ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಅಮೆರಿಕದ ಮಾಜಿ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಭಾರತ ಸೇರಿದಂತೆ 69 ದೇಶಗಳಿಂದ ಆಮದುವಾಗುವ ವಸ್ತುಗಳಿಗೆ ಸುಂಕ ವಿಧಿಸಿದ ಬೆನ್ನಲ್ಲೇ, ಭಾರತ ಎಫ್-35 ಯುದ್ಧವಿಮಾನ ಖರೀದಿಸುವ ನಿರ್ಧಾರದಿಂದ ಹಿಂದೆ ಸರಿದಿದೆ ಎಂದು ಬ್ಲೂಂಬರ್ಗ್ ವರದಿ ಮಾಡಿದೆ. ಇದರಿಂದಾಗಿ ಎರಡು ದೇಶಗಳ ಮಧ್ಯೆ ರಕ್ಷಣಾ ವ್ಯಾಪಾರದ ಸಂಬಂಧವು ನೂತನ ತಿರುವು ಪಡೆಯುವ ಸಾಧ್ಯತೆಯಿದೆ.
ಟ್ರಂಪ್ ನೇತೃತ್ವದ ಆಡಳಿತ ಭಾರತದಿಂದ ಆಮದು ಆಗುವ ಕೆಲವು ಪ್ರಮುಖ ವಸ್ತುಗಳಿಗೆ 25% ಶುಲ್ಕ ವಿಧಿಸಿದೆ. ಈ ಕ್ರಮದ ಪೈಪೋಟಿಯಲ್ಲಿ, ಭಾರತ ಐದನೇ ತಲೆಮಾರಿನ ಎಫ್-35 ಯುದ್ಧವಿಮಾನ ಖರೀದಿಸಲು ತಾತ್ಕಾಲಿಕವಾಗಿ ವಿರಮ ನೀಡಿದೆ ಎನ್ನಲಾಗಿದೆ. ಪ್ರಧಾನಿ ನರೇಂದ್ರ ಮೋದಿ ಅವರ ಅಮೆರಿಕ ಪ್ರವಾಸದ ಸಂದರ್ಭದಲ್ಲಿ ಈ ಯುದ್ಧವಿಮಾನ ಖರೀದಿಗೆ ಆಫರ್ ನೀಡಲಾಗಿತ್ತು.
ಭಾರತ ಈಗ ದೇಶೀಯವಾಗಿ ಜಂಟಿ ರಚನೆ ಮತ್ತು ಉತ್ಪಾದನೆಗೆ ಆದ್ಯತೆ ನೀಡುತ್ತಿದೆ ಎಂದು ವರದಿಯಾಗಿದೆ. HAL ಸಂಸ್ಥೆಯ ಮೂಲಕ ಈಗಾಗಲೇ ತೇಜಸ್ ಯುದ್ಧವಿಮಾನಗಳು ಅಭಿವೃದ್ಧಿ ಹೊಂದಿದ್ದು, ಇದೀಗ AMCA (ಅಡ್ವಾನ್ಸ್ ಮೀಡಿಯಂ ಕಾಮ್ಬಾಟ್ ಏರ್‌ಕ್ರಾಫ್ಟ್) ಯೋಜನೆಯತ್ತ ಭಾರತ ಬಾಗುತ್ತಿದ್ದು, ಈ ವಿಮಾನದ ಮಾದರಿ ಬೆಂಗಳೂರಿನಲ್ಲಿ ನಡೆದ ಏರ್ ಶೋನಲ್ಲಿ ಅನಾವರಣಗೊಂಡಿತ್ತು.
AMCA ಯೋಜನೆಯ ಪ್ರಕಾರ, 2028ರ ಹೊತ್ತಿಗೆ ವಿಮಾನ ನಿರ್ಮಾಣ ಆರಂಭವಾಗಲಿದೆ ಮತ್ತು ಎಲ್ಲಾ ಪ್ರಯೋಗಗಳು ಯಶಸ್ವಿಯಾಗಿದರೆ, 2034ರ ವೇಳೆಗೆ ಭಾರತೀಯ ವಾಯುಸೇನೆಗೆ ಹಸ್ತಾಂತರ ಮಾಡಲಾಗುತ್ತದೆ.
ಇನ್ನು ತೇಜಸ್ ಯೋಜನೆಗೆ ಅಮೆರಿಕದ ಜನರಲ್ ಎಲೆಕ್ಟ್ರಿಕ್ ಸಂಸ್ಥೆ ಎಂಜಿನ್ ನೀಡಲು ಒಪ್ಪಿಕೊಂಡಿದ್ದರೂ, ಸರಿಯಾದ ಸಮಯದಲ್ಲಿ ಎಂಜಿನ್ ವಿತರಣೆ ಆಗದ ಕಾರಣ ಉತ್ಪಾದನೆ ವಿಳಂಬವಾಗುತ್ತಿದೆ. ಇದು ಭಾರತ-ಅಮೆರಿಕ ರಕ್ಷಣಾ ಸಹಕಾರದ ಭರವಸೆಯ ಮೇಲೆ ಪ್ರಶ್ನೆ ಏಳುವಂತೆ ಮಾಡಿದೆ ಎಂಬ ಮಾತುಗಳು ರಕ್ಷಣಾ ವಲಯಗಳಲ್ಲಿ ಕೇಳಿಬರುತ್ತಿವೆ.
ಈ ಕುರಿತು ಭಾರತ ಅಥವಾ ಅಮೆರಿಕ ಸರ್ಕಾರದಿಂದ ಇನ್ನೂ ಅಧಿಕೃತ ಪ್ರತಿಕ್ರಿಯೆ ಹೊರಬಿದ್ದಿಲ್ಲ.
