ಜನನದ ನಂತರ ನವಜಾತ ಶಿಶುಗಳ ಚರ್ಮ ಮತ್ತು ಕಣ್ಣುಗಳು ಹಳದಿ ಬಣ್ಣಕ್ಕೆ ತಿರುಗುವುದು ಕಾಮಾಲೆ ಎನ್ನುವ ಸಾಮಾನ್ಯ ಸ್ಥಿತಿ. ಬಹುತೇಕ ಸಂದರ್ಭಗಳಲ್ಲಿ ಇದು ತಾತ್ಕಾಲಿಕವಾಗಿದ್ದು, ಸ್ವಾಭಾವಿಕವಾಗಿ ಹೋಗಿಬಿಡುತ್ತದೆ. ಆದರೆ ಕೆಲವೊಮ್ಮೆ ಇದು ಗಂಭೀರವಾಗುವ ಸಾಧ್ಯತೆಯೂ ಇರುತ್ತದೆ. ಈ ಬಗ್ಗೆ ಪೋಷಕರು ಜಾಗರೂಕರಾಗಿರುವುದು ಅಗತ್ಯ.
ಕಾಮಾಲೆಯ ಮುಖ್ಯ ಕಾರಣವೆಂದರೆ ಶಿಶುವಿನ ರಕ್ತದಲ್ಲಿ ಬಿಲಿರುಬಿನ್ ಎಂಬ ಹಳದಿ ವರ್ಣದ್ರವ್ಯದ ಹೆಚ್ಚುವರಿ ಶೇಖರಣೆ. ಮಗು ಗರ್ಭದಲ್ಲಿ ರುವಾಗ, ತಾಯಿಯ ಯಕೃತ್ತು ಅವರಿಗಾಗಿ ಬಿಲಿರುಬಿನ್ ಅನ್ನು ತೆರವುಗೊಳಿಸುತ್ತದೆ. ಜನನದ ನಂತರ, ಮಗುವಿನ ಯಕೃತ್ತು ಅದನ್ನು ತೆಗೆದುಕೊಳ್ಳುತ್ತದೆ. ಇದು ಬಿಲಿರುಬಿನ್ ಸಂಗ್ರಹಕ್ಕೆ ಕಾರಣವಾಗ ಬಹುದು ಮತ್ತು ಚರ್ಮ ಮತ್ತು ಕಣ್ಣುಗಳು ಹಳದಿಯಾಗಿ ಕಾಣುವಂತೆ ಮಾಡುತ್ತದೆ.
ಕಾಮಾಲೆಯ ಪ್ರಮುಖ ರೂಪಗಳು:
ಶಾರೀರಿಕ ಕಾಮಾಲೆ: ಇದು ಸಾಮಾನ್ಯವಾಗಿದ್ದು ಜನನದ ಎರಡನೇ ಅಥವಾ ಮೂರನೇ ದಿನದಂದು ಕಾಣಿಸಿಕೊಳ್ಳುತ್ತದೆ. ಎರಡು ವಾರಗಳಲ್ಲಿ ಸ್ವತಃ ಸರಿಯಾಗುತ್ತದೆ.
ಸ್ತನ್ಯಪಾನ ಕಾಮಾಲೆ: ಮೊದಲ ವಾರದಲ್ಲಿ ತಾಯಿಯ ಹಾಲು ನಿಧಾನವಾಗಿ ಬರುತ್ತಿದ್ದರೆ ಅಥವಾ ಮಗು ಕಡಿಮೆ ಹಾಲು ಕುಡಿಯುವದರಿಂದ ಬಿಲಿರುಬಿನ್ ಶೇಕರಣೆಯಾಗಬಹುದು.
ಎದೆಹಾಲು ಕಾಮಾಲೆ: ತಾಯಿಯ ಹಾಲಿನಲ್ಲಿ ಇರುವ ಕೆಲವೊಂದು ವಸ್ತುಗಳು ಶಿಶುವಿನ ಯಕೃತ್ತಿಗೆ ಬಿಲಿರುಬಿನ್ ತೆಗೆದುಹಾಕುವುದನ್ನು ನಿಧಾನಗೊಳಿಸುತ್ತವೆ.
ಪ್ಯಾಥೋಲಾಜಿಕಲ್ ಕಾಮಾಲೆ: ರಕ್ತದ ಅಸಾಮರಸ್ಯ, ಸೆಪ್ಸಿಸ್, ಇನ್ಫೆಕ್ಷನ್‌ಗಳು, ಅಥವಾ ಯಕೃತ್ತು-ಪಿತ್ತ ನಾಳದ ತೊಂದರೆಗಳಿಂದ ತೀವ್ರ ಕಾಮಾಲೆ ಉಂಟಾಗಬಹುದು.
ಲಕ್ಷಣಗಳು: ಹಳದಿ ಚರ್ಮ, ಹಳದಿ ಕಣ್ಣುಗಳು, ತುಸು ನಿದ್ರಾಶೀಲತೆ, ತೂಕ ಕಡಿಮೆಯಾಗುವುದು, ಗಾಢ ಮೂತ್ರ ಮತ್ತು ಹಸಿರು ಮಲ ವಿಸರ್ಜನೆ ಇತ್ಯಾದಿ.
ಚಿಕಿತ್ಸೆಗಳು:
ಆಗಾಗ್ಗೆ ಹಾಲುಣಿಸುವುದು: ಶಿಶುವಿಗೆ ಹಾಲು ನೀಡುವುದರಿಂದ ಬಿಲಿರುಬಿನ್ ಶರೀರದಿಂದ ಹೊರಹೋಗಲು ಸಹಾಯವಾಗುತ್ತದೆ.
ಫೋಟೋಥೆರಪಿ: ಶಿಶುವನ್ನು ನೀಲಿ ಬೆಳಕಿನ ಕೆಳಗೆ ಇಟ್ಟುಕೊಳ್ಳುವುದು ಬಿಲಿರುಬಿನ್‌ನ್ನು ಬೇಗ ಕರಗಿಸಬಹುದು.
ರಕ್ತ ವರ್ಗಾವಣೆ: ತೀವ್ರ ಸಂದರ್ಭದಲ್ಲಿ ಐಸಿಯುಗಳಲ್ಲಿ ಶಿಶುವಿನ ರಕ್ತವನ್ನು ಬದಲಾಯಿಸುವ ಮೂಲಕ ಚಿಕಿತ್ಸೆ ನೀಡಲಾಗುತ್ತದೆ.
ಪೋಷಕರಾಗಿ ಗಮನವಿಟ್ಟು ಈ ಲಕ್ಷಣಗಳನ್ನು ಪರಿಚಯವಾಗಿಟ್ಟುಕೊಂಡು, ವೈದ್ಯಕೀಯ ಸಲಹೆ ಪಡೆಯುವುದು ಮುಖ್ಯ.(Disclaimer: ಈ ಲೇಖನವು ಸಾರ್ವಜನಿಕ ಮೂಲಗಳಿಂದ ಸಂಗ್ರಹಿಸಿದ ಮಾಹಿತಿಯಾಧಾರಿತವಾಗಿದೆ. ಇದು ವೈದ್ಯಕೀಯ ಸಲಹೆಯಲ್ಲ. ಹೆಚ್ಚಿನ ಸಮಸ್ಯೆಗಾಗಿ ತಜ್ಞರನ್ನು ಸಂಪರ್ಕಿಸಿ.)
