ಹೊಸದಿಗಂತ ವರದಿ, ರಾಯಚೂರು:
ಶ್ರೀ ರಾಘವೇಂದ್ರ ಗುರುವೈಭವೋತ್ಸವ – 2024 ರ 2 ನೇ ದಿನದ ಶುಭ ಸಂದರ್ಭದಲ್ಲಿ ಪರಮಪೂಜ್ಯ ಶ್ರೀ ಸುಬುಧೇಂದ್ರ ತೀರ್ಥ ಸ್ವಾಮೀಜಿಯವರು ಶ್ರೀ ರಾಘವೇಂದ್ರ ಸ್ವಾಮಿಗಳ ಮೂಲ ಪಾದುಕೆಗಳಿಗೆ ಪಾದುಕಾ ಪಟ್ಟಾಭಿಷೇಕವನ್ನು ನಡೆಸಿದರು.
ಈ ಪೂಜ್ಯ ಆಚರಣೆಯ ಭಾಗವಾಗಿ, ಶ್ರೀ ರಾಯರ ಪಾದುಕೆಗಳನ್ನು ಸುವರ್ಣ ಸುಬುಧೇಂದ್ರ ತೀರ್ಥ ಸ್ವಾಮೀಜಿ ಸಿಂಹಾಸನದ ಮೇಲೆ ಇರಿಸಿ ಪುಷ್ಪಾಭಿಷೇಕ, ಕನಕಾಭಿಷೇಕ ಮತ್ತು ರತ್ನಾಭಿಷೇಕ (ಮುತ್ತಿನ ಅಭಿಷೇಕ) ಮಾಡಿದರು.
ಈ ಸಂದರ್ಭದಲ್ಲಿ ಮಂತ್ರಾಲಯ ಮತ್ತು ಎಲ್ಲಾ ಶಾಖಾ ಮಠಗಳಲ್ಲಿ ಉಚಿತವಾಗಿ ವಿತರಿಸಲಾಗುವ “ಶ್ರೀ ಕ್ರೋಧಿ ನಾಮ ಸಂವತ್ಸರ ಪಂಚಾಂಗ”ವನ್ನು ಶ್ರೀ ಸ್ವಾಮೀಜಿ ಉದ್ಘಾಟಿಸಿದರು.
ಪ್ರಾತಃಕಾಲ ರಥೋತ್ಸವವು ಪ್ರಾರಂಭವಾಯಿತು, ಶ್ರೀ ರಾಯರ ಮೂಲ ಪಾದುಕೆಗಳನ್ನು ಶಾಸ್ತ್ರೋಕ್ತವಾಗಿ ಸುವರ್ಣ ರಥದಲ್ಲಿ ಇರಿಸಲಾಯಿತು.
ಈ ದೈವಿಕ ಘಟನೆಯನ್ನು ವೀಕ್ಷಿಸಲು ಅಪಾರ ಸಂಖ್ಯೆಯ ಭಕ್ತರು ಮತ್ತು ಶಿಷ್ಯರು ಸಾಕ್ಷಿಯಾದರು ಮತ್ತು ಆಶೀರ್ವಾದ ಪಡೆದರು.
