಲಿ ಈ ಪರಿಸ್ಥಿತಿಗೆ ಸ್ಪಂದಿಸಬೇಕು.
ತಾಳ್ಮೆಯಿಂದ ‘ಅದು ತಪ್ಪು’ ಎಂದು ತಿಳಿಸಿ
ಮಕ್ಕಳು ಯಾರನ್ನಾದರೂ ಹೊಡೆದಾಗ ತಕ್ಷಣವೇ ಗದರುವುದು ಅಥವಾ ಅವರ ಮೇಲೆ ಕೂಗಾಡುವುದು ಸರಿಯಲ್ಲ. ಬದಲಿಗೆ, ಮಕ್ಕಳನ್ನು ಪ್ರೀತಿಯಿಂದ ಪಕ್ಕ ಕೂರಿಸಿಕೊಂಡು, ಅವರು ಮಾಡಿದ ಕ್ರಿಯೆಯಿಂದ ಇತರರಿಗೆ ನೋವಾಗುತ್ತದೆ ಎಂಬುದನ್ನು ಬುದ್ಧಿವಂತಿಕೆಯಿಂದ ಹೇಳಬೇಕು. ಉದಾಹರಣೆಗೆ:
“ನೀನು ಕೋಪಗೊಂಡಿದ್ದು ಒಳ್ಳೆಯದಲ್ಲ, ಆದರೆ ನಾವು ಯಾರನ್ನೂ ಹೊಡೆಯಬಾರದು. ಅವರಿಗೆ ನೋವಾಗುತ್ತದೆ, ಅವರು ದುಃಖಪಡುತ್ತಾರೆ.”
ಅದರೊಂದಿಗೆ, ಕಥೆಗಳ ಮೂಲಕ ಅಥವಾ ಆಟದ ಮಾದರಿಯಲ್ಲಿ ಸಹ ಈ ತತ್ವವನ್ನು ಮಕ್ಕಳಿಗೆ ಅರ್ಥವಾಗುವಂತೆ ಬೋಧಿಸಬಹುದು.
ಅವರ ಕೋಪಕ್ಕೆ ಕಾರಣವೇನು ಎಂದು ತಿಳಿದುಕೊಳ್ಳಿ
ಮಕ್ಕಳು ಕೋಪಗೊಳ್ಳೋದು, ಹಸಿವಾಗಿರೋದರಿಂದ, ಆಟದಲ್ಲಿ ಸೋತಾಗ ಅಥವಾ ತೊಂದರೆ ಆಗುವ ಸಂದರ್ಭಗಳಲ್ಲಿ ಹೊಡೆಯೋ ಆಸಕ್ತಿ ತೋರಿಸಬಹುದು. ಪೋಷಕರಾಗಿ ನೀವು ಮಕ್ಕಳ ನಡವಳಿಕೆಯನ್ನು ಗಮನಿಸಿ – ಯಾವ ಸಂದರ್ಭಗಳಲ್ಲಿ ಅವರು ಅಸಹನೆಯ ನಡವಳಿಕೆ ತೋರಿಸುತ್ತಾರೋ, ಅದನ್ನು ಪರಿಹರಿಸುವ ದಿಕ್ಕಿನಲ್ಲಿ ಕ್ರಮವನ್ನ ತೆಗೆದುಕೊಳ್ಳಬೇಕು.
ಪ್ರೀತಿಯ ಮೂಲಕ ಬುದ್ಧಿ ಹೇಳಿ, ಬಾಯಿಬಿಟ್ಟು ಬೈಬೇಡಿ
ಬಹುಪಾಲು ಪೋಷಕರು ಒತ್ತಡದಲ್ಲಿರಬಹುದು. ಆದರೆ ಮಕ್ಕಳಿಗೆ ಪ್ರೀತಿ ತುಂಬಿದ ಮಾತುಗಳು, ಗದರಿಕೆಯಿಂದ ಹೇಳುವ ಮಾತಿಗಿಂತ ಹೆಚ್ಚು ಪರಿಣಾಮಕಾರಿಯಾಗಿ ಕಾರ್ಯನಿರ್ವಹಿಸುತ್ತವೆ. ಅವರು ಯಾರನ್ನಾದರೂ ಹೊಡೆದಾಗ:
“ನೀನು ಹೀಗೆ ಮಾಡಿದ್ರೆ ಅವನಿಗೆ ನೋವಾಗುತ್ತದೆ. ಅವನು ಅಳ್ತಾನೆ. ನಾವು ಯಾರಿಗೂ ನೋವನ್ನ ಕೊಡೋದು ಸರಿಯಲ್ಲ, ಬದಲಿಗೆ ಮಾತಾಡೋದು ಒಳ್ಳೆಯದು.”
ಎಂದು ಮೌಖಿಕವಾಗಿ ವಿವರಿಸಿ. ಮಕ್ಕಳಿಗೆ ಹೃದಯತಾಳದಿಂದ ಮಾತನಾಡಿದರೆ ಅವರು ಸುಲಭವಾಗಿ ಒಪ್ಪಿಕೊಳ್ಳುತ್ತಾರೆ.
ಅನುಮಾನ ಅಥವಾ ಕೋಪ ಬಂದಾಗ ಮಾತನಾಡಲು ಪ್ರೇರೇಪಿಸಿ
ಮಕ್ಕಳಿಗೆ ಕೋಪ ಬಂದಾಗ ಅಥವಾ ಏನಾದರೂ ತೊಂದರೆ ಆದಾಗ, ಅವರು ನೇರವಾಗಿ ಹೊಡೆಯುವ ಬದಲು ಮಾತಿನಿಂದ ತಮ್ಮ ಭಾವನೆಗಳನ್ನು ಹೇಳಿಕೊಳ್ಳಲು ಕಲಿಸಿ. “ನೀನು ಹಾಗೆ ಮಾಡಿದ್ಯಾಕೆ?” ಎಂದು ಕೇಳಿ. ಅವರ ಮಾತುಗಳು ತೋಚಿದಷ್ಟು ಕೇಳಿಸಿ, ನಂತರ ಬುದ್ಧಿವಂತಿಕೆಯಿಂದ ತಿದ್ದಿ.
ತಾವು ಹೊಡೆದರೆ ಏನು ಪರಿಣಾಮ ಬರುತ್ತದೆ ಎಂಬುದನ್ನು ಕಲಿಸಿ
ಮಕ್ಕಳಿಗೆ ಪಾಠ ಹೇಳಿಕೊಡುವಾಗ, ಅವರು ಹೊಡೆಯುವ ಕ್ರಿಯೆಯಿಂದ ಆಗಬಹುದಾದ ಪರಿಣಾಮಗಳನ್ನೂ ವಿವರಿಸಿ. ಉದಾಹರಣೆಗೆ, “ನೀನು ಹೊಡೆದ್ರೆ ಅವನು/ಅವಳು ಅಳ್ತಾರೆ, ಇನ್ನು ನಿನ್ನೊಂದಿಗೆ ಆಟ ಆಡೋದೇ ಇಲ್ಲ ಅಂತಾರೆ” ಎಂದು ತಿಳಿಸಿ. ಅವರು ಬೇರೆಯವರ ಭಾವನೆಗಳನ್ನು ಅರಿಯಲು ಸಹಾಯಮಾಡಿ.
ಪೋಷಕರು ತಾಳ್ಮೆಯಿಂದ, ಪ್ರೀತಿಯಿಂದ ಮತ್ತು ನಿರಂತರ ಮಾರ್ಗದರ್ಶನದ ಮೂಲಕ ಅವರಲ್ಲಿ ಉತ್ತಮ ನಡವಳಿಕೆಯನ್ನು ಬೆಳೆಸಬಹುದು. ಹೊಡೆಯುವ ನಡವಳಿಕೆಗೆ ತಕ್ಷಣ ಸ್ಪಂದಿಸಿ, ಆದರೆ ಕೋಪದಿಂದ ಅಲ್ಲ – ಪ್ರೀತಿ ಮತ್ತು ತಿಳಿವಳಿಕೆಯಿಂದ. ಮಕ್ಕಳು ನಮ್ಮ ಮಾತುಗಳಿಗಿಂತ ಹೆಚ್ಚಿನದನ್ನು ನಮ್ಮ ನಡೆ ಮತ್ತು ಸ್ಪಂದನೆಗಳಿಂದ ಕಲಿಯುತ್ತಾರೆ ಎಂಬುದನ್ನು ಮರೆಯಬಾರದು.
