ಮಾನವನ ಜೀವನದಲ್ಲಿ ಅತಿ ದೊಡ್ಡ ಸತ್ಯ ಅಂದ್ರೆ ಅದು ಸಾವು. ಆದರೆ ಮರಣ ಸಮೀಪಿಸುತ್ತಿದೆ ಎಂಬ ಸಮಯದಲ್ಲಿ ವ್ಯಕ್ತಿಯು ಯಾವ ಭಾವನೆಗಳನ್ನು ಅನುಭವಿಸುತ್ತಾನೆ ಎಂಬುದು ಹಲವು ವರ್ಷಗಳಿಂದ ಅಧ್ಯಯನಕ್ಕೆ ಒಳಪಟ್ಟ ವಿಷಯವಾಗಿದೆ. ವೈದ್ಯಕೀಯ ಮತ್ತು ಆಧ್ಯಾತ್ಮಿಕದ ಪ್ರಕಾರ, ಮರಣದ ಮುಂಚಿನ ಕ್ಷಣಗಳಲ್ಲಿ ದೈಹಿಕ ಮತ್ತು ಮಾನಸಿಕ ಬದಲಾವಣೆಗಳು ವ್ಯಕ್ತಿಯಲ್ಲಿ ಕಾಣಿಸಿಕೊಳ್ಳುತ್ತವೆ. ಈ ಅನುಭವಗಳು ಪ್ರತಿಯೊಬ್ಬರಿಗೂ ಒಂದೇ ರೀತಿ ಇರದೇ, ಅವರ ಆರೋಗ್ಯ, ವಯಸ್ಸು, ಭಕ್ತಿಭಾವನೆ, ಆತ್ಮಸ್ಥಿತಿ ಇತ್ಯಾದಿಗಳ ಮೇಲೆ ಅವಲಂಬಿತವಾಗಿರುತ್ತವೆ.
ದೈಹಿಕ ಬದಲಾವಣೆಗಳು:
ಜಾಸ್ತಿ ನಿದ್ದೆ, ಮೆತ್ತಗಿನ ಸಂವೇದನೆ:
ವ್ಯಕ್ತಿ ಹೆಚ್ಚು ನಿದ್ದೆ ಮಾಡುತ್ತಾರೆ, ಎಚ್ಚರಗೊಳ್ಳುವುದು ಕಷ್ಟವಾಗುತ್ತದೆ.
ಹಸಿವು ಮತ್ತು ಬಾಯಾರಿಕೆಯ ಕಡಿಮೆ ಆಗುವುದು:
ಆಹಾರ ಮತ್ತು ನೀರಿನ ಸೇವನೆ ಕಡಿಮೆಯಾಗುತ್ತದೆ, ದೇಹಕ್ಕೆ ಅಗತ್ಯವಿಲ್ಲವೆಂಬಂತೆ ಪ್ರತಿಕ್ರಿಯೆ ನೀಡುತ್ತದೆ.
ಉಸಿರಾಟದ ಮಾದರಿಯಲ್ಲಿ ಬದಲಾವಣೆ:
ಉಸಿರಾಟ ಅಸ್ಥಿರವಾಗುತ್ತದೆ – ನಿಧಾನವಾಗಿ, ವೇಗವಾಗಿ ಅಥವಾ ಧ್ವನಿಯುಳ್ಳ ಉಸಿರಾಟವಾಗಬಹುದು.
ಚರ್ಮದ ಬದಲಾವಣೆ:
ಕೈಕಾಲುಗಳು ತಣ್ಣಗಾಗುತ್ತವೆ, ಚರ್ಮದ ಮೇಲೆ ಕಪ್ಪು-ನೀಲಿ ಮಚ್ಚೆಗಳು ಕಾಣಬಹುದು.
ಬಲಹೀನತೆ ಮತ್ತು ದಣಿವು ಹೆಚ್ಚಾಗುವುದು:
ವ್ಯಕ್ತಿಗೆ ಏಳಲು, ನಡೆಯಲು ಅಥವಾ ಮಾತನಾಡಲು ಶಕ್ತಿ ಕಡಿಮೆಯಾಗುವುದು
ಮಲಮೂತ್ರ ನಿಯಂತ್ರಣ ಕಳೆದುಕೊಳ್ಳುವುದು:
ಮಲಮೂತ್ರದ ನಿಯಂತ್ರಣ ಕಡಿಮೆಯಾಗಬಹುದು. ಅಥವಾ ಅವರ ಅರಿವಿಗೆ ಬಾರದೆ ವಿಸರ್ಜನೆಯಾಗುವುದು.
ಪ್ರಾಣಚಿಹ್ನೆಗಳ ಬದಲಾವಣೆ:
ರಕ್ತದ ಒತ್ತಡ ಇಳಿಯಬಹುದು, ಹೃದಯದ ನಡುಕು ನಿಧಾನಗೊಳ್ಳುತ್ತದೆ.
ಅವನತಿಯ ಸ್ಥಿತಿಗೆ ಹೋಗುವುದು:
ವ್ಯಕ್ತಿ ನಿಧಾನವಾಗಿ ಪ್ರಜ್ಞಾಹೀನ ಅಥವಾ ಕೊಮಾ ಸ್ಥಿತಿಗೆ ಸೇರುತ್ತಾರೆ.
ಮಾನಸಿಕ ಮತ್ತು ಭಾವನಾತ್ಮಕ ಬದಲಾವಣೆಗಳು:
ಗೊಂದಲ ಮತ್ತು ಅಸ್ಪಷ್ಟತೆ:
ಆಕ್ಸಿಜನ್ ಕೊರತೆಯಿಂದಾಗಿ ವ್ಯಕ್ತಿಗೆ ಗೊಂದಲ, ಉದ್ವಿಗ್ನತೆ ಕಾಣಿಸಬಹುದು.
ಅಶಾಂತಿ :
ಕೆಲವರು ಗಾಬರಿಯಾಗುವುದು, ನಡವಳಿಕೆ ಬದ್ಲಾವಣೆಯಾಗುವುದು. ಇದನ್ನು “ಟರ್ಮಿನಲ್ ಡಿಲಿರಿಯಂ” ಎನ್ನುತ್ತಾರೆ.
ಎಚ್ಚರಿಕೆಯ ಕ್ಷಣಗಳು:
ಕೊನೆ ಕ್ಷಣಗಳಲ್ಲಿ ಕೆಲವರು ಕ್ಷಣಿಕವಾಗಿ ಎಚ್ಚರಗೊಂಡಂತೆ ಕಾಣುತ್ತಾರೆ.
ಶಾಂತಿ ಅಥವಾ ದೈಹಿಕ ಶರೀರದಿಂದ ದೂರ ಹೋಗುವ ಭಾವನೆ:
ಕೆಲವರು ತಮ್ಮ ದೇಹವನ್ನು ಬಿಟ್ಟು ಹೊರಟಂತೆಯೇ ಭಾವಿಸುತ್ತಾರೆ, ಇದು ಶಾಂತ ಅನುಭವವಾಗಿರಬಹುದು.
ಭಯ ಮತ್ತು ಚಿಂತೆ:
ಕೆಲವರಿಗೆ ಮರಣದ ಭಯ, ದುಃಖ, ಏಕಾಂತ ಭಾವನೆಗಳು ಪ್ರಬಲವಾಗಿರುತ್ತವೆ.
ಮರಣ ಅನಿವಾರ್ಯವಾದ ಸತ್ಯ. ಅದನ್ನು ಭಯದಿಂದ ನೋಡದೇ, ಒಬ್ಬರ ಜೀವನದ ಅಂತಿಮ ಹಂತವಾಗಿ ಗೌರವದಿಂದ ಸ್ವೀಕರಿಸುವ ಧೈರ್ಯ ನಮಗೆ ಬೇಕು.
