ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಇಸ್ರೋ) ಶ್ರೀಹರಿಕೋಟಾದಿಂದ 36 ಉಪಗ್ರಹಗಳನ್ನು ಹೊತ್ತೊಯ್ಯುವ ಭಾರತದ ಅತಿದೊಡ್ಡ LVM3 ರಾಕೆಟ್ ಅನ್ನು ಉಡಾವಣೆ ಮಾಡಿದೆ. ಈ ಮೂಲಕ ಇಸ್ರೋ 36 ಒನ್ ವೆಬ್ ಉಪಗ್ರಹಗಳನ್ನು ಏಕಕಾಲಕ್ಕೆ ಕಕ್ಷೆಗೆ ಸೇರಿಸಲಿದೆ.
ಭಾನುವಾರ ಬೆಳಗ್ಗೆ ಒಂಬತ್ತು ಗಂಟೆಗೆ ರಾಕೆಟ್ ಉಡಾವಣೆಯಾಗಿದ್ದು, ಇದಕ್ಕಾಗಿ ಶನಿವಾರ ಬೆಳಗ್ಗೆ 08.30ರಿಂದ ಕ್ಷಣಗಣನೆ ಆರಂಭವಾಗಿದೆ. ರಾಕೆಟ್ ಮತ್ತು ಉಪಗ್ರಹಗಳನ್ನು ಕೂಲಂಕಷವಾಗಿ ಪರಿಶೀಲಿಸಲಾಯಿತು. ಅಗತ್ಯ ಇಂಧನ ತುಂಬಿಸಲಾಗಿದ್ದು, ಯಾವುದೇ ಅಡೆತಡೆಯಿಲ್ಲದೆ ಕ್ಷಣಗಣನೆ ನಡೆಯುತ್ತಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ‘LVM3’ ರಾಕೆಟ್ 43.5 ಮೀಟರ್ ಎತ್ತರ ಮತ್ತು 643 ಟನ್ ತೂಕವಿದೆ. ಇದನ್ನು ಎರಡನೇ ಉಡಾವಣಾ ಪ್ಯಾಡ್ನಿಂದ ಉಡಾವಣೆ ಮಾಡಲಾಗಿದೆ. ಬ್ರಿಟನ್ನ 36 ಪೀಳಿಗೆ-1 ಉಪಗ್ರಹಗಳನ್ನು ಈ ಮೂಲಕ ಬಾಹ್ಯಾಕಾಶಕ್ಕೆ ಕಳುಹಿಸಲಾಗುವುದು. ಅವುಗಳ ಒಟ್ಟು ತೂಕ 5,805 ಕೆ.ಜಿ. ಈ ರಾಕೆಟ್ ಮೂರು ಹಂತದ ರಾಕೆಟ್ ಆಗಿದೆ.
ಮೊದಲ ಹಂತದಲ್ಲಿ ದ್ರವ ಇಂಧನದೊಂದಿಗೆ ಉಡಾವಣೆ ಮಾಡಲಾಗುವುದು. ನಂತರ ಘನ ಇಂಧನ ಚಾಲಿತ ಮೋಟಾರ್ಗಳ ಮೂಲಕ ಚಲಿಸುತ್ತದೆ. ನಂತರ ಕ್ರಯೋಜೆನಿಕ್ ಎಂಜಿನ್ನೊಂದಿಗೆ ಕೆಲಸ ಮಾಡುತ್ತದೆ. ಇಸ್ರೋ ಉಡಾವಣೆಗೆ LVM3-M3/OneWeb India-2 ಮಿಷನ್ ಎಂದು ಹೆಸರಿಸಿದೆ. ಇದು ರಾಕೆಟ್ ಉಡಾವಣೆಯಾದ 19 ನಿಮಿಷಗಳಲ್ಲಿ ಉಪಗ್ರಹಗಳನ್ನು ಕಕ್ಷೆಗೆ ಸೇರಿಸುವ ಪ್ರಕ್ರಿಯೆಯು ಪ್ರಾರಂಭವಾಗುತ್ತದೆ. OneWeb ಉಪಗ್ರಹಗಳನ್ನು ಭಾರತೀಯ ಟೆಲಿಕಾಂ ಕಂಪನಿಯಾದ ಭಾರ್ತಿ ಗ್ರೂಪ್ ಅಭಿವೃದ್ಧಿಪಡಿಸಿದೆ. ಇದೇ ವೇಳೆ ಕಳೆದ ವರ್ಷ ಅಕ್ಟೋಬರ್ 23ರಂದು ಮೊದಲ ಹಂತದ ಉಪಗ್ರಹಗಳನ್ನು ಉಡಾವಣೆ ಮಾಡಲಾಗಿತ್ತು.
ಒನ್ವೆಬ್ಗಾಗಿ ಒಟ್ಟು 72 ಉಪಗ್ರಹಗಳನ್ನು ಉಡಾವಣೆ ಮಾಡಲು ಇಸ್ರೋ ಭಾರ್ತಿ ಏರ್ಟೆಲ್ನೊಂದಿಗೆ ಒಪ್ಪಂದಕ್ಕೆ ಸಹಿ ಹಾಕಿದೆ. ಇದರ ಒಟ್ಟು ಮೌಲ್ಯ 1,000 ಕೋಟಿ ರೂ. ಈಗಾಗಲೇ ಮೊದಲ ಹಂತದಲ್ಲಿ 36 ಉಪಗ್ರಹಗಳನ್ನು ಉಡಾವಣೆ ಮಾಡಲಾಗಿದ್ದು, ಭಾನುವಾರ ಮತ್ತೆ 36 ಉಪಗ್ರಹಗಳು ಉಡಾವಣೆಯಾಗಿವೆ.
#WATCH | Andhra Pradesh: The Indian Space Research Organisation (ISRO) launches India’s largest LVM3 rocket carrying 36 satellites from Sriharikota
(Source: ISRO) pic.twitter.com/jBC5bVvmTy
— ANI (@ANI) March 26, 2023