ಹೊಸದಿಗಂತ ಡಿಜಿಟಲ್ ಡೆಸ್ಕ್‌:
ಶ್ರೀರಾಮ್‌ ಗ್ರೂಪ್‌ನ ಶ್ರೀರಾಮ್‌ ಫೈನಾನ್ಸ್‌ ಎಫ್‌ ಡಿ( ಸ್ಥಿರ ಠೇವಣಿ ) ಬಡ್ಡಿ ದರವನ್ನು ಪರಿಷ್ಕರಿಸಿದೆ. ಜೂನ್‌ 26ರಿಂದ ಈ ಹೊಸ ಬಡ್ಡಿ ದರ ಜಾರಿಗೆ ಬಂದಿದೆ ಎಂದು ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.
ಹೆಚ್ಚಿನ ಎಫ್‌ಡಿ ಯೋಜನೆಗಳ ಬಡ್ಡಿ ದರದಲ್ಲಿ 40 ಬೇಸಿಸ್ ಪಾಯಿಂಟ್‌ಗಳವರೆಗೆ ಬದಲಾವಣೆ ಮಾಡಲಾಗಿದೆ. 12 ತಿಂಗಳ ಠೇವಣಿಗೆ 30 ಬೇಸಿಸ್ ಪಾಯಿಂಟ್‌ಗಳ ಕಡಿತವನ್ನು ಮಾಡಲಾಗಿದೆ.
ಭಾರತದ ಪ್ರಮುಖ ನಾಣ್‌ ಬ್ಯಾಂಕಿಂಗ್‌ ಸಂಸ್ಥೆಯಾಗಿರುವ ಶ್ರೀರಾಮ್‌ ಫೈನಾನ್ಸ್‌ ನ ಪರಿಷ್ಕೃತ ಬಡ್ಡಿದರಗಳ ವಿವರ ಹೀಗಿದೆ…
12 ತಿಂಗಳ ಅವಧಿಯ ಠೇವಣಿಗಳ ಬಡ್ಡಿದರವನ್ನು ಈಗಿರುವ ಶೇ. 7.65 ರಿಂದ ಶೇ.7.35ಕ್ಕೆ ಇಳಿಸಲಾಗಿದೆ. 15 ತಿಂಗಳ ಡಿಜಿಟಲ್ ಠೇವಣಿಗಳ ದರವನ್ನು 7.90% ರಿಂದ 7.50% ಕ್ಕೆ ಮತ್ತು 18 ತಿಂಗಳ ಠೇವಣಿಗಳ ದರವನ್ನು 7.80% ರಿಂದ 7.40% ಕ್ಕೆ ಇಳಿಸಲಾಗಿದೆ. ಅದೇ ರೀತಿ, 24 ತಿಂಗಳ ಎಫ್‌ಡಿ ಬಡ್ಡಿದರವನ್ನು 7.90% ರಿಂದ 7.50% ಕ್ಕೆ ಇಳಿಸಲಾಗಿದೆ. ಅಲ್ಲದೆ, 36 ತಿಂಗಳು, 50 ತಿಂಗಳು ಮತ್ತು 60 ತಿಂಗಳ ದೀರ್ಘಾವಧಿಯ ಠೇವಣಿಗಳ ಗರಿಷ್ಠ ಬಡ್ಡಿದರವನ್ನು ಈಗಿರುವ 8.40% ರಿಂದ 8.00% ಕ್ಕೆ ಇಳಿಸಲಾಗಿದೆ.
ಹೆಚ್ಚುವರಿ ಲಾಭಗಳು ಮುಂದುವರೆಯಲಿದ್ದು, 60ವರ್ಷ ಮೇಲ್ಪಟ್ಟ ಹಿರಿಯ ನಾಗರಿಕ ಠೇವಣಿದಾದರು ಹೊಸ ಪರಿಷ್ಕೃತ ಬಡ್ಡಿದರದಡಿಯಲ್ಲಿ ವರ್ಷಕ್ಕೆ ಶೇಕಡಾ 0.50ರಷ್ಟು ಹೆಚ್ಚುವರಿ ಬಡ್ಡಿಗೆ ಅರ್ಹತೆಯನ್ನು ಹೊಂದಿರುತ್ತಾರೆ. ಮಹಿಳಾ ಠೇವಣಿದಾರರು ವರ್ಷಕ್ಕೆ ಶೇಕಡಾ 0.05ರಷ್ಟು ಹೆಚ್ಚುವರಿ ಬಡ್ಡಿಯನ್ನು ಪಡೆಯಲು ಅವಕಾಶವಿದೆ. ಪ್ರಬುದ್ಧ ಠೇವಣಿಗಳ ನವೀಕರಣಗಳು ವಾರ್ಷಿಕ ಶೇ. 0.15 ಹೆಚ್ಚುವರಿ ಬಡ್ಡಿಯನ್ನು ಆಕರ್ಷಿಸುತ್ತವೆ.
10 ಕೋಟಿಗಿಂತ ಹೆಚ್ಚಿನ ಠೇವಣಿಗಳಿಗೆ, ಅನ್ವಯವಾಗುವ ಬಡ್ಡಿದರವು ಪ್ರಕಟಿತ ಕಾರ್ಡ್ ದರಕ್ಕಿಂತ ಬದಲಾಗಬಹುದು ಆದರೆ ಆರ್‍‌ಬಿಐ ರೂಪಿಸಿರುವ ಬಡ್ಡಿದರದ ಮಿತಿಯೊಳಗೆ ಬಡ್ಡಿ ಒಳಗೊಂಡಿರುತ್ತದೆ.
ಸ್ಥಿರ ಹೂಡಿಕೆ ಯೋಜನೆ ( ಎಫ್‌ಐಪಿ) ಬಡ್ಡಿ ದರ ಪರಿಷ್ಕರಣೆ
ಜೂನ್‌ 26ರಂದು ಜಾರಿಗೆ ಬರುವಂತೆ ಸ್ಥಿ್ರ ಹೂಡಿಕೆ ಯೋಜನೆ ( ಎಫ್‌ಐಪಿ) ಬಡ್ಡಿ ದರದಲ್ಲೂ ಪರಿಷ್ಕರಣೆ ಮಾಡಲಾಗಿದೆ. 12 ರಿಂದ 23 ತಿಂಗಳ ಅವಧಿ ಹೂಡಿಕೆಯ ಬಡ್ಡಿದರವನ್ನು 8.50% ರಿಂದ 7.35% ಕ್ಕೆ ಗಮನಾರ್ಹವಾಗಿ ಕಡಿಮೆ ಮಾಡಲಾಗಿದೆ. 24 ರಿಂದ 35 ತಿಂಗಳ ಹೂಡಿಕೆಯ ದರವನ್ನು 8.75% ರಿಂದ 7.50% ಕ್ಕೆ ಮತ್ತು 36 ರಿಂದ 48 ತಿಂಗಳ ದೀರ್ಘಾವಧಿಯ ಹೂಡಿಕೆಯ ಬಡ್ಡಿ ದರವನ್ನು 9.00% ರಿಂದ 8.00% ಕ್ಕೆ ಪರಿಷ್ಕರಿಸಲಾಗಿದೆ.
