ಸಂಬಂಧಗಳ ಬಗ್ಗೆ ಮಾತನಾಡುವಾಗ ಬಾಹ್ಯ ಸೌಂದರ್ಯ, ಹಣ–ಹುದ್ದೆ ಮೊದಲಿಗೆ ಕೇಳಿಬರುವುದು ಸಹಜ. ಆದರೆ ಮಹಿಳೆಯರು ನಿಜವಾಗಿ ಆಕರ್ಷಿತರಾಗುವುದು ಪುರುಷನ ಆಂತರಿಕ ಗುಣಗಳಿಗೆ, ಸತ್ಯಸಂಧತೆಗೆ ಮತ್ತು ಗೌರವದ ನಡವಳಿಕೆಗೆ. ಈ ಗುಣಗಳು ಇರುವ ಪುರುಷರು ಮಹಿಳೆಯರ ಮನಸ್ಸು ಗೆದ್ದು, ದೀರ್ಘಕಾಲದ ಸಂಬಂಧವನ್ನೂ ಕಟ್ಟಿಕೊಳ್ಳುತ್ತಾರೆ.
- ಪ್ರಾಮಾಣಿಕತೆ ಮತ್ತು ಸತ್ಯದ ಮಾತು: ಮಹಿಳೆಯರು ಅತ್ಯಂತ ಮೌಲ್ಯ ನೀಡುವ ಗುಣವೇ ಪುರುಷನ ನಿಷ್ಠೆ. ಸತ್ಯವಾಗಿ ಮಾತನಾಡುವ, ಸುಳ್ಳು–ಮೋಸದ ನಡೆ ತೋರದ ಪುರುಷರ ಮೇಲೆ ಮಹಿಳೆಯರಲ್ಲಿ ಭರವಸೆ ಮೂಡುತ್ತದೆ. ಇಂತಹ ನಂಬಿಕೆ ಸಂಬಂಧವನ್ನು ಬಲಿಷ್ಠವಾಗಿಸುತ್ತದೆ.
- ಸಂಗಾತಿಯ ಮಾತು ಆಲಿಸುವ ಗುಣ: ಅವರ ಅಭಿಪ್ರಾಯಗಳಿಗೆ ಕಿವಿಗೊಡುವ, ನೋವನ್ನು–ಸಂತೋಷವನ್ನು ಹಂಚಿಕೊಳ್ಳುವ ಪುರುಷರತ್ತ ಮಹಿಳೆಯರು ಸಹಜವಾಗಿ ಆಕರ್ಷಿತರಾಗುತ್ತಾರೆ.
- ಉತ್ತಮ ವ್ಯಕ್ತಿತ್ವ: ಮಹಿಳೆಯರು ಬಾಹ್ಯ ಸೌಂದರ್ಯಕ್ಕಿಂತ ವ್ಯಕ್ತಿತ್ವದ ಹೊಳಪನ್ನು ಹೆಚ್ಚು ಪರಿಗಣಿಸುತ್ತಾರೆ. ಶಾಂತ, ಸ್ಪಷ್ಟ ನಿರ್ಧಾರಗಳಿರುವ, ಮೌಲ್ಯ–ತತ್ವಗಳನ್ನು ಪಾಲಿಸುವ ಪುರುಷರು ಅವರ ಮನಸ್ಸಿಗೆ ಬೇಗನೇ ಹತ್ತಿರವಾಗುತ್ತಾರೆ.
- ಗೌರವ ಮತ್ತು ಪ್ರೀತಿ: ಪರಸ್ಪರ ಗೌರವ ನೀಡುವ ಸಂಬಂಧವೇ ದೀರ್ಘಕಾಲ ಉಳಿಯುತ್ತದೆ. ಸಂಗಾತಿಯ ಅಭಿಪ್ರಾಯಗಳಿಗೆ ಮೌಲ್ಯ ನೀಡುವ, ಸಣ್ಣ ವಿಚಾರಗಳನ್ನೂ ಗಮನಿಸುವ ಪುರುಷರು ಮಹಿಳೆಯರ ಹೃದಯದಲ್ಲಿ ವಿಶೇಷ ಸ್ಥಾನ ಪಡೆಯುತ್ತಾರೆ.
