ಮಕ್ಕಳು ಕೆಲವೊಮ್ಮೆ ಅಸಾಧ್ಯವಾದ ಅಥವಾ ಅವಶ್ಯಕವಿಲ್ಲದ ಬೇಡಿಕೆಗಳನ್ನು ಇಡಬಹುದು. ಅವರ ಭಾವನೆಗಳನ್ನು ನೋಯಿಸದೆ “ಇಲ್ಲ” ಎನ್ನುವುದು ಬಹುಮಟ್ಟಿಗೆ ಸವಾಲಿನ ಸಂಗತಿ. ಆದರೆ ಪೋಷಕರಾಗಿ ನಾವು ಅವುಗಳನ್ನು ಸೂಕ್ತವಾಗಿ ನಿರ್ವಹಿಸಬೇಕು. “ಇಲ್ಲ” ಎಂಬುದನ್ನು ನೇರವಾಗಿ ಹೇಳುವ ಬದಲಾಗಿ, ಉತ್ತಮ ಸಂವಹನದ ಮೂಲಕ ತಿಳಿಸುವುದು ಒಳ್ಳೆಯದು.
ಪರ್ಯಾಯ ಆಯ್ಕೆಯನ್ನು ನೀಡುವುದು:
“ಇದು ಈಗ ಸಾಧ್ಯವಿಲ್ಲ, ಆದರೆ ನಾವು ಅದನ್ನು ಮಾಡಬಹುದು” ಎಂದು ಹೇಳಿ. ಉದಾಹರಣೆಗೆ, “ಇವು ನಾವು ಇವತ್ತು ಈ ತಿಂಡಿ ತಗೋಳೋದು ಬೇಡ, ಬದಲಿಗೆ ನಾಳೆ ನಿನ್ನ ಫೇವರಿಟ್ ತಗೆದುಕೊಳ್ಳೋಣ.” ಎನ್ನುವುದು.
ಕಾರಣವನ್ನು ವಿವರಿಸಿ:
ಮಕ್ಕಳು “ಇಲ್ಲ” ಎನ್ನುವ ಕಾರಣವನ್ನು ಅರಿತುಕೊಳ್ಳುವಷ್ಟು ಚಾತುರ್ಯ ಹೊಂದಿರುತ್ತಾರೆ. “ಇದು ಆರೋಗ್ಯಕರವಲ್ಲ” ಅಥವಾ “ಈ ಸಮಯದಲ್ಲಿ ಅದು ಬೇಕಾದದ್ದಲ್ಲ” ಎಂದು ಸ್ಪಷ್ಟವಾಗಿ ಹೇಳುವುದು ಸಹಾಯಕವಾಗಬಹುದು.
ಸಕಾರಾತ್ಮಕ ನಿರಾಕರಣೆ (Positive Denial):
“ನೀನು ಇಷ್ಟಪಡೋದು ನನಗೆ ಗೊತ್ತು, ಆದರೆ ಈಗ ನಾವು ಅದನ್ನು ಮಾಡೋಕಾಗಲ್ಲ ” ಎಂಬ ಶೈಲಿಯಲ್ಲಿ ಮಾತಾಡಿ. ಇದು ಮಕ್ಕಳ ಭಾವನೆಗಳನ್ನು ಗೌರವಿಸುವುದು ಮತ್ತು ನಿರಾಕರಣೆಯ ಸಾಂದರ್ಭಿಕತೆಯನ್ನು ನೀಡುವುದು.
ಬದಲಾದ ಸಮಯದ ಭರವಸೆ ನೀಡಿ:
“ಈಗ ಸಾಧ್ಯವಿಲ್ಲ, ಆದರೆ ಶನಿವಾರ ನೋಡೋಣ” ಎಂಬಂತೆ ಮುಂದಿನ ಅವಕಾಶವನ್ನು ಸೂಚಿಸುವುದು ಮಕ್ಕಳ ನಿರಾಶೆಯನ್ನು ಕಡಿಮೆ ಮಾಡುತ್ತದೆ ಮತ್ತು ನಿರೀಕ್ಷೆಯ ನಿಟ್ಟಿನಲ್ಲಿ ಅವರು ಬೇಸರಿಸದೆ ಅರಿತುಕೊಳ್ಳುತ್ತಾರೆ.
“ಇಲ್ಲ” ಎನ್ನುವುದನ್ನು ಪ್ರಾಮಾಣಿಕ ಮತ್ತು ಸಹಾನುಭೂತಿಯೊಡನೆ ಹೇಳುವುದು ಮಕ್ಕಳ ಮನಸ್ಥಿತಿಗೆ ಅನುಕೂಲವಾಗುತ್ತದೆ. ಅವರು ನಾವು ಒಪ್ಪುತ್ತಿಲ್ಲ ಎನ್ನುವುದನ್ನು ಗ್ರಹಿಸಿ, ಶಿಸ್ತಿನ ಜೊತೆಗೆ ಪ್ರೀತಿ ತುಂಬಿದ ಸಂಬಂಧ ನಿರ್ಮಿಸಬಹುದು.
