ಇಂದಿನ ಪೀಳಿಗೆಯ ಮಹಿಳೆಯರು ಸ್ವತಂತ್ರವಾಗಿ ಬದುಕಲು ಬಯಸುತ್ತಾರೆ. ಅದರಲ್ಲಿ “ಸೋಲೋ ಟ್ರಿಪ್” ಎಂದರೆ ತಮ್ಮ ಆತ್ಮವಿಶ್ವಾಸ ಮತ್ತು ಧೈರ್ಯವನ್ನು ಪರೀಕ್ಷಿಸುವ ಪ್ರಯಾಣ. ಆದರೆ, ಒಂಟಿಯಾಗಿ ಪ್ರಯಾಣಿಸುವಾಗ ಸುರಕ್ಷತೆ ಅತಿ ಮುಖ್ಯ. ಇಲ್ಲಿದೆ ಮಹಿಳೆಯರು ಗಮನಿಸಬೇಕಾದ 5 ಪ್ರಮುಖ ಅಂಶಗಳು ಹೀಗಿವೆ ನೋಡಿ.
- ಯೋಜನೆ ಮಾಡಿ ಪ್ರಯಾಣಿಸಿ: ಪ್ರಯಾಣಕ್ಕೆ ಮುಂಚಿತವಾಗಿ ಸ್ಥಳದ ಬಗ್ಗೆ ಮಾಹಿತಿ ಸಂಗ್ರಹಿಸಿ. ಆನ್‌ಲೈನ್ ವಿಮರ್ಶೆಗಳು, ನಕ್ಷೆಗಳು ಹಾಗೂ ಹೋಟೆಲ್‌ ವಿವರಗಳನ್ನು ಪರಿಶೀಲಿಸಿ. ಇಂಟರ್ನೆಟ್ ಸಿಗದ ಸಂದರ್ಭಗಳಲ್ಲಿ ಆಫ್ ಲೈನ್ ಮ್ಯಾಪ್ ಯೋಜಿಸಿಟ್ಟುಕೊಳ್ಳಿ.
- ಸುರಕ್ಷಿತ ವಸತಿ ಆಯ್ಕೆ ಮಾಡಿ: ಹೊಸ ಸ್ಥಳಕ್ಕೆ ರಾತ್ರಿ ವೇಳೆ ತಲುಪುವುದನ್ನು ತಪ್ಪಿಸಿ. ಸುರಕ್ಷಿತ ಮತ್ತು ಮಹಿಳಾ ಸ್ನೇಹಿ ಹಾಸ್ಟೆಲ್ ಅಥವಾ ಹೋಟೆಲ್‌ನಲ್ಲಿ ವಾಸಿಸುವುದು ಉತ್ತಮ. ನಿಮ್ಮ ಸ್ಥಳದ ವಿವರಗಳನ್ನು ಕುಟುಂಬದವರಿಗೆ ತಿಳಿಸಿ.
- ಅಪರಿಚಿತರೊಂದಿಗೆ ಎಚ್ಚರಿಕೆ ಇರಲಿ: ಹೊಸ ಜನರನ್ನು ಭೇಟಿಯಾಗುವುದು ಒಳ್ಳೆಯದೇ, ಆದರೆ ಸುರಕ್ಷತೆ ಮೊದಲ ಆದ್ಯತೆ. ಅಪರಿಚಿತ ವ್ಯಕ್ತಿ ಅಥವಾ ಸನ್ನಿಗ್ಧ ಪರಿಸ್ಥಿತಿಯಲ್ಲಿ ತಕ್ಷಣ ಸ್ಥಳ ಬದಲಾಯಿಸಿ. ನಿಮ್ಮ ವೈಯಕ್ತಿಕ ಮಾಹಿತಿಯನ್ನು ಯಾರೊಂದಿಗೂ ಹಂಚಿಕೊಳ್ಳಬೇಡಿ.
- ಹ್ಯಾಂಡ್‌ಬ್ಯಾಗ್‌ನಲ್ಲಿ ಅಗತ್ಯ ವಸ್ತು ಇರಲಿ: ಹ್ಯಾಂಡ್‌ಬ್ಯಾಗ್‌ನಲ್ಲಿ ಪೆಪ್ಪರ್‌ ಸ್ಪ್ರೇ, ಮೊಬೈಲ್ ಚಾರ್ಜರ್‌, ಔಷಧಿಗಳು ಮತ್ತು ನಗದು ಇಟ್ಟುಕೊಳ್ಳಿ. ತುರ್ತು ಸಂದರ್ಭಗಳಲ್ಲಿ ಇವು ನಿಮ್ಮ ರಕ್ಷಕರಾಗಬಹುದು.
- ಆತ್ಮವಿಶ್ವಾಸವೇ ನಿಜವಾದ ರಕ್ಷಣಾ ಕವಚ: ಒಂಟಿಯಾಗಿ ಪ್ರಯಾಣಿಸುವುದು ಹೊಸ ಅನುಭವಗಳನ್ನು ನೀಡುತ್ತದೆ. ಇದು ನಿಮ್ಮ ನಿರ್ಧಾರ ಶಕ್ತಿ ಮತ್ತು ಆತ್ಮವಿಶ್ವಾಸವನ್ನು ಹೆಚ್ಚಿಸುತ್ತದೆ. ಹೊಸ ಸಂಸ್ಕೃತಿ ತಿಳಿಯುವ ಮತ್ತು ಸ್ವತಂತ್ರವಾಗಿ ಬದುಕುವ ಶಕ್ತಿ ನಿಮ್ಮೊಳಗೆ ಬೆಳೆಸುತ್ತದೆ.
